سمو2000 :

الله يرزقكم ويهنيكم بحياتكم ويعوضني ويعوضكم خير في هالدنيا والله ردودكم فرجت علي ضيقتي .. الله يوسعها عليكم ولا يسدها في وجيهكم يارب ولكل من دعتلي في قلبها يارب اسالك المغفره والرضى والعفاف والغنى لي ولكل المسلمات الصابرات على اذى ازواجهن أدري اني ما أخلى من العيوب ولا حتى زوجي يخلى من بعض الاشياء الطيبه مثل طيبته على عياله لكن اللي انا أسأل نفسي دايما هو ليش مفرط فيني .. إذا كان مهتم بعياله ليش ما يوفرلهم ويوفرلي حياة هادئه طبيعيه حياة يكون اساسها قوي مو بلحظه ممكن تنهد ؟؟ ليته يتعدل عشان عيالي مالهم ذنب أنا متنازله عن حقوقي بس عيالي ابيهم يتربون بعز ابوهم كنت افكر يتزوج ويخليني لحالي امس جاء للبيت ونام فيه بغرفة عياله واليوم صار نقاش بيني وبينه يقولي ما ارجع للبيت إلا انتي متعدله ولا اوديك بيت اهلك خلهم يأدبونك يحسب اني مضطهده في بيت اهلي ولا خايفه اروح عندهم عشان ما يذلوني إذا تطلقت فهمته ان عياله بيعيشون حياة مو طبيعيه ما فيها استقرار حياة من غير ابو ما تنفع كيف يتربون ؟؟ ما درى اني عايشه بعز في بيت اهلي ما بعده عز الحمدلله والله يخليهم لي ويخليلي امي اللي تناظر عيالي وتهتم فيهم واشياء كثيره ما تنذكر آخ بس الله يهديه ويسخره لعياله ولبيته وبالآخر لي اما ردك يا اخت لوسي والله انه اثلج صدري هو صحيح يمكن له فضل علي انه عطاني هالوردتين لكن الله يهديه ويسامحه وليت لي قلب يقدر يصبر ويحتسب والله اني انسى كل هذا مع الظروف التعبانه انشاء الله اقدر اجتهد في نفسي لعل الله يكتب لي في اولادي خير كثير لكن علموني كيف اغير من نفسي يعني ؟؟؟ يعني وشلون هل من شكلي وشخصيتي طيب كيف دلوني والله اني ما عندي سالفه بعض البنات الله يجزاهم خير قالولي غيري من فسك عشان هو يتغير الحين ما همني هو همنى انا ابغى اتغير طيب واذا جاء عندي يبي حقه الشرعي وانا عايفته وش المفروض اسوي دلوني تكفون مع اني مستبعده هذا الشي لكن اخاف ما ادري صرت اوسوس والله يجزاكم خير ويبارك لكم في ازواجكم واولادكم واهلكم

الله يرزقكم ويهنيكم بحياتكم ويعوضني ويعوضكم خير في هالدنيا والله ردودكم فرجت علي ضيقتي .....