تعبت من هالعيشة هاذي 😔😭
أنا بنت عمري 17 سنة أمي وأبوي منفصلين صارلهم سنتين ونص تقريبًا وأنا وأخواني كلنا عايشين مع أمي ببيت واحد وهذا البيت موجود من زمان بيت جدي بس صار لأمي وياريت بيت مثل بيوت الأودام وأقسم بالله لو تشوفونه بس تحمدون ربكم مليون مرة البيت ضيق ويفشل وفوق هذا كله أمي مو موظفة والفلوس علينا بالحسرة والله ما كان ودي أصارحكم وأقولكم بس شسوي والله ما عندي أحد اشكي له همومي غيركم لأني تعبت وربي تعبت وأنا ساكتة وكاتمة كل الي بقلبي إلى متى وأنا ساكتة خلاص حاسة نفسي بنفجر شذنبي أنا ما أعيش حياتي مثل باقي البنات ليش كل شيء علي بالحسرة حتى مشاكلي الصحية مو قادرة أعالجها عندي التهاب شديد بالأذن الوسطى حتى المدرسة كرهتها والله كرهتها وما صار لي نفس أروح لها كلش وتصدقون لما أبي اغيب أمي ما تخليني فوق هالعيشة التعيسة ما تبيني أغيب عن المدرسة يا ناس أنا حالتي هاذي ما تسمح لي أداوم أمي كل شي ما نعتني منه حتى تلفوني تصدقون ما تخليني حتى أستخدم برامج التواصل وكل يوم قافلة على نفسها باب الغرفة وما تسولف معاي وكل ما أجي أكلمها تحاول تبعدني عنها وأقسم بالله كرهت هالعائلة هاذي بكبرها تمنيت لو بس أني مخلوقة عند عائلة ثانية والله القعدة بالبيت صارت تجيب الأكتئاب كرهت أهلي كلهم أمنية حياتي بس أبعد عنهم وانساهم لأنهم تعبوني بالذات أمي تصدقون حتى صديقاتي ما تبيني اكلمهم ولا أتواصل معاهم عشان كذا ما تسمح لي استعمل البرامج عمركم شفتوا أم أربع وعشرين ساعة قافلة على نفسها الغرفة وما تقعد مع عيالها وفوق هذا كل تمنعني أستانس مع صديقاتي وين القى الوناسة أنا بالبيت المعفن أي نعم معفن بمعنى الكلمة والله لو أني بالصحرة أبرك لي من هالبيت مع العلم أبوي عايش مع أمه ببيت عمامي مصدقين صارلي سنة ما شفت أبوي أنا واخواني هذا مو ظلم؟؟؟ شذنبي أنا عشان تحرمني من أبوي وتمنعني أروحله واشوفه أنا صراحة ماني قادرة أستقر أبدآ بهالبيت لدرجة صرت أفكر بالزواج عشان أفتك من أمي ومشاكلها الي ما تخلص ساعدوني الله يرضى عليكم اااااه اااخ😔😔💔💔
105
7K
يلزم عليك تسجيل الدخول أولًا لكتابة تعليق.
شوق العنزي
•
صارلنا فترة طويلة قاعدين بالبيت والله حتى ما نطلع مصدقين 😔..
زائرة
•
الله يعينك ويصبرك ويسعدك الصبر مفتاح الفرج بس ممكن امك تعاني من
اكتئاب وممكن تعرضت لصدمه من الطلاق
وهي تجلس بغرفتها منعزله وذا راح يأثر عليها اعذريها ممكن عندها مشكله
اكتئاب وممكن تعرضت لصدمه من الطلاق
وهي تجلس بغرفتها منعزله وذا راح يأثر عليها اعذريها ممكن عندها مشكله
زائرة :
الله يعينك ويصبرك ويسعدك الصبر مفتاح الفرج بس ممكن امك تعاني من اكتئاب وممكن تعرضت لصدمه من الطلاق وهي تجلس بغرفتها منعزله وذا راح يأثر عليها اعذريها ممكن عندها مشكلهالله يعينك ويصبرك ويسعدك الصبر مفتاح الفرج بس ممكن امك تعاني من اكتئاب وممكن تعرضت لصدمه من...
أمي ما تعرضت لصدمة ولا شي بالعكس هي الي تبي تتطلق والشي الثاني أنا تعبت والله من هالعائلة أكرههم كلهم ما أطيق أحد وإذا وصلت ل20 سنة زواج على طول لأن ما عد فيني حيل أتحمل هالعيشة أبي استقر خلاص تعبت كل شي محرومة منه
طيب كيف العيشه عند ابوك ترى بالنهايه برضوا هذا ابوك
كيف الحاله الماديه عنده اذا افضل ترى عادي روحي عند ابوك وبالمحكمه اساسا بيخيرونك اذا انتي اقل من ١٨
بالطلاق اهم شي نفسية الاولاد دام الام مابتهتم يروحون عند اللي يصرف عليهم ويهتم فيهم
كيف الحاله الماديه عنده اذا افضل ترى عادي روحي عند ابوك وبالمحكمه اساسا بيخيرونك اذا انتي اقل من ١٨
بالطلاق اهم شي نفسية الاولاد دام الام مابتهتم يروحون عند اللي يصرف عليهم ويهتم فيهم
زائرة
•
أمي ما تعرضت لصدمة ولا شي بالعكس هي الي تبي تتطلق والشي الثاني أنا تعبت والله من هالعائلة أكرههم كلهم ما أطيق أحد وإذا وصلت ل20 سنة زواج على طول لأن ما عد فيني حيل أتحمل هالعيشة أبي استقر خلاص تعبت كل شي محرومة منهأمي ما تعرضت لصدمة ولا شي بالعكس هي الي تبي تتطلق والشي الثاني أنا تعبت والله من هالعائلة أكرههم...
روحي لابوك واسكني معه
اتصلي عليه وقولي له
اتصلي عليه وقولي له
الصفحة الأخيرة