وسام الحزن @osam_alhzn

عضوة نشيطة

تعبت وربي

أهليييييين..... كيفكم حبايبي أول مره اكتب في هذا القسم وياليت تساعدوني ....

زوجي عنده إجازه وسافرنا لأهلنا وبنجلس أسبوع وعندنا زواج .... تخيلوا يابنات قبل نجي لديرة أهلنا وحنا عسل صح فيه شوي مشاكل بس بسيطه وبسرعه يحلها مايبغاها تطول ... لكن الغريب انه من اول مانجي هنا على طول مشاكل ورب البيت يابنات كل مانجي يااول ماناصل تصير مشكله او بعد مانجلس فتره يعني لازم المشاكل.............

اخرتها جينا الربوع اللي راح وكنا عسل ونضحك سوا ولافينا شي ونمت عند اهلي وجاء الخميس وأخذني ورحت مع خالتي (ام زوجي ) لاستراحه وبعد ماجا ياخذني بالليل جلس يهاوش يقول انتي ماغسلتي ملابسي وانت مهملتني قلت انا فيه ملابس قال مافيه وقام يهاوش وطبعا هو مايبغى يجيب معاه ملابس حاط له كم لبس فبيت اهله ويلبس منهم لاجينا... المهم قبل مانمشي بجيتا اللي قبل هذي غير ملابسه ومشينا على طول ماامداني اغسلهم .. قلتله ماامداني مشينا وقام يهاوش وهذا موعذر ومدري ايش وانا سكت وانا وربي عارفه انه فيه ملابس نظاف انا غاسلتهم بس لبس واحد هو اللي وصخ ...

المهم هذا الكلام وحنا بالسيارة على أساس بنام معاه ببيت أهله وبالاخير وصلني بيت أهلي قلت بتوديني بيت أهلي قال ايه قلت ليه قال بس انزلي قلت لا ابي اعرف ليش قال بس انزلي انا مابي اشوفك انتي قاهرتني ومهملتني قلت يعني وش بيصير لارحت الحين وغسلتهم قال لا انزلي وجلست لي شوي اقوله لا مابي وهو يهاوشني وبالاخير نزلت واخذت اغراضي وصبخت بالباب ...... دخلت لبيت أهلي لقيت باب المدخل مقفل ومامعي مفتاح وجوالي مايدق وحاولت اطق مافيه احد .........

وارجع ادق عليه واقوله اهلي ماهم فيه والباب مقفل قال يعني بتدبلين كبدي اليوم قلت خلاص خلني اجلس بالحوش ولاتجي واسكر واجلس شوي ويدق ويقول اطلعي واروح معاه ويجلس يهاوش واقوله انت وش فيك كل مانجي تنكد علي لازم تكبر السالفه تراها بسيطه ..... وجلست اهاوش وهو يهاوش واسكت انا وبعد ماوصلنا للبيت واروح للغرفه والقى ملابس نظاف قلت هذا وشو قال ضيق قلت وذا قال ضيق قلت وذا نظيف ويبي كوي يعني مافيه شي وصخ وهذا اللي وصخ اخر مافصخت قبل نمشي ........ ويبتلش مدري وش يقول ..؟؟ بالاخير قال وين ثيابي قلت كلهم ببيتنا هذولي ماادري انهم ضاقوا عليك ولاتقعد تهاوشني وتقول ماغسلتي ويهاوش ويرفع صوته وانا اخذ الملابس واطلع....

ولما صحينا من بكرا رحت العصر ازور اخته وبالليل قال بوديك لاهلك قلت لا مابي قال الا بتروحين ..انا سكت وبعد مانزلنا خالتي قلت انت وش فيك علي ماتبيني انام عندك اذا ماتبيني قولي ..؟؟ قال لا انا باخذ راحتي مابي ابتلش فيك بطلع وادخل على راحتي قلت لاقمنا ودني قال لا بطلع الصبح وماني موديك من الصبح انا انقهرت قلت انا ابيك وانت ماتبيني واجلس اصيح واقوله انت مدري وش يجيك لاجينا هنا قلبت علي وهو يقول لا انا باخذ راحتي روحي عند اهلك واستانسي قال انتي تقهرين روحك قلت لا انت اللي تقهرني وانزل من السياره وادخل بيت اهلي وانا متضايقه

