تعبت من مهنة التدريس

السلام عليكم ورحمة الله
انا معلمة وضايق خلقي ودي افضفض
تخصصي فيزياء لكن خلوني ادرس علوم ورياضيات مرحلة متوسط و ابتدائي ، ضغطي يرتفع من الابتدائي إهمال ما بعده إهمال ما يذاكرون وأرسل إشعارات ضعف واكتب في المذكرات وأعيد الاختبارات اربع خمس مرات ونفس الأسئلة ولا حياة لمن تنادي والأهالي اذا استدعيتهم ما يجون واذا كلمتهم المديرة يقولون وش دور المعلمة ما باقي الا ارجع معهم بيوتهم اشرح لهم وادرسهم الأهل ما يبغون يتعبون أنفسهم واذا أعطيتهم غير مجتاز ذاك الوقت كل امهاتهم وآباءهم عند الباب توهم يفتكرون ان عندهم بنات يدرسون ااااااه يا قلبي
رغم اسوي حفلات لهم وهدايا تشجيعية
واحد من الآباء السنة الماضية بنته عدم ما فيه اي تحسن رغم الإعادة واستدعيت أمها وحضرت حصة وشافت مستوى بنتها الضعيف واقتنعت ولما راحت البيت جاء ابوها يهايط يقول خليتي بنتي لآخر السنة وتقولين بترسب توك تتكلمين قلت له انا أتواصل مع الام واكلمها وأعطيها اوراقها عشان توقعها قال لي هذا دورك كمعلمة تشوفين مين موقعها قلت له وش دخلني مين موقعها اهم شي انها موقعه وانت بعد تو تفتكر اخر السنة ان عندك بنت تدرس طلعت الام ما توريه الاوراق عاد انا قلت له وش تبي البس عباتي وأروح معها البيت عشان حضرتك توقعها يعني تعرف ان الام هي الغلطانة ولَك وجه باقي تكلمني وتحملني ضعف بنتك لا حول ولا قوة الا بالله
ما ادري ليه ما يفهمون بعض أولياء الأمور
اليوم سنة خامس ما أخذ متفوق عندي الا سبع طالبات والبقية غير مجتاز وزوجي وزميلاتي هزأوني يقولون نجحيهم كلهم بس انا ما يطاوعني قلبي أساوي المجتهدة واللي تتعب هي واهلها بوحده ما تدري وين الله حاطها واهلها فاغرين ما يدرون كم تدرس بكره الله بسألني عن هذا الظلم
حسبي الله على من وضع التقويم نظام فاشل بكل المقاييس لازم نطرد وراء الطالبة لما تتقن جعلها ما اتقنت حتى اختبارات حسن يقيسون مهارات المعلمة على حل الطالبة مو ظلم اجتهد وأتعب عليهم وأخذ حصص إضافية وفي النهاية اذا ما حلوا تقول المشرفه انت السبب هذا شرحك قلت لها وين دور البيت تقول ما له علاقة البيت قلت لها حتى الممتازة المتفوقة اذا ما اهتموا فيها البيت ما راح تحل ما بالك بالضعيفة حسبي الله عليهم في صف الطالب حتى لو على خطأ الا بالقوة ينجح وقالوا نبغى شعب متعلم واعي
ااااااه ... صرخة معلمة