تعبت وضميري مو مرتاح

بسم الله الرحمن الرحيم
خواتي انا بدخل بالموضوع سيدا لي مع زوجي تقريبا 6 سنوات طبعا اول 3 سنوات كنت مع اهله تمام بس بعد ماتزوج اخوه وحده قريبه لي تغيرو اهله وصرت اتضايق من حركاتهم وكلامهم في يوم من الايام حصل موقف لااخو زوجي والله خفت عليه واعتبرتو اخو لي طبعا قبل هالمشكله مرتو واهله منتفخين علي وحركات المهم حصل لو سالفه وانا خفت عليه ورحت عند المرور واطلب الرجال لو عشان يطلع من السالفه وقدر الله وتخلص من السالفه بعد المشكله تقريبا باااسبوع صار تجمع بيننا اهل زوجي واهلي وصار نقاش من ام زوجي وقالت امي يافلانه بنتي ماقصرت لاتضايقونه واعدلي بين حريم عيالك قالت امي هالكلمه وهي تنقز ام زوجي قامت تدعي وتخانق وانا ليتني مااخذتك والله لو تحملين مااهديك شي وزوجي قاعد قامت تلفظ عليه وتدعي على بنتي عساه ببنتك ومن هالكلام وقامت تصيح الي يقهر ان كل هالكلام مالله داعي وولده الي صارت له المشكله قبل بسبب زوجته وانا الي اركض معاه وزوجته مريحه ماهمه وهي خالتي ماتبي تضايقه المهم انا بعد هالكلام الي سمعت لاتجيني وتدعي علي رجلي وبنتي انقطعت عنهم تقريبا 3 شهور بنتي تسال تبيهم بس زوجي يروح لهم وهي الام ماتسال وش اخبار بنتك حصل موقف قدام زوجي وانقهر من تعامل اموه الزين لمرت اخوه طلع من البيت ودقت عليه قال ليش يمه انا ومرتي وش سوينا قالت هي منتفخه علي قال اي انتي قلتي لاتجيني المهم حصل نقاش قالت انت لاتجي وعساك ماتاصل وببنتك ان شاء الله المهم جاء زوجي منقهر هديتوه انا وسكت طبعا ميته قهر ماادري ليش اسوي خير القى شر قطعه زوجي تقريبا شهر والله ثم والله يوميا اللح عليه رح هذي امك لو تضربك رح وهو يقول ماقهرني انه تدعي علي كثر ماقهرتني يوم تدعي على بنتي وهديت الوضع وقدر ربي وراح ويوم راح بعد مده طويله دخل وجاء لمه ويبي يسلم عليه وهي تدفه قالت لاانت ولدي ولا ابي اسلم عليك وطلع زعلان
والى هاليوم يقول خلاص ماتبيني لاتغثيني اروح لمه طبعا هو من طلع عالدنيا وهي معاملته فرق بينوه وبين اخوه عشان كذا منقهر انا ماودي يقطع اموه ولا ودي بنتي اقطعه منهم بس وش اسوي والله مابيدي شي امشي بالطيب القى العكس عطني شوركن وش اسوي جزاكن الله خير