تعبت نفسيا ومب قادرة أفسر الي يحصل معي والضحية زوجي

الله يفرج عنك ،، اقرأي سورة البقرة يوميا وانتي في بيتك وكثري استغفار ،، يمكن لانك كنتي تتكلمين عن ايجابياته قدام الناس اصبتي بعين ،، ارقي نفسك وبإذن الله راح ترجعين احسن من اول

ولا تنسين الحين وقت السحر الدعاء فيه مستجاب بإذن الله ،، قومي اوتري وادعي الله واشكيله حالك ،، قدقيني محد عنده حل مشكلتك من البشر ،، حلها بيد الله سبحانه وتعالى ... (وإن يمسسك الله بضر فلا كاشف له إلا هو....

الله يكون في عونك اختي اقري قران والبقره واستغفري واذكري الله ولا توسوسين هذي يمكن عين واذا حيل تعبت نفسيتك روحي طبيب نفسي يعطيك علاج للاكتئاب وصدقيني فتره وبتعدي وترجعين لطبيعتك اسال الله العظيم ان بشفيك

انا كنت مثلك يااختي اتمنى اطلق من زوجي بدون سبب تجيني نوبات بكاء بدون سبب ضيق في صدري لدرجة من قوة الضيق احس باالم في صدري الحياة ماصارلها اي طعم وعندي دائما احساس بااني اذا تطلقت برتاح مع تانيب ضمير تجاه زوجي....اصابني بعد ذلك وسواس قهري في الطهارة في افكاري واسودت الدنيا بوجهي وعندي طفلين اتعبتهم معي ماكنت احس بالامومه تجاههم ولا العب معاهم ولا شي يادوب اهتم فيهم وبتضجر من الضيق اللي فيني جلست على ذا الحال ثلاث سنين ....بعدين فكرت اروح طبيب نفسي لكي اعالج الوسواس القهري ورحت وصرفلي دواء واخذته من مميزات هذا الدواء انه يعالج الوسواس والاكتئاب في ان واحد..انا لي الحين من استعمال للدواء 3 اشهر والحمدلله اختفى كل شي كان معايه الضيق والوسواس وكرهي للزوجي صرت احس للحياة طعم وانبسط بااقل شي والحمدلله ...احمد الله ان ربي دلني لااخذ الدواء النفسي والله كنت ظالمه نفسي لما لم ابحث عن العلاج بحجة اني ماابغى اححد يقول مريضة نفسيا بس الحمدلله تغلبت على ذي الافكار واخذت الدواء ومازلت مستمرة....اسال الله بعظمته وقدرته ان يشافي كل انسان ويرفع عنا همومنا وغمومنا..

اتوقع فيك عين وحسد من الناس
الله يهديك خالفتي كلام الرسول صلى الله عليه وسلم استعينوا على قضاء حوائجكم بالكتمان فإن لكل نعمة حاسد


وانتي الله يهديك جالسه تمدحين زوجك عند الناس
خليك مثل بعض الحريم الذكيات اللي ماتكلم عن زوجها بشي لا بخير و لا بشر وشوفي كيف حياتهم هادية وراحة بدون مايعلمون الناس عن حياتهم