تعبت من معاملة اهلي لي

السلام عليكم
فراشات هذا المنتدى الرائع...
انا انسانة مدمرة أقسم بالله انا اكتب ودموعي على خدي.. تعبت من كل الحياة ... ما عدت أطيق أي شي.. بالأول زوجي دمرني والآن جاء دور اهلي ليدمروني. . ما بعرف ألقاها من وين أو من وين..
سبق وطرحت مشكلتي مع اهلي انهم تعبوا من اولادي لأننا نعيش معهم بعد طلاقي .. ما بيدي حيلة ثانية ولا لي مكان آخر أسكن فيه مع اولادي..
فلجأنا لأهلي. . وانا موظفة في مدرسة.. وأمي يوميا تنتظرني أعود من المدرسة حتى تسمعني اسطوانة يومية... عن الأولاد وشقاوتهم ومشاغبتهم وبقينا ع هالحال سنة ونصف. . وانا اسمع البهادل من امي وابوي وكل أنواع الدعاء اللي يدعون عليي فيه بس لمجرد أنه اولادي معي... بالنهاية ما ضل أمامي خيار إلا أنه أعطي اولادي لابوهم وانا بقي معي الولد الصغير أقل من سنتين.
انا كنت أعتقد أنه هيك انحلت المشكلة بيني وبين اهلي... وبالفعل أصبحنا انا وامي مثل الصديقات طول الاسبوع ما في بينا مشاكل... بس كل خميس لما خواتي بيحضرو لبيت اهلي بتبدأ تشكي مني وتتهمني بأشياء انا مو عاملتها وكلام انا مو قايلتله. . وانو انا اجي من دوامي وما بيكون في شي اعملو لأنو هية بتكون عاملة كل شغل البيت.. يعني تستنى يوم الخميس حتى تحكي عليي أمام اخواتي حتى ابوي يبدأ يقول اني ما اساهم معهم في مصروف البيت مع العلم يا اخوات ابوي حالته المادية ممتازة جدا ومو ناقصه شي وما في بالبيت لي إخوان يعني ما يصرف على حدا وانا بصرف على نفسي وراتبي قليل جدا ومع هيك طمعاان فييه. .
وانا لي اخ ساكن ببيت قربنا وما بيزور
اهلي لا هو ولا زوجته ولا يسأل عنهم ولا يعطيهم أي شي ومع هيك اول ما يشوفوه مارق طريق كأنهم شافوا كنز وما يطلبو منو أي شي بس انا المطلقة التعبانة اللي هموم الدنيا فوق راسي يدعون عليي ليل ونهار ويحملوني كل جمايل الدنيا لأني ساكنة عندهم. ..
أقسم بالله يا أخوات تعبت ... ما بيكفي انو ولادي مو عندي وما بشوفهم. ...
يعني انا عشان ولية يستقوون علية؟!
والله مو مكلفتهم بشي ولا بطلب منهم شي
بس بدي يخلوني بحالي .