تعبت نفسيًا

السلام عليكم
احتجت افضفض فلجأت لكم لأن متأكده ما احد بيحس فيني الا اللي مجرب نفس الشعور


انا متزوجه من اربع سنوات .. حملت اول سنه زواج وجبت بيبي وبعد الولاده اكتشفنا ان مريض وتوفى بعد كم يوم .. دخلت بحالة نفسيه سيئه وقررت انسى موضوع الحمل لحد ما نفسيتي تتحسن
اللي صار لما قررت احمل .. مايصير حمل
سبحان الله بدون سبب .. اتابع تبويض البويضه تصل للحجم المناسب ويصير جماع بس مايصير حمل
زوجي حلل والحمدلله امورنا طيبه
اخذت منشطات عشان تزيد فرص الحمل وماشاء الله احيانًا تصير عندي ٤ بويضات جاهزات للاخصاب ولايصير حمل ..


تعبت نفسيًا .. احس لو ان ما فقدت ولدي الموضوع اهون علي
بس الم الفقد ومن بعده الحرمان يتعب ..
داخله في مرحلة اكتئاب لدرجة صرت اعاني من القولون والمعده بإستمرار لدرجة الدكتور نصحني آخذ مهدأ نفسي


لاتلوموني بس والله الصدمه اللي دخلت فيها بعد فقد ولدي اكبر من اي احد يستوعبه .. قلت بجيب غيره وبرتاح وبنسى .. بس اللي صار ان مع الايام كل يوم الألم بقلبي يزيد واحس بنار داخلي .. احاول اتجاهل واسوي حالي طبيعيه لدرجة والله ما ابين لأي احد اني متضايقه من بداية ما توفى ولدي ماكنت احب شعور الشفقه .. بس من داخل اتقطع


احاول اتقرب من الله ولله الحمد مداومه ع سورة البقره يوميًا وارتاح جدًا عند قراءتها واتفائل كل شهر بس الحمدلله ع كل حال


مؤمنه وراضيه بقضاء الله وعارفه ان الله مخبي لي عوض جميل
بس بنفس الوقت الوسواس ذبحني ليش ما احمل ؟ علمًا ان لما حملت بولدي حملت بكل سهوله


آسفه ع الاطاله واي احد عنده نصايح قولوا لي انا بحاجه ان اسمعكم ♥️♥️♥️