تعبت من كل شي

السلام عليكم ورحمة الله وبركاته

مدري من وين ابدأ بس بدخل بالكلام دايركت
اول شي انا عزابيه وعمري 25 سنه وادرس انتساب والفراغ ذابحني تعرفون كيف وضع المنتسبات ما يحتاج اشرح لكم ،، طبعا انا قبلها كنت ادرس منتظمة بكلية ثانيه بس من توفى ابوي الله يرحمه ويغفر له ويرحم جميع موتى المسلمين يا رب تركتها نفسيتي تعبت وتغيرت حياتي جلست سنه ونص فاضيه بعدين انتسبت ،،
والان لي سنتين اقدم ع وظايف بكل مكان بس ماانكتب لي نصيب بأي وظيفة مع الاسف وهالشي تعبني لان الروتين يقتل وربي
بنات انا تعبت من كل شي تعبت من جو بيتنا تعبت من الانتقادات والمعاير والتهزيء تعبت من قلة ادب خواتي وعدم احترامهم لي ومن اهمال وتطنيش امي للبيت ولعيالها الصغار ومقابلها للجوال 24 ساعه ماهي مسويه كنترول عالبيت وانا اللي اكلتها مع الاسف
والله يا بنات اني بجد اكلمكم تعبت وربي ابكيييييييي
مافي احد يسمع لحد مافي احد يفهمني وياخذ اللي بخاطري لا امي ولا خواتي اذا تكلمت لازم اسمع رد تجريح بتجريح في اي شي اي نقاش عادي ولازم اسمع شي يسد النفس ترى والله هالشي متعب بشكل ما تتصورون احيان ودي اصرخ با اعلى صوتي ابي اطلع اللي بنفسي مو قادره احس كأني مخنوقه اشياء كثير تعبتني واصدمتني ماابي اتعمق واقولها لكم لأنها تتعبني لما احكي فيها
بالله علموني كيف تتفهامون مع ناس مو راضين حتى يسمعون منك كلمة ابي افهم ؟؟!
والله عمري 25 سنه بس احس عمري 60 من اشياء كثير شفتها تقهر وتحز بالخاطر

حاسه اني ضايعه من داخل ومو مرتاحة وعلى اعصابي ومتوتره وقلقانه 24 ساعه احس كل هذا بسبب جو بيتنا

تصدقون بنات اختي المتزوجة لها فتره صايره تعايرني (بالعانس ) وسمعتها اختي الصغيره قامت تعايرني من يومها بالعانس والباير وربي مره جرررررحتني الكلمة قهرتني فيهااا

مع ان وربي ما فكرت بالزواج واصلا فكرته بحد ذاتها تخوفني بس احيان افكر بيني وبين نفسي اقول ليت اتزوج بس عشان افتك من معاملة اهلي لي ،، بس لما اتخيل نفسي متزوجة صدق احس بفشل واتعوذ من ابليس واقول لا الله لا يقوله احس نفسي ما اصلح لشي
بنات اذا بتقولون لي عليك بالصلاة والدعاء والاذكار فاانا الحمممدلله ما خليها لو مخليتها يمكن جنيت بسم الله
بنات انا بداخلي حاجات واااجد بس مو عارفه كيف اطلعها
اسفه اذا كان كلامي عشوائي ومش مرتب
بس مدري وش تنصحوني فيه
لاني تعبت بجد تعبت من كل شي ما تتصورون قد ايش من داخل تعبانه والله

وشكرا لكم