غدير 2010 :

ترانيم ،، شيء حلو كثير ان الواحد يفهمك بس مجرد فهم حتى لو مايعطيك اي حلول لمشكلتك الشخص اللي يفهمك نعمه كبيره نادره جداً فما بالك لو كان فاهمك ويعطيك حلول صحيحه ؟ هذا شخص منقذ وانتي من خلف الشاشات قرأتيني وفهمتيني صحيح كلآمك وقفت عنده كثير انا لو ما اعترف ان تربت فيني اشياء بسببهم خلتني افقد توزاني ويصير عندي خلل في قياس امور كثيره ماكان طرحت مشكلتي هنا صرت بعيده كثير كثير عن الله لأن الانسان يقترب من ربه يبدأ اختبار الله عز وجل له ولصدق قربه وتصير المشاكل تطيح على راسه من كل جهه فيها تمحيص لذنوبه وفيها محبه لله عز وجل له واختبار لمدى صبره شفتي الكلام هذا اللي اقوله لك انا مؤمنه فيه كثير وحافظته بس ماني قادره ابداً ارتكز عليه احس فعلاً ربي سلبني وقار القرب منه لاني سخطت ومن زمان سخطت حتى لو ماتكلمت اعو ذبالله من غضب الله بالنسبه لأخوي اللي تكلمتي عنه انه حكم علي من باب اقداري او بعض تصرفاتي صدقيني انه ظالم ومبدأه مبدأ شماته ويحكمون علي خلال نواياهم ويعتبر هذا اللي يحصل حوبتهم مدري عن تفكيره وبذكر لك مثالين على هالشيء والدتي الحين تعبانه بالمشفى انا امسك معها مرافقه وارجع البيت 9 ساعات وارد لها المستشفى وهي طابت الحمدلله ونفسها تخرج المسكينه طفشت من المشفى غير كذا المستشفى فيه طلاب كثير يجون يختبرون على امي يعني تقريباً 7 طلاب كل واحد يجي يختبر مع الدكتور تبعه وصايره امي حقل تجارب فمره فتحت معاهم موضوع انه لازم نخرجها لانها طابت وصايره هنا حقل تجارب للطلبه غير ان الدكتور يتابع حالتها من مكتبه مستعين بكشوفات الطلاب اما خدمتها انا اللي قايمه عليها ،، فتخيلي اول ماقلت لهم هالكلام قعدو يقولون العقوق شين ويقطع الرزق ومدري ايش ؟ يعني شوفي كيف فهموني فسرو كلامي اني طفشت من خدمة امي بالمشفى مافهمو نيتي انها عزت علي امي من اللي قاعد يصير لها ولا انا ماهي فارقه معي فاضيه واحس بسعة صدر لو طلعت حتى للمقابر مو بس مستشفى بس انتي مستوعبه اسلوبهم ؟ شايفه كيف يفكرون ؟ الحين لو مثلاً جتني وظيفه وطارت بيقولون لي علطول بسبب انك طفشانه من امك هههههههههه ، مره جلست عندها وجاء وقت الزيارات وجو اخواني الكبار كلهم سألوني عن صحتها وعن الدكاتره اللي جولها فحكيت لهم انها داخت بسبب انهم اعطوها حبتين للضغط جابت لها هبوط واني جلست اترجى السستر عشان تجي تطلعها معي ع السرير وبالعافيه جات وقلت لازم نخرجها لان الوضع مو مطمئن ايش تتوقعي كان ردهم ؟ قالو ماهي طالعه حتى تطيب واكيد ماجاها هبوط بس داخت دوخه بسيطه واخوي الكبير جلس يقول ترا احنا رافقنا مع ابوي طال عمرك ؟ يعني فهمها اني طفشت من المرافقه فكان ردي عليه انو اش جاب طاري المرافقه وبعدين ذكرت له ان ابوي توفى بالمستشفى ومحد منهم كان عنده قام سكككككت ومع انهم كانو مقصرين مع ابوي فترة مرضه وكنت اشوف سحباتهم عليه لكني ما احاول اربط اي شيء يصير لهم من سوء اقدار بعقوق والدي مع العلم انه اخوي هذا بعد مامات ابوي علطول طلعت عنده مشاكل بالقلب وجاه نفس مرض ابوي وعمل عمليه مع انه كان سليم وطبيعي وفجأه طاح علينا واختي الكبيره ذكرت لي انها سمعت ابوي يشكي منه قبل وفاته لانه كان يبين تذمره من قدام ابوي كل هذا ماذكرته فيه واختصرت ردي عليه بكلمتين ؟ بذمتك انا مالي حق ارد عليه بهالمنطق اللي يشوفني فيه انا بصراحه تعبت منهم مهما سويت لامي يشوفوني عاقه ويقولون لي كلامهم قدامها حتى صارت تتحسس امي مني !!! وببعطيك مثال آخر وبسيط على موقف حصل لي مع اخوي اللي علاقتي فيه كويسه عندهم اتصال انترنت وانا يجنيي الاتصال لاسلكي عن طريقه كنت ادفع معه كل شهر 200 مع ان الاتصال لك عليه لكن ذوقياً ودعم له كنت ادفع اللي حصل انه فصل النت حق ثلاث شهور ماسدد حتى التلفون وزوجته كانت تتكلم بالصفر ولاهم مشتركين بباقات تخفيض ولا اي حاجه وبعد كذا جته فاتوره مره قويه طالبني بأني ادفع معاه حول 1000 ريال فقلت له يا اخوي ليش انا كل اللي يجيني من عندك نت هوائي ماتوصلني منه غير شرطه وحده ومع ذلك كنت ادفع معك اما 1000 مره كثيره اذا حاب ادفع لك 300 اوك هو عاد طنقر وزعل وراح غير ارقام الباسورد واول ماخصمو مني حافز 1400 عشان راتب ابوي التقاعدي قام يتشمت ويقول هذا حقي لانك ظلمتيني ومادفعتي معي ربي بلاك باللي يسرقك ههههههههههه يا اختي والله لو حكيت من هنا لبكره ماحد راح يصدقني انا مشكلتي انسانه حقانيه اعطي الناس عيوني بس اكره احد يستغلني او يستغفلني وما اتنازل عن حقي بسهوله اي شخص فيه هالمواصفات اكيد بيكون مكروه ومع ذلك ترا ما اكرهه ولاشايله بقلبي عليه لانه بالنسبه لي هو طيب كثير كثير عند غيييييييره مره كلآمه حلو وعسول عند كلام البقيه !! الله يوفقك قرات حتى ردك الأخير وانتظر اللي بعده واكذب عليك لو قلت لك ما اثرتي فيني كثير كنت محتاجه لشخص يفهمني ويحط يده على مكمن الجرح فيني ويعطيني العلاج ومايقول انتي السبب في كل اليل يحصل لك انا بذلت والله كل مافيني حاولت اتقرب واتغاضى بس تعبت الله يوفقك يا اختي ويأجرك على تصبيرك لي بالحكمه وبالموعظة الحسنه

