السلام عليكم ورحمة الله وبركاته
والله ماني عارفه من وين أبدأ
إحنا ماشاءالله أسرة كبيره ابوي الله يرحمه كان رجل ناجح له وزنه وقيمه وسمعه طيبه عند الناس متزوج حرمتين اخواني واخواتي منقسمين عمرياً لجيلين
جيل كبير اصغر واحد فيهم على مشارف الاربعين ،،، والجيل الآخر قواصر وبالعشرينات انا اكبر عشرينيه فيهم
اخواني الكبار كانت تربيتهم غير طبعاً وهم اللي عاشو حياتهم صح عاصروا ابوي الله يرحمه وامي الله يحفظها بعز شبابهم دللوهم دلعوهم داروهم ومامات ابوي الا وهو موظفهم ومزوجهم وشايف خلفهم كلهم وكمان مأمن لهم السكن الملك يعني خلاص مو قاصرهم إي شيء ..
اما أنا واللي اصغر مني توفى ابوي وانا ادرس في خامس سمستر بالجامعه واللي اصغر مني بالمدارس وطبعاً وقتها ماخلصنا دراستنا ولا تأمن لنا مستقبل ولا اي حاجه اللهم التركه حقتنا بيتنا اللي ساكنينه الحين + كم ارض في الديره + بعض ارباح الاسهم
ابوي ماقصر علينا بحياته بس بعد مامات شفنا الويل والهم من اخواني واخواتي الكبار
لكن ربي فرجها على كل اخواني اللي اصغر مني الا انا
الكل توظف واللي كمل دراسته واللي ينزل له حويفز والحمدلله امورهم ماشيه ولا احد منهم محتاج لاحد
طبعاً بداية استياء وضعي كان بعد التخرج من الجامعه واللي زامنت فترة فقداني لوالدي من سنوات بسيطه قدر الله لاختي الاصغر مني الزواج بواحد مبتعث الله يوفقها ويسعدها معاه هي اقرب اخت لي بحكم تقارب العُمر يعني زواجها جاء في وقت جداً سيء لان انتهى ارتباطي بالدراسه وبالصديقات وبالدوام وبكل شيء وصرت احوج لها من اي وقت ثاني وقتها كانت عندي اخت اكبر مني ب 10 سنوات شخصيتها قويه وقشرى ماهي متزوجه كل ماصارت بيننا مشكله تقول لي روحي ياعانس اختك الصغيره انخطبت وانتي باقيه مع ان عمري وقتها 23 سنه فكنت لاشعورياً ارد عليها واقول لها شوفي نفسك عيني انا لسه صغيره وبعز شبابي وكنت ارد لها الصاع صاعين لين اخليها تبكي دم لأنها كبيره ومعلمة اجيال والكلمه تنحسب عليها لين ماربي اراد وجاء خطبها واحد ولد حلال ( واضن من كثر ما ادعي لها انها تذلف لانها كانت عباره عن قلق نفسي يمشي على الارض ) خطيبها طيب مره الله لايغيره عليها ويخليه لها فصارت تسمعني الكلام المعفن ذاك على الطالعه والنازله واخلاقها الزفت في ازدياد مستمر حتى حلفت اني ما احضر زواجها وفعلاً ماحضرته ، وبعد كذا خطبوني ثلاث اشخاص وكل واحد فيهم احسن من الثاني لكني كنت ارفضهم ( لاسباب ما ابغى اتطرق لها )ولافكرت ابداً بالوضع اللي راح ترسى عليه اسرتي في الاخير وكل اهلي عارفين هالشيء زين اني كنت ولازلت ارفض بإرادتي فكرت اشغل نفسي في دوام ووظيفه بس والعياذ بالله ماني لاقيه اي فرصه ابداً يعني ماالله كاتب لي رزق بالمره رغم كل مجهوداتي ومحاولاتي الشاقه في البحث عن وظيفه وتسهلت لي بعض الفرص الشحيحه بس للأسف ضيعوها علي اخواني لان كل واحد غاسل يده من مسؤليتي
فاضطريت اجلس في البيت امارس بعض هواياتي واهتم بنفسي لين ما الله يسهل لي الرزق
فأستغل الجميع فترة بقائي في المنزل بدون زواج او عمل واذا صار واحد مرض منهم علطول يرسلوني معه للمشفى اذا صارت عزومه ينادوني انا اساعدهم اذا صار ودهم بالخرجه لاي مشوار يتركو عندي عيالهم بس في غير كذا مايتذكروني
