تعبت !! هل هذي الكوابيس تدل اني حامل ؟؟

السلام عليكم

قبل كل شي أسأل الله لي ولكم الذريه الصالحه

يابنات سااامحوني ازعجتكم بمواضيعي عن حالتي الغريبه وتحاليلي الأغرب

والله لو احد غريكم ماتحملني عسى الله يخليكم لي ويرزقكم على قد نيتكم :39:

تدرون ان من سعى في حاجة اخيه قضى الله حاجته <<<< بمعنى حديث لايحضرني الأن

الله يكتب لكم الاجر ويجعل ردودكم على بمثابة الصدقه ويعوض ربي صبركم خير

بدخل في الموضوع

بختصار انا عندي احساس اني حامل ان شاءالله قولوا امين ههههههههههههههههه

لان تحاليلي يطلعلي الخط متأخر غير الوحم والثقل وحاجات كثيره سردتها لكم في مواضيع

المهم

أنا حلمت حلمين خوفتني صرت اخاف انام وقلت لزوجي اذا شفتني نايمه قومني

والله يابنات انا ماانسى اذكاري .... وأقرأقران واستغفار واحب اسمع قران ومااسمع اغاني الحمدلله

ودائما على وضوء بس مستغربه ليش تجيني هالأحلام

حلمي الأول

كأني في غرفه وفي واحد يحذرني يقولي اندسي بيجكي ماكنت ادري شيقصد ؟؟؟

المهم الغرفه مافيها الاسرير دخلت تحت السرير وكان شرشف السرير طويل

وكنت اطالع من تحت على الباب لقيت واحد دخل انسان عادي لابس ثوب ابيض وغتره

ويقول وينها ؟؟؟؟

فجأه دخل تحت السرير بعد ماكان يتلفت

حط ايده على بطني وكان بطني محجر وهو في الحقيقه محجر مااقدر المسه

لقيته يرسم بيده ثلاث مثلثات على بطني يقول هذا مثلث وهذا مثلث طبعااا يمين ويسار

ورسم بيده مثلث في الوسط وضغط بقوووووووووه

والله قمت من النوم على الم الضغطه مااقدر اتنفس

من الخوف ناديت شغالتي وطلبت منها جوالي ماكنت ادري شسوي ادق على زوجي ولا ايش

المهم لما هديت قعدت ابكي من الألم والخوف وشغلت البقره في جوالي وجلست

طالعت في لساعه لقت نفسي مانمت الا عشر دقايق :44: تعبانه بس خفت انام

**** الحلم الثاني *****

حلمت اني نايمه في الغرفه اللي يجلسوا فيها زوجي وعيالي وانا بالفعل كنت نايمه فيها

وفي الحلم كانوا مجتمعين على سفرة الغدا ياكلون ويسولفون وانا انادي على زوجي بصوووووت عاااااااااالي

يقولي نعم وارجع اناديه لأني كان فيه مجموعه رجال وحريم يجروني بقووووه من ايدي وراسي بقووووه وسرعه

ماتتصورونها يسحبوني ويرجعوني مكاني وكأنهم يلعبوا فيني

جاني زوجي في الحلم قال شفيكي قلت خلك عندي قال معليش سلامات الحين اوديكي المستشفى

هذا كله في الحلم

ورجت وحده منهم جلست على بطني ... وعورتني ... وكأني حسيت كوره صغيره داخل بطني راحت على جنب

وأنا ماسكتها بيدي خايفه وكأنه حمل خايفه عليه

واصرخ اناااادي زوجي اصرخ وهي ماسكتلي السكين تقول ياااويلك تنادي مرررره ثانيه وكأنها موجه السكين لي

وأنا ماسكه سكين موجهته لها بس ماني قادره عليها لأني نايمه على ظهري

والحمدلله قمت

والله يابنات قمت بكيت جسمي كله مكسر وحطيت ايدي على بطني وكأني اتفقد شي لايروح مني :44:

رحت لزوجي وانا ابكي قلت له ليه مارديت على .. قال اناديتني

قلت له والله حلقي عورني اناديك وبالفعل قمت حلقي يحرقني والى الأن

أول مرررره أحلم هالأحلام الغررررررررررررريبه

يابنات ايش معناه

انا بدق على مفسر أحلام ان شاء الله

حكيت لزوجي قال لاتخافي هذا جاثوم بس لاتتقهوي وتنامي

بعدين قام هو نام والله ماكمل نص ساعه جاني يقولي قمت مكتوم حلمت حلم غريب

قلت له خير قال حلمت رجال وراي شكله غريب كانه جاي من الفضاء

ومسكته خنقته وصار جسمه كأنه كله رقبه

وقلت له انت منين جاي يقول زوجي هو قام يضحك ويقول انا جايكم من الفضاء

ويقول زوجي انا كنت قافل الغرفه على في الحلم عشان خايف عليكم

.... وحلم حلم ثاني

يقول حلمت اني قمت ادورك لقيتك وكأنك تعبانه وعلى يمينك ويسارك شبحين كبار

وقلت لك انتي ام غاده قلتي ايوه قال متأكده قلتي ايوه انا ام غاده

وجت اختي قالت له ايوه هي ام غاده انت ايش فيك ؟؟

مدري يااابنات ايش هالاحلام الله يستر

وربي يجعله خير

يابنات اللي حلمت احلام مشابهه وفسرت عند شيخ تقولى والله خايفه

تتوقعون انا حامل ؟؟ وتكون هذي تابعه ؟؟؟ أول مررره يصير معى كذا ؟؟؟؟

اسفه للإطاله

ربي يجعلكم من اهل الفردوس ويمتعكم بالصحه والذريه الصالحه