حاولي تخصصين مكان للعلب يخفف عنك كثير
واذا اخوانها واعين علميهم في قوانين اللي يلعب يشيل بس يخلص
ورتبي جدولهم ترتيب الجدول يساعدك كثير
وقت للرسم وقت تعلم كم جمله انجليزيه
وقت يستحمو فيه وهكذا
لاتخلين الساعات عندهم وحده
والله يعينك ويقويك حبيبتي وتشوفين برهم يارب

وانت ليش حاكمه على بيتك ونفسك واولادك ان البيت لازم يكون مرتب دايم!
خليهم يحوسون ويلعبون ويكركبون
وش المشكله!
ليش حالة إستنفار دايم عندك.
أولادك طبيعيين بس انت تبين كل شي في مكانه.
وجالسه حارس على بنتك عشان ما تتحرك!

اهم شي ابعديها عن المطبخ
وخليها تلعب
ترى طريقتك تزيدها عناد وشقاوه
خوذي الأمور ببسااااطه وهي تصير بسيطه.

ياعمري الله يكتب اجرك
شفتي نجلاء الودعاني واختها سارة يوم عيالهم حوسة ويقولون عادي بيتهم بيت طفولتهم وسعادتهم ترى اقنعوني
وهم صادقات صدق ليش اتعب واتعب عيالي معي خليهم يحوسون ويستانسون في بيتهم وفي طفولتهم وقبل النوم وزعي عليهم المهام واحد يلقط زبايل واحد يلم الاحذية ويرجعها مكانها واحد يسنع الخداديات المنثورة وانتي بس كنسي وراهم والمطبخ خليه وقت محدد ٩صباحا يتنظف بعمق ٩مساء تتغسل المواعين فقط
ومجالس الاستقبال قفليها تماما للضيوف فقط

جربي حبيبتي معهم بالتدريج مثلا يقومون بالأشياء البسيطه و الأساسيه اول شئ و بعدها بإذن الله يصيرون يعتمدون على نفسهم 🌹

الأطفال صغار تفهمين ايش يعني صغار وحركتهم الكثيرة طبيعية واحمدي ربك عليها
طبيعي يحوسون ويخربون ويصجّونك هذي فطرتهم وما ينفع نتعامل معهم كأنهم كبار ويفهمون
البيت فيه دام أطفال
يعني ما راح يظل مرتب ٢٤ ساعة انسي هالشي ولو حاولتِ بتتعبين نفسك على الفاضي
تربية أطفال مو معناها نظافة مستمرة
معناها فوضى و صبر وضحك وسط التعب
إذا بتطاردين ورا الترتيب طول اليوم
بتتعبين نفسياً وجسدياً
وهم أصلاً ما راح يوقفون
خففي على نفسك ياعزيزتـي لأن الكمال مستحيل بهالعمر ابدًا