تعبت .. هل من نصيحه

السلام عليكم ورحمه الله وبركاته


حددددي بنفجر ابغا افضفض ابغا اشكي فيني مر وغبنه وقهر
ادعي .. استغفر ازيد في الطاعه ... كل شيء اسويه لكن ما احس براحه
امراض روحيه
اذى شياطين
اذى الناس
ما توفقت في حياتي
كل شىء ابغاه واتمناها يصير لاقرب الناس لي وانا لا كني ادعي لهم مو لنفسي
طبقت كل شيء .. كل شيء
كل خير اقدر عليه سويته

في المقابل
لا دعاء يستجاب لي لدرجه جاني احباط والله غصب عني مو بكيفي صرت احس اني اكلم نفسي
امي ماتت ما شفتها
زوج غثيث الله ياخذه صايع ضايع ومعقد
اهل زوج ابتلاء وهم
اذى من كل جهه
كل اموري متعسره


ابتعدت عن الدين بديت اشك في عقيدتي حياتي

ماعاد اصدق ادعيه او استغفار يارب لا تعاقبني بس احس كل هالمحاضرات مو صدق لان كل شيء سويته وبنيه وعقدت العزم لكن مافي اي تحسن او تطور

مافيه استجابه
بالعكس الا اللي اكرهه هو اللي يصير لي ،،، كل حياتي هم وحزن وامراض
حتى الانبياء ربي يفرج لهم بالرغم من قوه ايمانهم وصبرهم
طيب انا انسانه ضعيفه ابغا استشعر معيه الله معي ودي اشوف نصري على من ظلمني ابغا ربي يشفيني ابي احس بهالشيء و اشوفه علشان يزيد ايماني

اشوف البنات اللي حولي فجور وسفور وفتنه وخراب بيوت وكل شيء يملكونه زوج طيب واهل زوج صالحين مال وغنى وراحه

وانا راحت سنيني وحياتي ارجي امل ما تحقق منه شيء ،،، انا مثل اللي في حفره عميقه مالها مخرج
كل مالي اغرق واغرق والهم يزيد .... تعبت خلاص


والله ثم والله حتى الدين بديت اشك فيه اقول هل انا على خطاء او على صواب ؟؟؟
كل شيء غامض في حياتي
حظي سيء الى ابعد شيء مهما حاولت اتفاءل الى ان الواقع يرجعني للحقيقه المره

خلاص تعبت كل شىء راح وضاع من يدي
ربي يعلم الغيب وصرف زوجي عن كل البنات ليش ماصرفه عني ليش صار هو زياده لهمي بدل ما يكون باب فرج لي ينسيني الهم اللي عشته
طيب انا استخرت مثل البنات وتصدقت وتعبت ودعيت ليش من بينهم كلهم انا اللي ابتلاء فيه يعني اللي عندي مو كافيني ؟؟

كل اللي طردوه ورفضوه مبسوطين وماخذين احسن الرجال وعايشين حياتهم بالطول و العرض الا انا مع هالمعقد
من شخصيه هادئه وصبوره تحولت بسببه الى كتله عصبيه كان اخر امل لي الزواج هو باب الفرج اللي كنت انتظره لكن حتى هو خاب املي فيه
كآن ربي يعاقبني بالشيء اللي اتمناه وادعي فيه ... صرت اخاف ادعي او اتمنى لانه بيجي لي لكن بشكل مشوهه وبيكون بلاء علي بدل ما يكون نعمه على الرغم من من اني احسن الظن دايم

صرت احس اني لي عدو بالخفيه اقوى مني ما قدرت اهزمه لا بدعاء ولا بالقران ولا بالصدقه ولا الذكر ولا الاستغفار
شيء متعبني في حياتي و معسر اموري بس ما اعرف وشو ؟؟

من دخلت الجامعه ماتركت قيام الليل والدعاء والصدقه تركته كل هذا جاني يآس واحباط
ليش كل شيء متعذر
ليش حظي ردي
ما اذيت احد ولا قطعت برزق احد
ولا تمنيت الشر لاحد
بس ابغا اعرف ليش هذا كله يصير لي ؟؟ ليش ربي خيب امليوظني وهو القائل انا عند حسن ظن عبدي بي
ليش ربي مافرج لي بالرغم من وعده في القران الفرج لكل صابر وان القران شفاء من كل مرض
ليش ما عشت بين امي وابوي
ليش ما توفقت في زواجي
ليش ما اخذت زوج طيب يعوضني عن سنين الشقاء

ماهو كفر ولا عصيان برب العالمين سبحانه لكني تعبت من حياتي وقدري انا مجرد انسانه ضعيفه هدتها الدنيا ما شكيت ربي ولا اجرؤ على ذلك لكن ابي احد يدلني و يرشدني انا اغرق في مستنقع وحل وقذر كل يوم عن يوم من مرض روحي من كره زوجي من اذى الشياطين لي من تآخر الفرج على
اعيش في وهم وافرح في الوهم ... و الواقع مر ومتعب


وش اسوي علشان ربي يرضا علي و يرضيني
وش اسوي علشان اتطلق واخذ ولدي واتراح من هالانسان السليط اللي ابتليت فيه وفي اهله
وش اسوي علشان ارتاح من هالغلب
ماعاد ابي رجل ولا حياة ولا استقرار هذا تركته للي ربي ينعم عليهم لوهم كافر وفجار ابي بس العافيه ويبعد عن من كرهت ماعاد فيني قدره اتحملهم خلاص
حتى زوجة ابوي اللي قطعت بنصيبي لين طحت في هالعله ربي ما ابتلاها في بناتها اخذو احسن الناس وهي تتشمت فيني وفي حالي .... الله يريحني من هالدنيا وافتك


ودي اذا دعيت احس فيه احد يسمع لي ودي احس براحه
ودي بداعيه اجلس معاها وافضفض لها تعلمني وين الخطاء في دعائي وعبادتي ليش ربي دايم يبتليني وليش ما يرفع عني وما يتقبل دعائي ،،، ليش احسه تخلا عني ؟؟ ليه ما احسه يسمع لي ؟؟
ليش ما يستجيب لي دعائ المظلوم برغم من الاحلام الللي افسرها هنا يقولن لي ربي بينصرك ؟؟ متى ارتاح واعيش مثل هالبنات متى ادعي وربي يستجيب لي مثلهم ؟؟


هل من نصيحه ؟؟؟