تعبت نفسياتنا من تعليقاتكم وردودكم الى متــى ياعالم حواء :(

السلام عليكم ورحمة الله وبركاته ..

كيفكم بنوتات ان شاء الله بخير ..

بنات بالله بسألكم ايش قصتكم مو كلكم بس اكثركم صايرين ..

اقولكم ايش السالفه ياحبايبي ..

مافي وحده تكتب موضوع الا واكلتوها بقشورها وخاصه في هذا القسم .. صايره الوحده تكتب موضوع واخر شي

تكتب بنات بالله مو ضروري تشتمون او تغلطو عليه او تفهموني غلط طيب خير واذا غلطت مثلاً ليه ماتكسبو فيها اجر

وتنوروها انصحوها .. قولي لها ياحبيبتي كذا غلط المفروض ماتسوين كذا ولا تقولين كذا

يابنات احنا نشكي لبعض هنا لأننا تعبانين من المحيط الداخلي نهرب للمحيط الخارجي نحكي لبعض براحتنا لأننا مانخاف شي مانعرف بعض بس قلوبنا ع بعض ..

ليش صايره الوحده ترمي تعليق زي السم وتطلع وين نروح طيب نشتكي ادري بتقولون الشكوى لغير الله مذله

طيب احنا نتشكي لله ومالنا غيره بس احيان نحتاج لتوجيه .. في اعضاء يكتبو مواضيع صحيح مالها داعي بنسبه لنا
بس بنسبه لها مهم ولا مكان كتبته ..

احيان تكتب العضوه مشكله تافها بس بنظرها مصيبه ليش مانراعي بعض نقدر بعض ليش نشتم الشتم مو السب لا الشتم انك ترمي كلمه قويه ع الوحده وتطلعي

قال الله تعالى ( مايلفظ من قول إلا لدية رقيب عتيد) لاتتوقعي ان كلامك هذا انك تخافي من الله انتي محاسبه قولي خير او اصمتي ..

حتى لو كان الموضوع تافه لاتكتبي لها ليتك ماكتبتي ليه ليتها ماكتبت ليش انتي لك الحق تكتبي ولا بس لها حق تكتب
خلطات ورجيم وتجارب وووو بس توصل ان عندها مشكله لا ماله داعي تكتب هذي التفاهات لا من حقها تكتب الا تبغاه واللي مو عاجبها الموضوع تطلع ماهي مجبوره تكتب تعليق ..

وحده كاتبه موضوع عن طريقة الزواج صحيح انا ضدها في الفكره بس للأسف الردود .... ؟ ماله داعي اقول

وكمان تكتب وهي خايفه تقول بنات بالله من غير شتم ليه احنا فين وين نروح نكتب طيب هي مسكينه وعلى نياتها تبغى تفرح فيكم تبغى تسوي شي لوجه الله بس ممكن كان طريقتها مو صحيحه ليه الهجوم عليها بهذا الأسلوب

في ادب في النقاش والحوار والردود .. هي مو مجبوره تكتب شي بس حابه تسوي خير ,, اكتبي لها يالغاليه مو بهذي الطريقه مجتمعاَ لايقبل ولا البنت تقبل ع نفسها ولا لا بس مو انتي وانتي ولا تلعب عليكم ومدري ايش ..

ووحده كاتبه موضوع عن مسجات صديقتها وكمان الردود الله المستعان .. ايش اللي درانا عنها طيب هي تبغى تعرف ايش تسوي وكيف تتصرف بدال ماتعطوها نصايح بدال ماتقولو لها انصحيها ممكن تتوب من هذي المسجات ع يدك تقول لها مدري ايش ..

طيب هي غلطت انها فتحت رسائل صديقتها مع انها تمون عليها صحيح غلط بس ممكن كان مرسوله من الله علشان تنصحها في أسلوب الله يهديكم تطلعو الواحد عن طوره

يابنات نحن رقيقات حنونات نخاف على بعض نحس في بعض نحب بعض في لله لما كل هذا القسوه في الردود

بنات طلبتكم اتركو عنكم اتهجم بهذي الطريقه هنا نكتب كل مايجول بخاطرنا علشان نستفيد من بعض مو علشان ننفر من بعض ..

انا اكتب هنا لآني احبكم ويشهد الله عليه .. من زمان ودي اكتب هذا الموضوع بس استنى الوقت المناسب اكتبه بترتيب وروقان ولكن بعد قرأتي لموضوعين نرفزتني الردود وكتبت

اعذروني نص الكلام غلط وملخبط وغير مرتب بس ايش اسوي الشكوى لله .. حاولو تعدول الأغلاط

طلبتكم يامشرفات لاتحذف الموضوع يومين ع الأقل ...

اسأل الله لي ولكم التوفيق وتحقيق الأمنيات عاجل غير اجل ويغفر لنا ماتقدم من ذنب وماتأخر ..
دعواتكم لي واتمنى من كل وحده تدخل تدعي لي ابويه برحمه والمغفره ..

بحفظ الله