تعبت وراح أنفجر من أحس نفسي بنوته ولها مشاعر وأحاسيس اللي صاحية تدخل

السلام عليكم ورحمه الله وبركاته

أخواتي أنا ساكنه مع الوالدة الله يطول في عمرها وهي أبدا أبدا أبدا ما اعطتني الحب والحنان ولو تقربت منها كثير بس ما في فائدة والحمد لله على كل حال
تحب اختي اللي اصغر مني كثير وتخاف على مشاعرها وأختي بس تنافخ وتصارخ عليها وهي تحب الأرض الي تمشي عايها اختي
المهم طنشت كثير وقلت الحمد لله على كل حال
اذا وحدة من معارفنا انخطبت تقولي شوفي كيف حظ الناس اقولها قولي ماشاء الله
اذا وحدة من صديقاتي توظفت تقولي شوفي كيف حظ الناس اقولها قولي ماشاء الله
المهم هذا كله صابرة علية وصابرة على إستهزاءها فيني
المشكلة زوجت أخوي الكبير وسكنته في غرفة في البيت معانا وحرمة اخوي محترمه الصراحة
واخوي الله يهدية يوعدها بالبيت والى الان مانقلوا لبيت لوحدهم هو قالها نسكن عند اهلي الين ادبر لك بيت والصراحة اخوي مقتدر ولا خرج ولا فكر يخرج واشوف من حرمته انها راضية بس اكيد من ورانا زعلانه وانا ما الومها
المهم حرمه اخوية ما تطبخ ولا تشاركنا في الطبخ واذا طبخنا اكلت معانا
وانا ماعمري في حياتي قلت لها قومي اطبخي ولا شيء
بس امي من داخلها مقهورة مرة مرة من زوجه اخوي وحطت حرتها وزعلها فيني
وكل ماقامت امي في الصباح قمت سلمت عليها واصبح عليها في الصباح
على طول ومن غير سابق إنذار ((سوي لنا الغداء)) لي سنين وانا اكرف
وأمي وحرمه اخوي ما فيهم الى العافية جالسين في الصالة ويتضاحكون ويستنون متى ينتهي الغداء وتقولي امي اسرعي اختك جاية من المدرسة ولازم نغديها
الصراحة خلاص انفجرت ومقهورة بالحيل منهم
ونفسي ما اسوي شيء ويكون لي مكانتي انا كمان في البيت
أمي اذا حرمة اخوي بس جابت لها كاس موية
تقعد تقولها من كل قلبها الله يوفقك
كلمت امي وقلت لها حرام انا اطبخ وانتم لا
تقولي لا شغلة ولادراسة وجالسة في البيت اقعدي اطبخي
وزوجه أخوك ما نبغى نقولها شيء لا اطبخي ولا اتركي بكيفها ؟!!!
وانا ما اقدر اكلم حرمه اخوي لان مالي رأي عليها ولا ابغاها تعرف نقطة ضعفي اذا تزاعلت معاها قامت وما طبخت عشان امي تدعي علي؟؟؟!!!
قلت لها يمه بغى اسجل في دورة اتعلم مع الناس تقولي ايوة عشان تجلسين برى البيت وترجعين وتلاقين الغداء جاهز

حررررررررررررررررام ياناس والله تعبت
أماااااااااااااانه هذا حال
والله كل البنات الي اسألهم يقولون لي أمهاتنا يطبخون عننا وما يطبخون الى نادر

تعبت أماااااااااااااااانة قولوا لي ايش اسوي؟؟؟؟؟؟؟؟؟؟؟أبغى حل

فراغ العاطفة والكرف الي في البيت والظلم ؟؟تعبني ومطير النوم من عيوني؟؟؟

ايش رايكم أنا فكرت في الموضوع وقلت اتحداهم وهو إني يوم اطبخ ويوم لا ؟؟ وبكيف امي وحرمه اخوي اليوم الي ما اطبخ فية وحدة منهم تطبخ ؟؟ بس اخاف امي تدعي علي في اليوم الي ما طبخت فية؟