السلام عليكم
يا جماعة شو هالجيل الي لا بيحترم لا صغير ولا كبير
ها ما حصل معي
اليوم بالحصة انا اروح مع المعلمة واشوف كيف تشرح واساعدها بالتصليح والشرح احيانا
اليوم البنات كانو كثير يستفزوني ويعملو حركات وانا مطنشتهم ولما اجيت اصلح دفاترهم مع معلمتهم مجموعه منهم صارو يقولو بدناش تصلحيلنا وانا طنشتهم وقلتلهم مش ضروري اصلحهم لانو ما حيأثرو علي وكملت تصليح لباقي البنات شفت بنت ضعيفة وحاولت افهمها الدرس وفهمته الحمدلله صارو يستفزوني ويقولو يا مس فهمينا طيب شو افهمهن مش عارفه ولعلمكم من ضمنهم الاولى ع صفها وكلهن فاهمات الدرس بس هيك بدهن يتسلن وانا اقسم بالله مطنشتهن وما حبيت اعمل اي شي معهن مش خوف منهن او لاني ما اقدر اصدهن بس احترام لمعلمتهن الي هي كانت معلمتي ولليوم تمدح باخلاقي وذكائي وشطارتي معها ومع غيرها .
عنجد اليوم ع شوي كنت رح انفجر فيهن بنص الحصة بس ظليت اصبر بنفسي واقول معلش خليهن يعملن شو ما بدهن واحترمي معلمتك واسكتي .
المشكلة ما سكتو ولما رن الجرس وكنا بنطلع انا بصراحة كنت انتظر برنة الجرس بدي اطلع مش مستحملة هالصف وطلعت قبل معلمتهم فلحقوني وصارو يحكو بتحبينا يا مس وكلام مدري ما سمعت لاني مو قادرة اتحمل اي كلمة منهن ولماا لحقتنا معلمتهن صارو يقولو قدامها يا مس عني حبيناك واشرحيلنا انتي
لما تركناهم ورحنا لغرفة المعلمات معلمتهم بتقولي البنات حبوك وبدي تشرحيلهم درس . وانا ما حكيتلها عن الي عملو لاني اكره حد يتعاقب بسببي او اني اكون سبب في ايذاء احد وانا بعرف قوة المديرة وانها رح تفصلهن .
وهذه قصتي اليوم مع صف خامس ابتدائي
شو اعمل؟
ولو كنتي مكاني شو عملتي؟
وهذا ما حصل مع معلمة اللغة الانجليزية بالصف الثامن
معلمة الانجليزي هذه كثير محترمة وتحب البنات ما احكي لانها زميلتي هي كانت معلمتي بيوم من الايام واعرفها واعرف كيفية تعاملها واحترامها لطالباتها
الي صار كانت تصلح دفاتر البنات ع سؤال طلبت يحلو بالحصة وهي تصلح شافت بنت حاله بحبر احمر وهو عندنا بالمدرسة ممنوع الحل بالحبر الاحمر او غيره الحل بقلم رصاص او بحبر ازرق وبس هذا قانون المدرسة فالمعلمة قالت للبنت ارجعي حلي بلون ثاني مش احمر يعني حتى سهلت عليها وما لزمتها بالقانون الحبر الازرق او قلم رصاص قامت البنت قالتلها ما بدي احله وبدك تصلحيه المعلمة قالتهلها ما رح اصلحه وبلاش تحلي ردت البنت عليها بكل وقاحة وقالت طيب بكرة باعرف شو اقول للمديرة عنك يعني تهدد المعلمة قدام البنات ردت عليها المعلمة وقالت والله ما بعرف انك بتكتبي تقارير فينا احنا المعلمات رح احكي للمعلمات باخذو حذرهم مدامك بتكتبي فينا تقارير البنت خافة وصارت تترجاها ما تحكي للمعلمات عن الي صار.
