تعبت من معاملتها لي يارب رحمتك

بصراحة ابي افضفض ابي اتكلم ابي اطلع الي الي بقلبي ابي ناس تفهمني تحس فيني تعطيني كلام حلو والله مو ناقصة تجريح الحياة متعبة بما فيه الكفاية .. ما ابي اتكلم لصديقة او زميلة ابي ناس ما تعرفني تدعي لي تواسيني وبس
انا تطلقت من ٣ سنوات من دون اطفال الحمدلله صح اتمنى عندي طفل ينسيني الي انا فيه لكن اتذكر ظروفي واقول لا الحمدلله لا اب بيحميه ولا اهلي بيرحمونه ..
رجعت لبيت اهلي من اول ما دخلت امي حسيت بعيونها وتصرفاتها حقد مو طبيعي كذبت نفسي وقلت اكيد اتوهم لا مو معقول انها ما يهمها امري ..
مع الايام بانت على حقيقتها .. والله العظيم ما احد بالدنيا اذاني وقهرني كثر ما اذتني امي .. حتى طليقي ما سوا معاي مثلها .. هو طلقني من دون سبب لانه كان يبي يرجع عياله وامهم .. ما كان بينا مشاكل ولا شيء الا ايام قبل الطلاق وبس .. صح اكرههه وادعي عليه لكن والله ما سوى فيني مثل ما تسوي فيني امي ..
اول ما جيت اخذت اغراضي ورمتها .. ضيقت علي بالبيت .. تراقبني بكل تصرفاتي .. تتحكم فيني وتفرض كلامها علي .. لانها تدري اني كنت ماخذه راحتي ومدلعني طليقي .. ما ادري ليش تصرفت كذا لكن عرفت اني مو عاجبتها اني تطلقت ..
قهري والمي وحزني كنت اخبيه واذا بابكي ابكي من دون احد يشوفني ما ابي احد يشوف ضعفي ابداً
وهي تدري اني مكسورة بطلاقي تشتمني تهيني تذلني والله وصلت مواصليها تضربني اااه يا ربي .. واذا تبيني تاخذ العصا وتمشيني قدامها وتهددني وتتكلم علي .. ولا يعجبها الا الضرب على وجهي ااااخ ياربي امي صارت تتجرا وتضربني ووين بوجهي وتشد شعري حتى تشوفه يطيح واذا قلت خلاص طيحتي شعري تزيد وتدعي الله لا يخلي لك شعر ...اخواني الي صغار ما ضربتهم ولا مدت يدها عليهم .. لكن انا تقول ما ربيتك ما ضربتك وتبي اللحين تربيني تتخيل ووتوهم ..
ابوي يشووف ويسكت اخواني يشوفون ويسكتون .. اخواتي ما يحسون ويقولون عادي .. عمري ٣١ سنة وامي تضربني وتقول انتي قليلة ادب انتي وسخة انتي عله على قلبي احسن تطلقتي احسن طلقك ورجع الاوله .. اصلا انتي ما احد يتحملك ومن هالكلام .. وتترصد لحركاتي لتصرفاتي تبي اي غلط او شيء ..
بالمطبخ لا تطبخين لا تدخلين مطبخي اطلعي السطح اطبخي على دافور ،، غسالة الملابس والله العظيم لما احط ملابسي فيها تتسلط وتجلس تتكلم غسالتي ابغى الغسالة ابغى اغسل ملابسي ملابس اخوانك وووووو حتى اطلعهم واجففهم بالسطح عالرغم الغسالة اوتوماتكي غسل وتجفيف .. وقت الاكل ما ينادوني وقت يطلعون سوق ما يقولون لي وكاني غريبة عنهم ٣ سنوات وانا اعاااااني
تهددني باغراضي انها تكسرها بلاب توبي عطوراتي مكياجي كل شيء لي ..
مررة مرضت جاني مغص غريب شفت الموت ورحت المستشفى وتنومت ولا كان السبب معروف ابداً .. وتدري اني تعبت جاء بعدين تتشمت فيني وبمرضي واني احسن مرضت وتالمت وووو .. انا كنت اموت من كثر البكاء وكنت اطنش ولا اهتم .. صارت تطردني من البيت وتقول اطلعي السطح لا عاد اشوفك وتمثل دور المظلومة وبالفعل والله العظيم مررة طلعت السطح كانت هناك غرفة تو بويتها جديدة يعني تخيلو الريحة يبي لها كم يوم وتروح كنت اجلس فيها ولا فكرت ولا همها ولا حن قلبها ابدا .. متسلطة ظالمة ما تخاف ربي .. بقناعتها انها تخاف ربي وانا عاقة .. لكن من جد والله ما تخاف ربي ..
اذا جلست بالصالة تنكد علي ،، او كنت ع التلفزيون تنكد علي ..
