تعبت وانا احوس ومحتاجه مشورتكم ابي اصير تاجره شاطره ؟؟

السلام عليكم ورحمة الله وبركاته

اخواتي وحبيباتي عضوات المنتدى

محتاجه مشورتكم في موضوعي المهم جدا بالنسبة لي

انا تعبت وانا ابحث بالنت ومن خلال اشياء كثيره عن اني اشتغل بالتجاره بس للأسف ماينجح الموضوع معاي

وفي اخر شئ قررت اني اشتغل واركز في البازارات

بس المشكله اني هذا ثاني بازار لي واشتركت فيه باشغال يدويه

واليوم اول يوم لي

وكانت عباره عن اطواق وبكلات واقلام واساور وشموع و الحمدلله اشكالها حلوه مره وللأمانه اول مره اسوي هالشغلات وطبعا كمبتدئة يعتبر الشغل ممتاز

بس المشكله انا مدري وش اركز فيه بالضبط

يعني انا حابه يكون لي شئ معين اشتغل فيه ويناسبني ويناسب ميولي

اكثر شئ انا احبه وافهم فيه المكياج لكن المكياج صار مرررررررررررره كثير في البازارات ويخوف انه يخرب او يسيح او يتكسر وانا ماعندي راس مال كبير اشتغل فيه

ساعدووووووووووووووني تكفون وش اسوي ،، لازم ازيد دخلي محتاجه وربي دلني على هالبازارات

بس ابي يكون لي نشاط ثابت لي واشارك بكل بازار فيه ، بحيث انه ماتضيع البضاعه اللي شريتها واستخدمها في البازار الثاني ؟؟

علموني وش اسوي وشوروا علي

ماخاب من استشار فما بالكم انتم ماشاءالله عليكم

ـــــــــــــــــــــــــــــــــــــــــــــــــــــــــ

بإنتظار ردودكم لا حد يبخل علي ولو بفكره صغيره