تعبت من نفسي ومن خطيبي شوروااا علي.

السلام عليكم ورحمة الله وبركاته

بنات ودي استشيركم بموضووووع وياريت تفيدوني خاصة انتو يالمجربات والمتزوجات

انا انخطبت العام الماضي لصديق اخي وهو ماشاء الله عليه اخلااق وتربية وكل شيء فيه حلو وعندي تقريبا 4 اسابيع طلب من اخي انه يكلمني بالموبايل عشان نتفاهم على امور البيت ولون غرفة النوم وهيك اشياء طبعا هو طلب انه نعمل العقد بس انا رفضت لانه العرس مطول وانا لساتني عم ادرس .
المشكلة اني لما حكيت معه اكتشفت انه يحبني بجنون وانه ودو يخطبني من سنة 2009 بس انا كنت لساتني صغيرة فانا انصدمت يعني بحياتي ما تكلمت مع شاب او سمعت كلام هيك كان يقولي انه يحبني وانه لو انا رفضته رح يسافر لمكان مايعرفه فيه احد .. وهو على طووول يسالني ادا انا بحبه او لا طبعا انا قلت له اني لساتني اتعرف عليه يعني صحيح هو عاجبني بس لسى مافي حب وقلت له لا تضغط علي لاني بالايام الاولى صرت اكره لما يحكي معي كلام حب لانه احس بتانيب الضمير كيف هو يحبني وانا لا ..

البارحة اخي تكلم معي وقالي لا تحكو عن مواضيع مو محللة لكم وقالي اذا تمادى معك او قالك اي كلام قوليلي وانا رح احكي معه وبعدين راح وحكى معه وقالو انه ماراح يسامحه اذا نحنا حكينا كلام مو كويس لهيك بعثلي خطيبي مسج وقالي نعمل العقد الشرعي والمدني نعمله وقت ماتكوني مقتنعة لانه مو قادر يصبر انو ما يحكي معي عشان نرضي ربنا وما يكون حكينا محرم .. انا وافقت وحطيت شوي شرووط من بينها انه ميقعدش معي ويحكي او يجي لبيتنا عشان يشوفني رح نظل كاننا مخطوبين لحتى انا اكون مستعدة اني اقابله ..

شو رايكم انتو يعني هالشيء حرام عليا ولا شرطي مقنع
انا ماني مستعدة اني شوفه لاني خايفة وكمان فاقدة ثقتي بنفسي واقول يمكن ما اعجبه يمكن ماني حلوة طبعا هو شافني قبل في الشوفة الشرعية بس مابعرف ايش اسوي والله تعبت من التفكير وخصوصا انو يحبني وانا ماني قادرة ابادله نفس الشي

قوليلي رايكم وانصحوني والله اني تعبت وانا لساتني صغيرة