السلام عليكم ي بنات...
انا بهم مايعلمه الا الله انا متزوجه لي سنتين وسته شهور اول سنه ونص كانت حياتنا ماشيه صح فيه مشاكل لكن خفيفه ومن اول زواجي وزوجي اذا عاتبته ليه يهاوش او يعصب علي اتفه الاسباب كان يقولي المره تصبر علي زوجها وتتحمله ..ولايحب ابدا اناقشه باي مشكله صارت بييننا دايم يقفل الموضوع ابنام خليها علي الله يعني ابدا ماعمري طلعت بنتيجه او اننا نحط النقط عالحروف وتعرفين وش لك وش عليك... المهم اول زواجي حملت بعد شهرين من الزواج وسقطت وسوينا عزل ثمان شهور وفكينا وحملت ثاني شهر وصار حمل خارج الرحم ومنعوني المستشفي ماحمل لمده سنه عشان الابره وطبعا اول ماطلعت من المستشفي سمعني كلام وانا نفسيتي كانت تعبانه انه انا عندي صعوبات بالحمل ولاتصلحين للحمل وابتزوج وماقدر اصبر سنه بدون مانحاول الحمل راح عمري ومدري ايش علما عمري 32 وهو 40 انا اتحسست من الكلمه وحزت بخاطري وصرت اخاف من تجربه الحمل عشان رده فعله اخاف اسقط او يتكرر لي حمل خارج الرحم صار هاجس لي وتعبت نفسيتي مرررره ويوم خلصت السنه قلت له عن مخاوفي انه اخاف يتكرر الحمل خارج الرحم قال مو وقته وماافكر المهم بعد شهرين قلت له خلاص فك العزل انتهت المده قال لا قلت ليش قال مو وقته المهم حاولت فيه وفكينا شهر ولا صار حمل ونزلت الدوره وبعدها رجع للعزل وحاولت وحاولت وهو يجيب أعذار مو وقته رحت مره تابعت تبويض قالت باليوم 12 من الدوره في بويضتين وحده 11 ووحده قياسها 12 وجلست احاول نكثف جماع هالاسبوع وعيا المهم مالكم بالطويله والاحظه من فتره يردد علي اذا شافني اصرف راتبي او اتقضا قالي خبي فلوسك يمكن تحتاجينهم اذا صرتي عند اهلك يجدع علي كلام انا احيانا اخذها برحابه صدر واضحك بس تحز بخاطري وتحسسني بعدم الامان المهم صاير غريب متذبذب ونفسيته خايسه والحين فاكين العزل لنا شهرين وقبل اربع ايام انفجر بوجهي واحنا بالسياره بعد ماقلت له بروح لمحل رفض وجلست احايله ووداني له قلت له الله يخليك لي عارفه انك ماتكسر بخاطري المهم بعدها انفجر بوجهي قال شوفي اذا ماحملتي هالشهر بطلقك وابي عيال وعلمتك وابكلم امك المهم انا انفجعت قلت كيف مالنا الا شهرين بسم الله حسسني اننا نحاول الحمل لنا سنتين وثلاث سنين المهم جلست اناقشه انا انا ماعندي ورحت كذا مره للمستشفيات ويقولون سليمه بس انت ولا مره رحت ولا عمري قلت لك وجماعنا قليل مره كل اسبوعين اومرتين كيف تبي احمل قال انا مابي منك عيال اصلا وانا المح لك من زمان بس ماتفهمين انا هنا انهرت وجلست ابكي ورجعنا للبيت واخذت شنطه واعبي ثيابي وانا اصيح باعلي صوتي من قهري ومن جرحي دخل قالي قصري صوتك ومدري ايش والا روحي لاهلك طلع بعدين رجع وانا مازلت ابكي عند شنطتي وجلس يتعذر معقوله انتي تحبيني لهالدرجه ؟؟ وقال اخاف انتي بكره اذا جبتي عيال تروحين وتتركيني.. وانا مضغوط وعمري راح وابي عيال وانا تعبان نفسيا المهم انا مخي هنق ماادري ايش يبي هل يبيني او لا المهم اخذت شنطتي وقال خلاص انا تعذرت لك وزلت لسان قلت بروح اريح عند اهلي كم يوم قال طيب بهالشنطه الكبيره قلت ايه قال تعوذي من ابليس قلت متعوذه المهم وداني عند اهلي ولي اربع ايام ولا ادري وش اسوي احس جرحني ولا احس بالامان زعزع ثقتي واستقراري النفسي احس مايبيني ووده اني انا اطلب الطلاق شورو علي يا اصحاب الخبره
Dody1122 @dody1122
عضوة جديدة
يلزم عليك تسجيل الدخول أولًا لكتابة تعليق.
