تعبت وعصبت على الدكتوره وخليتها وطلعت قولو لي الحل شنو؟

السلام عليكم


اليوم كان عندي موعد عند الدكتوره اللي اراجع عندها المهم طبعا انا رايحه غصب عني لان اخر مره قالي زوجي بس هل مره وبس نشوف شنو نتيجت الفحوصات اللي فاتت


طبعا رحت وانا ضايق خلقي


قالت لي كل السونارات والاشعه مالت الصبغه كله جيد جدا وماعندج اي مشكله تحملين


قالت بس ما اقدر اعطيج اي دوا لين تنزلين من وزنج على الاقل 25 كيلو


انا انصدمت قلت بعد هل تعب بالمستشفيات والفلوس اللي صرفناها بالاخير تقولي روحي نزلي وزنج وشكثر بياخذ مني تنزيل الوزن سنه او 6 شهور


انا تعبت بيني وبين نفسي والدكتوره تتكلم


اقول انا صبرت 4 سنوات والحين تقولي اصبري بعد ما اقدر اعطيج اي علاج او منشطات لين تنزلين وزنج


زين ليش انا اعرف اختي الاكبر مني كبيره بالعمر وعندها الضغط والسكر ووزنها 120 والدكتوره عطتها ادويه منشطه وابر وهي فيها ضغط وسكر


انا الحمدلله مافيني شي تقولي ما اعطيج


قهرتني والله قالت نزلي وزنج بعدين افكر اعطيج حبوب والله العظيم انه لاشعرويها عصبت عليها وقلت انا نطرت هل فتره والتحاليل والفراره بالمستشفيات بالاخير تقولين لي جذي خليتها وطلعت قمت ابجي زوجي لحقني


حاول يهديني شوي وردينا داخل عندها قالت لي ادري انج متضايقه بس بعطيج حبوب منشطه لمده 3 شهور تاخذينها بعد الدوره يعني 3 و4 و5 و6 يوم الدوره تاخذين الحبوب ويوم ال12 تجين اسوي لج سونار للبطن يمكن تنفع معاج الحبوب

زين دام من الاول جذي ليش ماعطتني من الاول والا بس تبي تحرق قلبي


والله انقهرت


ادري كل شي بيد رب العالمين


بس صج الدكاتره الحين يشلعون القلب


والحين يوم قعدت بيني وبين نفسي اقول الحبوب ممكن تاثر علي او على نفسيتي اكثر ما نفسيتي صايره صفر اخاف تزيدني هل حبوب؟


وهل ممكن هل حبوب تاثر على اذا حملت بعدين ؟


تكفون يابنات انا الحين بديره غريبه والله وحاولت ادش نادي بس قالو لي انتي مو من هل ديره
ماينفع


وفكرت الحين اشتري جهاز مشي


بس اللي عندها رجيم زين تقولي عليه بس ماياثر علي لانه فيني فقر دم


اللي مجربه رجيم زين وينزل الوزن عدل تقولي مع انه انا وزني صاير بس من تحت والا انا من فوق ضعيفه بس عندي الافخاذ والارداف شوي مضايقني اللي عندها رجيم حق هل منطقه لاتبخل علي



والله انا محتاجه بس تدعون لي


والله يرزق كل محروم من العيال امين يارب العالمين



لاتنسوني من دعائكم يابنات