تعبت من كنادير زوجي دخيلكم ساعدوني

السلام عليكم ورحمة الله وبركاته

يا اخواتي انا تعبت من كنادير زوجي كلهم امبقعات وفيهم وصاخه وغير كذي مصفرات ما ادري شو اسويلهن غسالتي اتوماتيك ويوم اغسلهم احط تايد مع فانش البودره وكومفرت وكلوركس بس ما اكثر منه ومعه هذا كله ما تروح منها الوصاخه
والله اليوم زوجي طلع من البيت وهو معصب وكله يقول من الغساله هاذي الي ما تنظف حتى الكنادير الملونه فيها وصاخه اليوم كويت له كندوره وهي امبقعت ما اعرف من وين تيجي هالبقع ورديت كويت له وحده بيضه وياله لين لقينا وحده نظيف يعني شكلها مقبول الله يخليكم ساعدوني والله ما اعرف شو اسوي تعبت حتى فكرة اني اليوم انقعهم في البانيو مع كلوركس وفانش البودره والكنادير الملونه قلت بسال خدامة اهلي كيف تنظفهم لانه عندهم نفس غسالتي الله يخليكم ساعدوني لحد تبخل علي