تعبت من كل شي 💔

السلام عليكم مساء الخير ..كيفكم ان شاءلله بخير ؟
بدخل بالموضوع على طول ومابي ردود جارحه لان الواحد فيه اللي كافيه ،،انا متزوجه من ١٠ سنوات وعندي بنت وولد الحمدلله اعمارهم ٧ سنوات و٥ سنوات ..احس حياتي زي الدوام من اقوم لين انام والوقت كله لهم ماني قادره اسيطر عليهم من نقوم عناد وصراخ وضرب صار البيت ماينطاق يوميا على هالحال من اول مانقوم لين ننام وين ماروح بالبيت يلاحقوني اجلس بالصاله بروق الاهم صراخ ولجه فوق راسي اروح المطبخ وراي اروح غرفه ثانيه وراي قسم بالله حتى بالحمام مايخلوني بروحي تعبت مليت ودي اجلس لحالي لو ساعه اروق وبتقولون اذا نامو اقسم بالله ادخلهم الغرفه ادوخ بفراشي وهم ماناموا نومهم قليل وركض وصراخ وعناد وماما شوفي وماما تعالي ماقدر اخذ راحتي بشي مايبون انشغل بشي غيرهم وابوهم دايم برا البيت مايعرف البيت الا وقت النوم ولاعندي احد يساعدني عليهم امي ماتبيهم ولاتتحملهم مع انها صغيره انا اكبر مالها ومالي الا اخت وحده اصغر مني الحمل كله على ظهري ودي اطلع مع زوجي لحالي اغير جو ودي اطلع مع صديقاتي ودي احس اني انسانه مو جسد بلا روحي حياتي كلها مكرسه لهم وليتهم يساعدوني بشي اقسم بالله يابنات القراطيس والزبايل بالارض تعبت امشي وارتب واضفضف وراهم وحاطه لهم بكل مكان سله زباله لكن لاحياه لمن تنادي الحمام تكرمون تعبت اعلمهم كيف ينظفون انفسهم ادخل الحمام بعدهم تكرمون وصاختهم موجوده اقسم بالله اني اوري بنتي كيف تتوضى ولكن مافي اي فايده صابني الضغط من الحياه ذي كني بدوام كل شي كسروه وخربوه بيتنا صار فاضي لاكنب لاتحف لاشي بس فرشه انحرمت من كل شي واذا طلعت واخذتهم معي طيرني ولدي صراخ وصياح وابي وابي تروح الطلعه وانا قايمه قاعده انفذ طلباته،حتى البنت كبيره ماهي صغيره اذا شافتني تعبانه ومنسدحه ماتامر اخوها عيب ماما تعبانه او توجهه ان هالشي غلط كل شي اوريهم وافهمهم وين يحطون جزمهم وين يحطون الزباله وين يحطون ملابسهم الوصخه لكن ماحس يفهمون ابد احس اني اتكلم على اصنام اشوف بزران اصغر منهم يفهمون اذا كلمتهم احس اني اكلم بشر مو مثل عيالي ..زوجي كره البيت واذا طلعنا معه صراخ وعناد بالسياره ويتهاوشون على الاماكن اوصل البيت وانا خلاص منتهيه اعيش ضغطي نفسي خاصه اذا تعبت محد حولي محد يهتم لي لو اموت بمكاني كني مالي اهل امي ماتحس ولاشي دايم اطيح اتعب مغذيات بسبه الضغط والجيوب الانفيه عمرها ماقالت جيبيهم لي وحتى زوجي مايحس امي دايم تسافر واذا سافرت خلاص تنسى ان لها بنت وتزعل لو قلت اني تعبانه دايم تشحني طاقه سلبيه تطلقي ارمي عياله عليه لين متى تتحملين 💔بتقولون جيبي شغاله زوجي راتبه يالله يكفينا كيف اجيب ..اذا رحت للناس قالوا لي الله يعينك على عيالك بنتك ماتفهم هي الكبيره المفروض تعلم اخوها ومن هالكلام ..مره رحت لصديقتي من لجه عيالي قالت انا ماتعودت على كذا 😔تفشلت يابنات انحرمت من الناس ولدي كل شي يبيه اذا شافه صراخ لين ارجع والبنت جالسه ماتتعداني ولاتلعب مع الاطفال 💔صارت حياتي كئيبه من كل جانب ودي باحد يساعدني تعبت من الحمل اللي على كتفي امي ماتعرفني الا اذا ودها تطلع وتستانس قالت اطلعي معي او اذا تضايقت تبي اوقف معها صح امي على عيني وراسي لكن انا احتاجها ابي وقفتها معي لدرجه تقول لاتقول لاحد اني امك لو شافنا احد غريب💔واختي برضوا ماتبي عيالي ولاحنتهم عذرها ان عيالك اشقياء مب زي عيال الناس تعبت يابنات والله العظيم تعبت اهملت نفسي. وشكلي صايره زي الخدامه وزوجي اذا تكلمت معه قال عاجبتك الحياه او روحي لاهلك ..انسان صامت اذا جلس بس ع الجوال وطول وقته برا مايعرفني الا وقت حقه الشرعي مايفهم وش معنى متضايقه وش معنى تعبانه يحسبني اله ماتحس امشي وابكي من الهم اللي فيني وهمي الاكبر ولدي وقد كتبت موضوع عنه بعنوان (انا على حافه الانهيار )ادري كثرت كلام بس مابي ردود جارحه مالي بعد ربي الا انتم تساعدوني كلامي مو مرتب وىدي ابتل اكتب احس اني لسى مافرغت اللي فيني