الحمدلله بفضل ربي تخرجت من الماجستير ،، سويت لي فيديو ونزلته بالواتس الكل بارك لي الي يعرفني والي مايعرفني وتفاعلو معاي وفرحو لفرحتي الا امي تخيلو طلبوها اخواني وخواتي تنزلها بالواتس قالت واذا تخرجت ما يهمني ... عاادي ماهمني والله تنزل ما تنزل لكن اخواتي واخواني سوت لهم كذا ..
ولما شافت الناس تتصل وتبارك لي تقول الله مع الناس يا زينك مافي مثلك وبالبيت غيررر ،،، امووووووت واعرف ليه كل هالغيررررة والحسد ،، تطلقت ماعجبتها نجحت وتخرجت ما عجبتها ..
مرررة نسيت اسوي شغله وهي تترصد للاخطائي وكنت بنام ع الساعه ١٢ بالليل دخلت عندي وطفت المكيف وشغلت الانوار وبصياح وتحدي اذا تبين تنامين اطلعي السطح لا اشوفك قدامي ،، وتكلمت وقلت انتي طبيعية انتي تتصرفين تصرفات مو طبيعية انتي مريضة يبي لك علاج نفسي وحطيت يدي ع وجهي ونزلت وجهي الا وتضررربني ضربة قوية ع عيوني وانفي ،، والله لا صحت ولا قلت شيء ضحكت قلت وش باقي ماسويتي فيني وش تبغين مني بالضبط ريحني وفكيني اذاك ،، قالت انتي عاقة انتي وانتي ،،،
بعدين صحت وقلت اتزوج ما بتزوج اطلع ما بطلع من البيت تبغين تطرديني للشارع اطرديني وتسوينها لانك مو طبيعية حقودة حسودة .. انا انهررررت انا تعبت ما في احد يدافع عني او يقول تصرفاتها غلط او يوقف بصفي ،، من جدددد انهررررت تعبت مليت خلاص لمتى هالظلم ..
الحمدلله في شخص بيخطبني منصب ومن ناس راقية عن طريق زميلتي .. وكلمت اهلي عنه قبل رمضان العام ابوي وافق وامي مافكرت اهم شيء اتزوج ،، لكن بيتاخر الموضوع لانه يدرس دكتوراه وراتبه مقطوع يبي له فترة حتى ينزل يعني شيء (((اسمه الايفاد ))).. ولما قلت لاهلي عنه ما قلت لهم موافقه لا ،، ما ابي اقول لهم ماعنده راتب ..قلت ابي اخلص رسالتي واتخرج وامي تحسبني رفضت فزززعلت اكثر .. ولا حبيت افتح مع اهلي الموضوع من جديد الا لما يصير كل شيء رسمي .. هالشيء الي يمكن يصبرررني يهديني شوي .. لكن حتى يجي يبي فتررة .اااه ياربي صبرني وييسر اموري
انا اقدر وعندي استطاعة اطلع من البيت واستاجر شقة من شقق ابوي لكن ليه ارضخ واطلع .. ليه هالمعاملة القاسية والضيق الي بقلووبهم من جد كأني مثل الاجئة مو بنتهم .. ويدرون ان طلاقي ظلم لي .. لكن مع هذا ظلموني واذوني وطردوني ..
وصلت لدرجة اني اكررره امي والله العظيم اني اكرهها وبمووووت من وجودي معهم وبينهم ،، انا احس اني يتيمة لا اب ولا ام ولا احد لي بهالدنيا .. صرت ما اتحمل وجودها اذا جلست بمكان اقووم قلبي خلاص ما عاد يتقبلها قلبي لا تقولون هذي امك ووووو ،، مو بيدددي والله لما اتذكرها تضربني وتشك فيني وبشرفي اكررررههها اكثر لما تغار وتحقد علي وتتسلط علي ،،
لاتقولون اهديها اعطيها سوي لها .. والله العظيم اني اسوي لها اكثر شيء واكثر من خواتي اشتري لها كل الي تتمناه وترغب فيه واساعدها اشتريت لها ذهب ب٦ الالاف وعليها ساعدتها بتغيير الصالة واعطيتها حدود ٤٠٠٠ واخذت لها التحف المواعين .. لكن لاحظت كل ما اعطيتها تمادت وداستني تحت رجولها اكثرررررر .. يعني ما يبين بعيونها شيء .. وللمعلومية ماعندي الا الضمان ويمكن انها تحصل فلوس اكثر مني ،، من ابوي واخواني لكن ما يملا عينها ،، وعينها ع الي عندي وتقول انا ما عندي راتب انا عندي صدقات من الناس ،،
ادري طولت وكتبت كلام كثير لكن ادري فيكم اللي كلامها بيواسيني وتتفهمني وتحس فيني .. ابي افضفض واطلع الي بقلبي ووالله ان هذا جزء بسيط من الي انا اعيشه ..
يارب فرجك ورحمتك لي من حيث لا احتسب ..