تعبت نفسيا بليز الامهات الخبيرات ممكن رايكم

السلام عليكم

انا عندي ولد عمره سنتين وثمان شهور من كمل عمره سنتين بديت احس فهمه وكلامه مو لعمره اول شي خليني اشرح لكم وضعه في البيت عنده اخت وحده اكبر منه عمرها ست سنين ولاهيه بالمدرسه وقليل تلعب معاه لانه مو دايم يتجاوب معاها،، احنا عايشين بعيد عن اهلي يعني هو مايختلط بالاطفال ولايشوف احد بعمره ولا قريب من عمره.

ونشاطه طبيعي الحمدلله مو حرك ولا هادي جدا لما نكون طالعين كان لما كمل سنتين مايحب العربانه ويبكي بشكل هستيري مع انه قبل يقعد فيها بدون مشكله لما كمل سنتين صار مايحبها وبس يركض اذا طلعنا ولا يخاف من السيارات ولا يفهم الخوف الحين لما كبر وصار فوق السنتين صار مايركض يمسك ايدي ويمشي معاي بس للحين مايخاف من الشارع ولا يحب يرجع الييت.

عرضته على اكثر من طبيب شرحت لهم وضعه وقالولي طبيعي لاني خفت من التوحد والحمدلله ماعنده بس تاخر اللغه والفهم بس ماعنده شي ثاني.

يحب اللمه ويستانس اذا اجانا احد البيت حاولت اعلمه الحمام تكرمون بس مو فاهم شي الحين بشرحلكم كلامه،،

يعرف اسمائنا واسماء الناس اللي يجونا
يقول كلمات بسيطه اللي تدبر له اموره مثلا ماما حليب ماما ماي
ماما باي اذا يبي نطلع برا

ماما مسكي ايدي
وعنده مجموعه كلماات ثانيه اذا يبي ياكل او يشرب يطلب عادي واذا طلبت من عنده اي شي يجيبه لي يجيبه
مشكلته مايفهم الاسئله اذا سألته وين بابا مايعرف يرد وين اختك بعد مايعرف يرد واذا الحيت عليه يمل يقولي ماما خلاص.

وكلامه ما احسه لعمره بعد 4 شهور راح يدخل الروضه ومحتاره شنو وضعه تعبت من التفكير والله اني صرت مانام احترت بامره. ياريت احد يسااعدني