وعقب ساعه يرجع يدق علي يقول ركدتي ارتحتي شفتي اهلك قلت اكيد برتاح لاشفت امي ومابي امي تعرف شي قال ايه استانسي واجلسي مع امك وانا ارد عليه بنفس شينه << طبعا اول مره يدق ويشوف خاطري والا كالعاده اصيح لين اشبع وهو مادرا عني

وهو يقاله بشوف خاطري

وربي مقهوره مقهووووره مادري ليه يقلب علي من نجي لاهلنا .......؟؟؟ كل مره يقول بوديك لاهلك اي شي يصير لوكان تافه على طول بوديك مابيك عندي مايبيني اناقشه على طول يعصب

طفشت وربي طفشت ابي اوقفه عند حده مولعبه انا عنده كل مره يقول بوديك لاهلك انا اخر مره طفشت منه قلت بقول لامي تكلمه تعبت منه بعدين قلت لا مابي امي تدري وهي معها ضغط وسكر وتشيل همي كافي اللي فيهااا

ياااااااااااااناااااااااااس عطوني حل ابي ارتاح من هالعيشه اللي عايشتها معاه ابي يكون لي راي لي كلمه ابي احط حد لتصرفاته معي ......... زوجي شمالي غربي للي يعرف بالانماط

يارب ساعدني يارب

يلزم عليك تسجيل الدخول أولًا لكتابة تعليق.

تسجيل دخول

من-غزة • 15 سنة

ربنا يفرج همك و يوفق بينك و بين زوجك

up

alfatena • 15 سنة

شكله اهله يحشووون راسه

والله يعلم الله يهديه لج

عذبة الاوصاف • 15 سنة

اللي قالت اهله يحشون راسة معليش بس لاتظلمين الناس..

والله حالة زوجك غريبة وهو مو يبي يطاق من كلامك شكلة مايبيك تجين تنومين عنده ببيت اهله يمكن قصدة نبعد فترة عن بعض عشان نشتاق لبعض يمكن يبي رجع حياة العزوبية بين فترة وفترة وبعدين هالشي حلو انك تبتعدون عن بعض لفترة عشان تشتاقون لبعض وياحبيبتي واذا قالك انزلي لاتنشبين ولا مانيب نازلة خذيها من ساهلها وانزلي وبعدين الرجال مثل الكورة شوتية يرجع لك<<كيف المثل بس ههههههههههههههه>>يعني قصدي تغلي علية المرة الثانية اذا رحتوا لاهلكم انتي اللي قولي له انا بروح لاهلي لاتحسسينة انك مرة تبينة وهو يهاوش فيك لاتغلي علية حسسية انك مو سهلة..

وطمنيني عاد تنجح معك الخطة او لا يالغلا..

ريومه 99 • 15 سنة

طيب اول ما تروحين عند اهلكم زوري اهل زوجك اول وشوفيهم وسلمي واطلع على بيت اهلك نامي عندهم

خليك عند اهلك احسن لك اهلك هم اهلك وغيرهم ما يجي من هم الا وجع الرأس

وكل يوم جهزي قهوه واتصلي على زوجك يمر اهلك ويتقهوى عندكم اذا كنت تبين تشوفينه

وامه كلميها كل يوم سلمي عليها عشان ما يقول انتي ما تبين اهله او اهله عشان ما يقولون ما تبينا زوجتك وينقلب عليك مره ثانيه

سموالاميرة البندري • 15 سنة

والله حالة عجيبة

في احتمالات كتيرة

ياما اهله مايبغوكي وقد لمحولو

ياما هو يبغى يغير جو ويشتاق لك

ياما يبغى يقعد مع اهله براحته ويتذكر ايام العزوبية>>>>>احتمال ماادري من وين طالع

بس انا برائيه

من قبل لا يقولك روحي بيت اهلك قولي ابغى اهلي ابغى اهلي

حسسيه انك ماتبغى تنزلي معاه واذا على اهله روحي معاه زيارة يوم من الايام

وقولي ابغى اهلي ابغى اهلي

يعني بيني انك ماتبغى تقعدي

مو تنقهري وتقولي ابغى اقعد

يمكن هو حاسس انك لصقة اعذريني على الكلمة

لانه يقولك انزلي وانتى تقولي لا استغفر الله

بما انه اتعووود على كدة

خلاص قبل لا يقولك اسبقيه عشان انتى كدة كدة هيقولك روحي

فاليش ماتغيري الموجة

والله يهديه