تعبت نفسياً وجسديّاً

السلام عليكم ورحمة الله وبركاتة للجميع
صباح الخير والله يجعل يومكم سعيد ومبتهج ♥️






بنات والله تعبت نفسياً مو عارفة شلون أبدأ وكيف أرتب الكلام


بأقول لكم مشكلتي اللي ما أدري هي ( حسد ، عين ، حالة نفسية أو إكتئاب )
أنا كنت إنسانة نظيفة جداً ومرتبة ، ألحين أنا إنسانة ثانية من ثلاث سنين بدأ عندي التعب من التنظيف ومن كم شهر صرت فوضوية بشكل لايطاق وأتعب من التنظيف 😭 أبي أقوم مو قادرة طاقتي كلها تخلص بثواني ولأني إنسانة معي وسواس نظافة بس أعصب من الفوضة وتراكم الأشغال وأتقرف من كل شي أمسكه حتى عيالي
تعبت نفسيّاً مع هالموضوع 😭
وزوجي زاد وزنه بشكل فضيع والنظافة الشخصية عدم وتعالوا عاد شوفوا كيف مع وسواس النظافة دائماً أتحجج وأبتعد عنه ماكنت أقوله إلا من تو كرهت نفسي وكرهته وقلت له بوجهه أنا ما أتحمل الريحة قال كذابة من زينك عاد أنتي 😭💔 كله عشان مايحرج نفسه أنا أنقهرت وتمشكلت معه مع أني إنسانه ما أجادل وأستحي وأبتعد عنه وقت مايهاوش ويتمشكل بس خلااااااااص كرهته وصار ماعاد يهمني حتى الطلاق اللي قبل كنت أخافه وما أحب يجي على لسانة
ألحين ماعاد يهمني خلاص والله يابنات مرة من حرقة قلبي توجهت للقبلة بأدعي أن الله يزوجه وأفتك منه تعوذت من الشيطان ونزلت يديني وبكييييييييييت بحرقة قلب تعبت 😭


أنا أعاني من وسواس الموت ووسواس الأمراض ووسواس النظافة اللي مقرفني بشكل وكلها أتوقع قهرية لأنها مفقدتني طعم النوم


والله شاكة إنها تكونت عندي حالة نفسيه ( لأني أقطع شعري وأخدش جسمي وأعضعض نفسي إذا عصبت ونفسي أصرخ بقوة من اللي جوا قلبي لأني إنسانة كتومة )
أنا كثيرة تفكير وصرت مرهقة وماعاد للحياة عندي طعم بعيني خلاص
حتى أهلي مستحيل أقولهم وأفضفض لهم أحبهم وما أبيهم يشيلون هم من ناحيتي لو أيش مايصير




ختاماً والله إني أحاول جاهدة أمسك القران أقرا أتعب أستغفر ما أدري إلا ذهني يتشتت
ولما أكون على سجادتي وأفضفض لربي وأبكي بحرقة التنفس عندي يضيق من كثر البكى وما أقدر أكمل وأسكت وأخلص صلاتي وأقول وش فيني ياربي وش أسوي 😭



كلامي ملخبط مادري هي فضفضه أو مشكلة بس الأكيد أني تعبت وأبيكم تدعون لي