أختي المعلمه اللي كانت تتشمت فيني وانا بنت صغيره ربي رزقها بالحمل وكانت تعطيني مبلغ 100 ريال كل شهر وكنت ارفض اخذ منها لكنها كانت تصر علي ووالله اني اخذ فلوسها اروح اجدد فيها خدمة البي بي يعني ماني بحاجة 100 ريال بس كنت اخذها بحسن نيه وانها اختي وماتقصد شيء ثاني طبعاً هي معلمة في القطاع الحكومي كنت اشكي لها من اخواني وطريقة معاملتهم لي وانهم يتشمتون فيني رغم انو بسببهم تضيع فرصي بالوظائف وهي كانت تمتص غضبي مع اني كنت اقرأ في عينها شماته وجاء وقت ولادتها وولدت وقفت معاها طول فترة نفاسها ومسكت لها ولدها سنه كامله وهي تداوم بالمدرسة خلال ذيك السنه كنت ابحث عن وظائف في الاهليات فكانت تحبطني منها وتقول لي اجلسي في البيت لحد ماتجيك الوظيفه الحكوميه والله اعلم بالاخير اتضحت لي نواياها مسكت ولدها لحد ماجات الاجازه وجابت خدامه وبعدها اتغيرت معاملتها معي صارت قاسيه وتتلفظ علي لاتفه سبب حتى حصل خلاف بينها وبين شغالتها وجيت احل الموضوع بينهم قامت تسبني وتقولي روحي انتي يابلا زواج وبلا وظيفه ههههههههههههههههههههههههههههههههه وتقول لي رجعي فلوسي اللي اعطيتك هي فقلت لها كلها على بعضها ماتجي 1000 ريال ومع ذلك اخذتها ورميتها بوجهها وحتى اليوم صاجتني عند اخواتي وسمعت فيني الحي والميت تقول انها اتصدقت علي بفلوسها !!!
جلست تنبش بالماضي وتقول زي ماعيرتيني اني عانس راح تعنسي قلت لها اذا هذي امنيتك فالله يحققها لك يا اختي الفاضله مع انها تعرف زين اني ماعيرتها هي اللي كانت متحسسه من زواج اختي اللي اصغر منها ب12 سنه وتجي تطلع حرقتها فيني لين اضطريت اشربها نفس الكاس يعني هي اللي بدت
والمشكله مو بس هي حتى اخواني المتزوجين يقولون نفس كلامها مع انهم عارفين ان مابتفرق معي تزوجت او لا وانا موضوع الزواج مهمشته قبل ما احصل على وظيفه عارفين اني بموت واتقطع ع الوظيفه
ماصرت احس بأمان من سوء تعاملهم وسواد قلوبهم وكرههم لي بدون اسباب حتى بيتنا اللي ساكنين فيه يقولون بنبيعه ونطلع لبيت جديد واحنا حالياً بيتنا كبير شقق واسعه مع سطح كبير كلها لنا واخواني المتزوجين لهم شقق ويخططوا يطلعوا لبيت جديد ويعطوني انا وامي شقه وحده بس وانا رافضه هالشيء تماماً لان الوالد كان عارف طينتهم زين وقالهم البيت يضل وقف ولاينباع لحد ماتتزوج وتتوظف آخر بنت في البيت وكاتب هالكلام في دفتر مع وصيته والدفتر عند اخوي و جالس ينكر هالشيء وكل اخواني واخواتي موافقينه يبغون حقهم وداعسين على وصية ابوي دعس مع العلم ان الكل ارصدتهم بالبنك توب كلهم موظفين في قطاع التعليم الحكومي الواحد فيهم يقدر يبني فلتين من الفلوس اللي على قلبه ومع ذلك جايين يبيعون البيت عشان يبنو بيت العمر لاولادهم
حتى زوجة ابوي اللي كنت اوقف معها بالشدة صارت تتهرب مني وتتعزوى بأهلها اوقات نتفق نطلع سوا للبحر ولا لأي مكان نتنفس فيه لأن انا ماعندي احد يخرجني يجي اليوم الثاني القاها خرجت هي وعيالها بدون للمكان اللي اتفقنا عليه وماتناديني مرات تجيني فرص وظيفيه اتفق مع ولدها اللي بالمدرسه ييغيب ونطلع مع تاكسي تروح تحرشه وتقول لاتوديها وروح مدرستك وهي عارفه زين ان الولد مثله مثل الكرسي والطاوله اللي يجلس عليها يعني وجوده زي عدمه ومابتفرق لو غاب يوم واحد وسعى معي برزقي لكن تضييق واستلعان واقسم بالله العلي العظيم انها وقت شدتها هي وعيالها مايعرفون غيري
رغم اني عشت طفولتي وشبابي مع اولادها وكنت اعتبرها زي امي وكل ازمه يمروا فيها اكون انا معاهم واوقف بصفهم بس مدري ليش الناس صارت زي كذا تحتقر وتزدري الشخص اللي ماله سند ولاعزوه اهم شيء يمتصوك مادياً وعاطفياً ويرموك
