تعبت من هاشعور.. تكفون ابغى نصيحه...

السلام عليكم ...كل عام والجميع بالف خير ..
والله ماكتبت لكم هذا الليله لا من كل مابي من ضيقه وهم ..لعلي القى نصيحه تريحني ...
انا يااخوات اول زوجي كنت عايشه انا وزوجي بمنطقه بعيده عن اهلي واهل زوجي..وكانت حياتي اشبه بالحلم من كثر ماهي جميله ..والله احيان كنت اقول يارب انا بحلم ولا بعلم ماني مصدقه انو انا عايشه بها الحياه الجميله ..حياه كلها هدؤ وراحه لاهم ولاغم...بس مافي شي يدوم الحمدالله ع كل حال..
بعد سنتين من زوجي انتقل عمل زوجي للمنطقه الي فيها اهلي ..بس اهل زوجي يبعدون عنا حول 4 ساعات..
وانتقلنا ..وتغير كل شي بحياتنا ..فجاه فقدت الهدؤ وراحه ..حياتي صارت متوتره وكاني كنت في حلم وصحيت ع الواقع المر....حياه كلها خوف ورعب ..طول يومي خايفه من بكره....تعبت تحملت مسؤالية فوق طاقتي....بعد مانقلت ربي رزقني بطفل..بعد ماجابت ها طفل الضغوط زادت على..اهلي يحاسبوني اذا ماجيت لهم زياره..مع اني كل اسبوع اروح لهم ..بس يبغوني دايم عندهم ..بس احيان احب اجلس في بيتي مااطلع وان جلست امي تدق تحاسبني ليش ماجيت ..عارفه انها تحبني وتبغني حولها بس انا عندي اطفال واتعب معهم واحتاج وقت راحه
...واهل زوجي كل ماطقت فى روسهم شالو عفشهم وجو اقامو عندي. ..وانا اخدم فيهم ..والحين اخو زوحي مقيم عندي ...ومافي يوم برمضان فطرت مع زوجي...بس قلت يلا اخذ اجر افطار صايم
..الي يبغى يتمشى هو وزجته جاء عندي الي يبغى سوق جاء عندي الي يبغى المستشفى جاء عندي..الي يبغى عمره جاء عندي..تعبت حاسه بيتي صاير فندق ..وكم مره يجو وماعندي انا وزوجي ريال. وان جو ..نظام البيت ينقلب .....صرت عايشه برعب منهم ..خايفه احد منهم يطب على ...وانا عندي بنت في المدرسه وعمل زوجي ....انا ماكره ضيوف بس مو لها درجه هم مايجون عشاني اصلن يجون بس عشان يلقون مكان يسكنون فيه...
...صرت احس الكل يبغى ينهشني من جه....تعبت والله تعبت....حاولت اني اطنش واقول خلاص انسي حياتك القديمه ..خلاص عيشي مع الواقع المر الي انفرض عليك ..خلاص اعتبري نفسك تزوجتي زوجك واهله.....بس ماقدرت احيان اجلس ابكي اقول ليت ربي ماكتب لنا نقل ليت جلست في ذاك المكان البعيد ..كنت مرتاحه كانت حياتي هاديه ...والله صرت بكل صلاه ادعي ربي انقل من هالمكان ..
والحين شعور الخوف ورعب الي ملازمني طول الوقت ..اخاف احد منهم يجي عندي ...ادري بتقولون مو لهادرجه...بس والله صرت امشي واتخيل ان احد منهم طب على ..انتو عارفين شعور لما يجيك احد ويقيم عندك .وبيتك ينقلب فوق تحت....لاني انا انسانه نظاميه احب النظام ..مااحب احد يجي كم يوم عشان مصلحه له يغير نظامي
..هذا شعور الي متعبني..تعبت ابغى اتخلص من هالشعور ..نفسيتي تعبت..والله تعبت...ولاحديسال عن دور زوجي بالموضوع لانو عادي عنده...لانه ماقعد يتعب زي ماانا اتعب.....
وناويه اخذ عمره قريب يارب يكتبها لي وعد مني ادعي لكم يابنات حواء ....