ترانيم ،، شيء حلو كثير ان الواحد يفهمك بس مجرد فهم حتى لو مايعطيك اي حلول لمشكلتك الشخص اللي...

غدير 2010 :

مو المشكله في نقدك المشكله انك ماقريتي القصه زين وجايه تتكلمي وتقيمي ؟! عزيزتي انا ماعيرتها هي اللي كانت تعاير عشان اختي الصغيره تصغرها ب 12 سنه انخطبت قبلي وقبلها تازمت نفسيتها كثير وصارت من اتفه سبب تقول لي انتي حاسده فلانه عشانها اتخطبت ومره تقول لي ياعانس مع انها تعرف عمرها وتعرف عمري والفرق الكبير اللي بيني وبينها ؟ كلامي كان فقط رد فعل على كلامها السيء والله يشهد انها هي بدأت وكانت تكرر علي حتى بعد خطوبتها رغم اني التزمت الصمت بعد كذا ثانياً هي شخصيتها غيري وماتشبهني ابداً وانسانه ثقافتها ضحله يعني حتى اداب النقاش ماتعرفها واكبر مثال مشكلتها الاخيره لما قلت لها اسلوبك غلط في تعاملك مع الخدامه قامت تقول لي روحي يابلا زواج وبلا وظيفه ؟ بذمتك اش دخل هالسالفه بموضوعنا ؟ ومع ذلك نسيت كل شيء سويته لها بمجرد ماجابت الخادمه استغنت عن خدماتي وقامت تطلبني الفلوس وانا رجعت لها فلوسها ؟وانا ماني انسانه اتمنن على الناس لو ساعدتهم واقرب دليل موقف زوجة ابوي معي ماذكرت لك ابداً اني ادعمها مادياً ومعنوياً من خلال كتابتي للموضوع بس ذكرت هالشيء الحين عشان افهمك رغم انها حتى هي انسانه ورا مصلحتها بس ماناقشتها ابداً باللي سوته وتسويه معي ولا صار اي خلاف بيننا ابداً من سنين طويله ؟ فمين المشكلجي اللي يتمنن على الناس ويغضب عليهم لاتفه سبب ياحياتي ؟ مافي اي قواسم مشتركه بيننا بالعكس اختي انسانه ماتشوف نفسها شيء بدون الاطفال والزوج انا عكسها هي انسانه مالها اي علاقات اجتماعيه ومالها قبول عند الناس انا عكسها تماماً هي انسانه تظهر انفعالاتها الداخليه من خلال كلامها الرخيص بس انا عكسها هي انسانه ماتنسجم مع كل الناس ومغروره غير متواضعه ورا مصلحتها وتحب نفسها مستعده تبيعك بس لو قلتي لها انها غلطانه تحب اللي يكذب عليها ويجاملها اما اللي يصارحها تكرهه انا عكسها ما انزه نفسي بس بجد مابيننا اي شيء مشترك ولاكان اتفقنا وعززت لها وخليت شغالتها الغلبانه تاكل هوا ، سببتيلي ازمه لما قلتي عني اني مثلها احس شوي وابكي ههههههه الله يهديك ويهديها غير كذا ياحبيبتي كلامي لها زمان كان كرد فعل على عيارتها لي وانها اولى بالعياره مني وكنت بنت صغيره مندفعه وماكنت اثمن كلامي رغم انها هي اللي بدأت ،، لكن لما حصلت مشكلتي الاخيره معاها ماذكرت لها عيوبها ولا انغمست معها بنفس الوحل قلت لها لو يرضيك اعنس فلك ما اردتي من ربك !! واكتفيت بترجيع فلوسها لها ولاخضت معاها بالغباء والمستوى المتدني اللي هي وصلت له ،،،،، بالنسبه لبيع البيت امي رغم ان اخواني مقصرين معها كثير لكن تفكيرها قديم مثلها مثل اي حرمه كبيره تشوف عزوتها اولادها واكيد تبي راحتهم هم وعيالهم وتبديهم على نفسها والله لاهي سائله عن مالها ولاهي سائله عن مالي دايم اقول لها يايمه انصفيني منهم لو حصل اي شيء ، تقول مستحيل ما ازعل عيالي هم راح يدفنوني بكره ( بسم الله عليها عسى يومي قبل يومها ) ما الومها بتفكيرها كل ام تشوف عيالهم اسود لو كانو قرود وبالنسبه لانكار الوصيه هو ينكرها بأسلوب يعني مثلاً فاتحته كذا مره اني ماراح اسوي وكاله عامه فقال لي ليش بينت له السبب زعل مني وقال اذا قصدم على وصية ابوي في بيع البيت ترا ابوي ماوثقها بالمحكمه ؟ ههههههه فقلت له ليش يوثقها وهو شايف انك ماشاءالله رجل تخاف ربك وبتنفذها بإذن الله وواثق فيك ؟ قال انسي ماراح تفيدك بشي وبعدين جلس يذكر لي ان البيت راح يتعرض للهدم بسبب انه بناء عشوائي وهالحكي كذب واستهبال لان البيت 5 ادوار وحديث والحي نظيف ورايق مو شعبي ولاهو مجرى سيل عشان يطالبون بإزالته مقابل تعويض وفهمته بدون ما استنقص من كلامه انو عادي بضل مستوره في البيت نفسه حتى لو تركو لي منه غرفه وحده وحمام !! فهمتي كيف هو ينكر الوصيه ويواريها ويقلل من اهميتها !! ؟ والوصيه للأسف معاه وكل اللي متزوجين وموظفين من البنات والاولاد يبغون يبيعون البيت وبياخذو حقهم مافكرو في احد اما سالفة التزام الصمت ترا صعبه شوي بيتنا ناس قوايا لو ماتفرضي نفسك تنقرضي وانا معك بمسألة مو كل شيء نخوض فيه ومو اي كلام يجي منهم ينرد عليه حاولت اكسبهم بس مافي فايده ما احس اني لقيت لي كيان بينهم غير لما ماصرت اسكت عن حقي للأسف شكراً اختي لك

مو المشكله في نقدك المشكله انك ماقريتي القصه زين وجايه تتكلمي وتقيمي ؟! عزيزتي انا ماعيرتها هي...