امي الله يحفظها تعبانه ومريضه وثقل فيها جسمها وخفت حركتها لاتعرف ناس ولاتزور احد صار بيتنا منغلق علي انا وياها لايجينا احد ولانروح لأحد
والحين هي منومه بالمستشفى والله احس بخوف من اني افقدها ويدعسوني اخواني واخواتي وهم من الحين بدال مايهونون علي لأن اكثر وحده فاقدتها جالسين يقولون اذا صار في امي شي لاقدر الله كلنا بنطلع ونشوف مستقبل عيالنا وواحد منهم غثني مسوي الابن البار في امه كل ماشافني جالسه معها قال باخذك يا امي ونطلع لبيت ثاني وما ابغى احد غيرك ( مجرد تحقير وتجريح فيني لا اكثر ) الله لايوحجني له
مافي كلآم يوجع اكثر من هذا الحكي لو قالوه اروح ادور اقرب جدار ابكي عليه
صرت مشتته ذهنياً وانا بنت معروفه بحكمتي اكره الاستسلام لهم بس الفرص والعالم اللي يتجاوز حدود هذي الاسره القاسيه اسوء من عائلتي نفسها ، الناس اللي برا جداً قاسيين ايضاً وما احب اطلع اسرار بيتنا ومشاكلي لأحد فيهم
حاولت اصمد بوجه كل هالإبتلائات بس ماني قادرة بدأت أوهن وبدأت ابتعد عن ربي لاشعورياً ، تعبت من الوحدة ،مالقى احد اتكلم معاه واتسلى واضحك ، الكل منشغل ولاهي بحياته واقرب الناس لي قلوبهم سوداء ،تعبت من الطموح اللي يقتلوه فيني كل يوم والفرص اللي يضيعوها علي، اخاف من بكرا من مستقبلي ومرض امي واخاف عليها واخاف على نفسي بدونها...... أخاف كثير وماعاد احس بأمان هو صحيح كلامهم ان الله غضبان علي ؟؟رغم اني اشوف نفسي اقرب لله منهم هم حتى الصلوات مايصلوها بالمساجد وعيالهم مايعرفون وين القبله والله عمري ماتمنذلت في الناس لكن اكره احد يدوس لي على طرف وارد اعتباري بدون ما آذيه ؟
دعواتكم لي
غدير 2010 @ghdyr_2010
محررة
هذا الموضوع مغلق.
اختي اكثري من الاستغفار والصلاه في اخر الليل والدعاء وان شاء الله ربي بيعوضك ويرزقك الزوج الصالح الحنون يارب عاجلا غير اجلاختي اكثري من الاستغفار والصلاه في اخر الليل والدعاء وان شاء الله ربي بيعوضك ويرزقك الزوج...
إذا الأهل مافيهم خير ولد الناس بيصير فيه خير ؟ ما ابي العرس أنا ابي الوظيفه ، ادعولي اتوظف ولا ساعدوني اتوظف
الله يوفقك خيتو وشكراً على تفاعلك
الله يوفقك خيتو وشكراً على تفاعلك
اكثري من قول
حـــــــــــــسبي الله ونعم الوكيل
صدقيني مالك غير الله ... ولايدوم لك احد غير الله
قوليها ليل نهار ... حسبي الله ونعم الوكيل اللهم اني مغلوب فانتصر
ومافيها شي تدعين بالزوج الصالح وان كانت اسبابك ....بوضعك هذا يبغالك رجل تستندين عليه
لاحول ولاقوة الا بالله
زمن صار حتى الاخوان ينكرون بعضهم
حـــــــــــــسبي الله ونعم الوكيل
صدقيني مالك غير الله ... ولايدوم لك احد غير الله
قوليها ليل نهار ... حسبي الله ونعم الوكيل اللهم اني مغلوب فانتصر
ومافيها شي تدعين بالزوج الصالح وان كانت اسبابك ....بوضعك هذا يبغالك رجل تستندين عليه
لاحول ولاقوة الا بالله
زمن صار حتى الاخوان ينكرون بعضهم
عز2
•
الوظيفة رزق والزواج رزق ليش ترفضى الزواج دام يجيكى عرسان ، حاولى تكملى ماستر لو فى امكانية على الاقل بينشغل وقت فى شى مفيد او ادخلى تحفيظ المهم دورى شى مفيد يشنغل بها وقتك ولو جاتك وظيفة مو شرط تطلعى مع اخوكى تقدرى تطلبى من اى شخص ثانى يطلع معاكي
الصفحة الأخيرة
وان شاء الله ربي بيعوضك ويرزقك الزوج الصالح الحنون يارب عاجلا غير اجل