الله يرزقك بالزوج الصالح وجميع البنات
لازم تكلمي امك تكلمه واذا ما تقدر عليه كلموا واحد من العائلة خال او عم يكون له كلمة عند ابوك اهم شئ لا تسكتي والله يوفقك

شينطر ابوش منو يبي يجي يخطب مهند مثلا قولي لامش ماصارت ملينا بنعرس مأخريني ليه فتون قومي عليهم سوي انقلاب انتفاضه ثوره تكلمي ليش ساكته والله انتي حليوه والله احرقهم شنو ماتزوج ليمتى عصبت😜

ليش انتي موظفة؟! وياخذ راتبك اذا موظفة قدمي اجازة وقولي استقلت واذا زوجك ارجعي لشغلك لكن اذا ما انتي موظفة عادي كلمي ابوك وصارحيه 

ابوي كااان كذا ، يجون يخطبون ومايوافق ولا يقول لي اصلاً وادري بعدين من امي او اخواني ، لحد ماجاء خاطب و وافق عليه والحين انا متزوجه هذا الشخص والحمدلله مبسوطه ، واحمد ربي ان ابوي اختاره لي 

طبعاً كل زوج فيه مساؤي ومحاسن لكن الحمدلله اعتبر نفسي عايشه في نعمه .

مو معقول انتي ساكته ،، كلميه قولي آيش السبب ليه ترفضهم ممكن اعرف ،،
وكلمي اي احد كبير عندكم في العائلة خليه يكلمه ويعرف وش سبب الرفض
أنا كان أبوي يرفض من غير سبب لي ولااختي
الين كلمنا عمي الكبير وتدخل في الموضوع ماييصير تسكتين وعليك بالاستغفار