بدون دش كثيرررر ابغى ادخل في الموضوع على طول
عمري 31 سنة .. عندي بنوته الله يحفظها ويبارك فيها عمرها سنة و 3 شهور
حملت ببنتي بعد تأخر ومعاناه .. ولله الحمد رب العالمين رزقني ببنتي الله يحفظها ويعطي كل من تتمنى
بعد الحمل حصل عندي مشاكل من ضمنها كسل شديد في الغدة الدرقية
باخذ ايثوركس 75 .. وزني زاد زيادة بشعه (83 كيلو دحين وقبل الحمل كنت 55) مع العلم اني قصيرة طولي 160
الحالة النفسية الآن احباط مستمر .. الثقة في النفس صارت صفر
كرهت التجمعات وصرت ما ابغى اخرج من البيت
اللي يشوفني بالصدفة يا يتحسر على جسمي اللي كان .. يا يقولولي انتي صرتي دبه ليه ويضحكوا .. يا بشوف نظرة شماته .. الله يهدي نفوسنا
المهم .. انا اخذت قرار اني بعون الله الرحيم الكريم ارجع زي ما كنت
وحددت لنفسي هدف .. بعد 6 شهور بإذن الله يارب يارب يارب ارجع اشوف عالميزان الـ 55 كيلو
مافي ريجيم محدد راح امشي عليه .. بس حاكل من أكل البيت ويكون صحي .. لا مقليات .. لا حلويات .. لا دهون مالها داعي .. شرب موية كثيررررر قد ما اقدر .. امشي نصف ساعة يومياً بإذن الله .. وهنا راح أكتب يومياتي بالتفصيل الممل ... ان شاء الله
دعواتكم لي أحقق هدفي .. اللي قريبة مني في الوزن والهدف والحالة :42: وحابة تشاركني الف اهلاً وسهلاً ياريت نشجع بعض .. انا بإذن الله مستمرة هنا إلى أن أصل للوزن اللي ابغاه .. ولما اوصله بإذن الرحمن راح أكتب موضوع خاص بتجربتي وافيد فيه البنات بالملخص قد مافيني
اللهم لا سهل إلا ما جعلته سهلاً وأنت تجعل الحزن إذا شئت سهلاً
ربي يسّر ولا تُعسّر .. ربي أتمم بالخير
اللهم ارزقني الإرادة والعافية .. واحفظني وبنتي وزوجي ومن أحب من شرور الناس والدنيا
بدأت ساعة الصفر ;) .. توكلت على الله
ماراح يكون لي ساعات معينة ادخل فيها المنتدى .. بدخل في اي وصت حسب الظروف .. واذا يوم راح اتغيب بخبركم قبلها .. ان شاء الله ما اغيب ولا يوم
ادعوووووولي امانة عليكم
رب العالمين ما بيضيع تعب ولا مجهود
يارب ارزقني العزيمة والإرادة يااااااااااااارب