ما حسالك ايش المحاولات اللي سويتيها لانك اكيد ماتركتي شي ماجربتيه
بس الظاهر الولد يستمتع بلفت الانظار
جربو اذا سوا شي غلط بالبيت تطنشوووه واذا سوا شي صح تجمعو حوله وسووله هيصه وفرحه
عشان يصير لفت الانظار بالشي الصح
ما حسالك ايش المحاولات اللي سويتيها لانك اكيد ماتركتي شي ماجربتيه
بس الظاهر الولد يستمتع بلفت...
له يعني غيرو معاملتكم معه بدل الضرب اجلسي معه
وكلميه أنتي وبوه حتى جدانه وعمانه وكل اللي حواله
لا يضربونه ياخذونه بالمسايس والتشجيع حاولي تسمعيه
كلام حلو يابطل ياحلو أنت قوي أنت احسن ولد وبعدين
عطيه نصيحه باسلوب حلو مثل حنا كلنا نحبك بس اذا تخرب نزعل منك ..ولا فيه هديه ولا العاب وحلاو ....
هذا طفل سهل تشكيله مو شغالين عليه ضرب كل العائله
الضرب هو اساس المشكله ...لان من اصله ماينفع معه
وصار يعاند ...
يعني شوفي حل غير الضرب ورحمو المسكين ...
انا سمعت وشفت حركات اولاد اشد من اللي يسويه
ولدك ولا احد مد يده عليهم يقولون يكبر وينسى ....
وبعد اعمارهم اكبر من ولدك ...
ناس ماعندها الا الضرب وناس تاركه الحبل على الغارب ...
جربي معها اسلوب الهديه خذيه ...قولي له اذا ماخربت
وسمعت كلامي اوديك لبو ريالين تاخذ اللي تبي
وطبقي كلامك اذا سمع كلامك وديه كلاها ابو ريالين ...
ولا اوديك السوق تلعب باالالعاب ...
ولا اشتري لك اللي تبي حلاو كيك ...
شوفي ايش اللي يحبه وجيبه له ولا سيديات العاب
أو جيبي له سيكل ولا ايبود يشغل وقته ولا بلاستيشن
والحين الاجهزه كثيره والعاب الاطفال الالكترونيه حلوه
وتسليه وتطلع الطاقه اللي فيه ...
وبعدين شكله ماحد يعطيه وجه ولا كان ماسوى هالحركات
اللي يفشون الكفرات كثير خاصه اذاكانت السياره داخل
البيت ...واللي يتفلون في الاكل بس يبيلهم واحد ينبهم
هذا صح وهذا غلط بدون ضرب وبعدين اذا تكرر يعاقب ..
بس اللي احسها قويه هو التبول على الاكل ؟؟؟؟
وأنتم السبب ؟؟؟
لانكم بالضرب وصلتوه للمرحله هذي ولا لو احتويتي ولدك
وحنيتي عليه ماصار كذا الله يسامحك انتي وابوه تربطونه
بالشمس علشان كفرات ؟؟؟
والله عورتي قلبي ونزلت دمعتي مو معقوله ام تسوي كذا
في ولدها الله لايبلانا ...اذا كان الابو قاسي لاتكوني مثله
هذا ولدك قطعه منك ...لاتعقدونه بالضرب وتجيبو له الامراض النفسيه ...
ارحمو المسكين وغيرو المعامله والتربيه تبي صبر مو كل شي يجي بالراحه ....
ويكون في معلومك انتي وأبوه ولدكم أمانه راح تسألون عنها مو تعذبونه ...وعذركم انه يخرب ....
اذا بتعاقبون عاقبوه بشي يناسب عمره مو تحطوه في الشمس ...حسبي الله ونعم الوكيل ...
ابسط حاجه احرميه من الروحه معاكم ....
وبعدين اسمعي اشرطه واقري عن التربه وكيفيه التعامل
مع الطفل العنيد ...اذكر فيه سيدي أسمه كيفيه التعامل
مع الطفل العنيد دوري عليه في التسجيلات الاسلاميه
وراح تستفيدين ...
وعندك النت سوي بحث وراح تلاقي اللي يفيدك من دروس
ومحاضرات ....واتركي الضرب احسن لك لانه بيعقد المشلكه ماراح يحلها ....
والله يصلحه ويخليه لكم ...وكثري من الدعاء له بالصلح ...
وبعدين ابحثي زين عن الاسباب اللي تخليه يخرب هل
هو الوحيد أو عندك غيره ؟؟ هل ترفضون طلباته ؟؟؟
تعاندونه ؟؟ تحرجونه ؟؟؟ تشتكون منه وهو يسمع ؟؟؟
ماتجلسون معه وتسمعون كلامه ؟؟؟
ومنها راح توصلين للحل اذا عرفتي السبب اللي يخليه يخرب ,,,بس طولي بالك عليه ...
وتذكري ناس محرومه تبي الطفال وانتي النعمه عندك
وتشكين منها ....
الله يعينا جميعا على التربيه ويصلح لنا ولكم أبنائنا ...