تعبت نفسيا ياليت تساعدوني

السلام عليكم 
كيفكم ياحلوات بقول لكم قصة حملي ومعاناتي مع دكتورتي
انا حملت قبل شهر وصار الحمل ضعيف وسقطت وحملت الشهر الي بعده وكنت اخذ دوفاستون قبل الحمل قالت لي الدكتوره عادي حتى لو حملتي الشهر الثاني يثبت الجنين وبعد اسبوع من حملي سويت اشاعه قالت مافيه شي باين سوي تحليل هرمون الحمل طلع عندي 500 قالت ضعيف سوي مره ثانيه بعد 3 ايام طلع 1200 قالت ان شاء الله احسن تعالي بعد اسبوع نسوي اشاعه سويت اشاعه كان لي تقريبا 7 اسابيع من اول يوم دوره قالت لي فيه نقطه صغيره المفروض الحين كبير سوي تحليل طلع 1800 قالت البويضه تفرز هرمون بس ضعيفه المفروض فوق 3500 تعالي بعد اسبوع نسوي اشاعه اذا فيه تحسن كملنا على المثبت واذا ما فيه اتركي المثبت خلاص حملك ضعيف 
وانا احترت وتعبت نفسيا هل كلامها صحيح او لا 
ياليت الي عندها خبره ترد علي الله يجزاكم خير