ارزقني كيان
•
المشاكل تصير بكل البيوت استغفري كثير وادعي ان. ربي يسخر زوجكً سوي عمره غيرو جو والرجال دايم يبغون الكلام الحلو اعوذبالله لاتستهوين بطلاق أبد مو حل كثير مثلك وبعدين خلفو وملو البيت ماشاء الله دعواتك لي ربي يفرج همي
السلام عليكم ورحمة الله
بيني و بينك امره ليس صعبا ...دعينا نراجع هذه النقاط
.1- هو عصبي عامليه على قد عقله
يعني لما يعصب لا تنطقي في ثورته و استغفري الله طويلا
و قولي دوما ...
اللهم إنا نجعلك في نحورهم، ونعوذ بك من شرورهم
2- أخبريه أن الحمل بيد الله و العقم بيد الله
ولو تزوج الولود الأكثر في العالم كله فلن يعطيه الله إلا ما كتب له
3- تفاءلي خيرا تجديه و حاولي هذه المرة تجديد النفسية المحبطة عندك
و لما تحملي بحول الله اصرفي أقواله و افعاله عنك
حتى يثبت حملك فلربما يسقط من وجعك الداخلي
فهيئي الجو لوليدك و لا تكترثي لما يقول و برهني له أنك ولود و لله الحمد
4-تقولين بعد خصامكا ترجاك و قال ما قال
إذا كانت مرته الأولى بالقول فأعطيه فرصة للصلح و الصلح خير اختاه
و لتعلمي أن الحياة الزوجية صبر و جلد و اكثره على المرأة
و فيها حب و تعب
و متعة و نصب
فاجلبي السعادة لبيتك و اصنعيها بالتقرب إلى الله
حتى يرزقك الرضى فإن رزقتيه هان عليك كل شيئ
اقر الله عينك بثمرة طيبة تنسيك همك هذا
بيني و بينك امره ليس صعبا ...دعينا نراجع هذه النقاط
.1- هو عصبي عامليه على قد عقله
يعني لما يعصب لا تنطقي في ثورته و استغفري الله طويلا
و قولي دوما ...
اللهم إنا نجعلك في نحورهم، ونعوذ بك من شرورهم
2- أخبريه أن الحمل بيد الله و العقم بيد الله
ولو تزوج الولود الأكثر في العالم كله فلن يعطيه الله إلا ما كتب له
3- تفاءلي خيرا تجديه و حاولي هذه المرة تجديد النفسية المحبطة عندك
و لما تحملي بحول الله اصرفي أقواله و افعاله عنك
حتى يثبت حملك فلربما يسقط من وجعك الداخلي
فهيئي الجو لوليدك و لا تكترثي لما يقول و برهني له أنك ولود و لله الحمد
4-تقولين بعد خصامكا ترجاك و قال ما قال
إذا كانت مرته الأولى بالقول فأعطيه فرصة للصلح و الصلح خير اختاه
و لتعلمي أن الحياة الزوجية صبر و جلد و اكثره على المرأة
و فيها حب و تعب
و متعة و نصب
فاجلبي السعادة لبيتك و اصنعيها بالتقرب إلى الله
حتى يرزقك الرضى فإن رزقتيه هان عليك كل شيئ
اقر الله عينك بثمرة طيبة تنسيك همك هذا
شوفي احساسك وش يقول لان الاحساس مايكذب
اذا احساسك انه مايبك لاترجعين له واذا حاسه ان يحبك وكلامه زلة لسان ارجعي له
اذا احساسك انه مايبك لاترجعين له واذا حاسه ان يحبك وكلامه زلة لسان ارجعي له
الصفحة الأخيرة