وهذا الي صار مع معلمة مساند اللغه العربية
معلمة المساند هي معلمة تساعد المعلمة الاساسية للمادة وتشرح للطالبات الضعيفات
والمعلمة بصراحة انا ما اعرفها كثير لاني جديدة وهي كمان وما نلتقي كثير بس الي باين عليها انها محترمة
الي صار في معلمة كانت غايبة والمديرة طلبت منها تروح على هالصف وتعطيهم حصة مساند عربي لكل الصف هي راحت عادي وكانت محضرة ومجهزة كل شي بتحتاجه ولما كتبت المثال كان فيه عن جمع المذكر والمثال في كلمة محمدان البنات الشاطرات صارو يتفلسفو ويقولو ييي المثال غلط والمعلمة قالتلهن لا هذا موجود بكتابكو ردو عليها بوقاحة وقالو مش مكتوب والمثال غلط قالتلهم طيب يا حبيباتي خلونا نشرح الدرس ونشوف اذا غلط بنصلحه ما اقتنعو وطلبت منهم اسماء مذكر حتى يشرحو الدرس ويكملو صارن يعطنها اسمائهن ويطلبن منها معنى اسمهن وجمعه ووحده منهن قالتلها شو معنى اسمي بدك تحكيلي ردت المعلمة بادب وقالتلها يا حبيبتي بتردي اسمك لاصله الثلاثي وبتفتحي المعجم وبتشوفي >كان هدفها البنت تعرف معنى اسمها وما تنساه وكمان هم اخذو كيف يستخدمو المعجم فكانت بدها اياها تطبق الي اخذته<<
ردت عليها البنت بوقاحة وقالت من حق الطالب يسال اي سؤال ومن حقك تجاوبيه وزعلت وطبعا الصوت بالمدرسة صار عالي وراحت عليهم المديرة صارت البنت تقول المعلمة عاقبتني بدون سبب وانها غلطت عليها لما سالت المديرة البنات عن الي صار >>طبعا مش من حقها تسال البنات قبل المعلمة لكن المديرة عارفه البنات وعارفه المعلمة وكانت بدها هن يطلعن الي عندهن حتى تعاقبهن من نفس كلامهن وما يسببن للمعلمة اي احراج <<وحكن الي صار بالزبط زي ما قلتلكو وبالاخير بدهن الحق الهن والمعلمة غلطانه طبعا المديرة تصرفت بالموضوع والمعلمات بغرفة المعلمات هدن هذه المعلمة وحاولن يحسنن مزاجها بعد الي صار ويخلنها تنسى الموضوع.
هذا جزء من الي يصير معنا
0حلا0 @0hla0
عضوة فعالة
يلزم عليك تسجيل الدخول أولًا لكتابة تعليق.
الله يوفقك ويسهلك امرك في هذا المدرسه وكمان صاروا الصغار يستفزوا المعلمات
وخير عملتي في تهدي نفسك و مواصله ال*** الى وقت الانتهى واذا بدرسيهم فهميهم قد ايه انتي زعلان منهم ولكن الافضل
طنشيهم وحاولي تكوني صارمه معهم في حصتك وبالتووفيق
وخير عملتي في تهدي نفسك و مواصله ال*** الى وقت الانتهى واذا بدرسيهم فهميهم قد ايه انتي زعلان منهم ولكن الافضل
طنشيهم وحاولي تكوني صارمه معهم في حصتك وبالتووفيق
0حلا0
•
امين يارب
المدرسة منيحة والمعلمات علموني وكثير كويسات ويساعدوني كثير والمديرة كمان كثير كثير منيحة بس البنات يستفزون الكل وحتى معلماتهم ما بيتحملوهن وكل يوم بهالمدرسة قصة مع صف من الصفوف او بنت وكل معلمة تدخل بالخمس دقايق بين الحصص لازم تشكي من هالبنات
المدرسة منيحة والمعلمات علموني وكثير كويسات ويساعدوني كثير والمديرة كمان كثير كثير منيحة بس البنات يستفزون الكل وحتى معلماتهم ما بيتحملوهن وكل يوم بهالمدرسة قصة مع صف من الصفوف او بنت وكل معلمة تدخل بالخمس دقايق بين الحصص لازم تشكي من هالبنات
كيدااهم
•
يااختي خامس ابتدائي ايش يعرفو في حركات الكيد ؟؟؟
يمكن هما جريئات حبيتين بس هذا جيل الالفين اعتبريه طيش طفولة هم غير واعيات و غير موؤهلات للتعامل بجدية و احسن شي انك ماصغرتي عقلك وحطيتي راسك براسهم
بالعكس خديهم ع قد عقلهم و جاريهم ولا تنقهري ولا اي حاجة اللي صار لك شي عااااادي جدا في مجال التدريس ويمكن هم فعلا حبوك بس ماعرفو يبينو لك حبهم لسه اطفال عشان كده انا راح استبعد تماما ان قصدهم يقهروك
الملعمة مو بس دورها تعطي الدرس لا حتى التربية فمادام انها اختارت التدريس لازم تستحمل المتربي و اللي غير متربي تربيه
اتمنى من الدول العربية ان يعتمدوا الاساليب الحديثة في التدريس و التعامل و العقاب ايضا
الله يوفقك في مسيرتك
يمكن هما جريئات حبيتين بس هذا جيل الالفين اعتبريه طيش طفولة هم غير واعيات و غير موؤهلات للتعامل بجدية و احسن شي انك ماصغرتي عقلك وحطيتي راسك براسهم
بالعكس خديهم ع قد عقلهم و جاريهم ولا تنقهري ولا اي حاجة اللي صار لك شي عااااادي جدا في مجال التدريس ويمكن هم فعلا حبوك بس ماعرفو يبينو لك حبهم لسه اطفال عشان كده انا راح استبعد تماما ان قصدهم يقهروك
الملعمة مو بس دورها تعطي الدرس لا حتى التربية فمادام انها اختارت التدريس لازم تستحمل المتربي و اللي غير متربي تربيه
اتمنى من الدول العربية ان يعتمدوا الاساليب الحديثة في التدريس و التعامل و العقاب ايضا
الله يوفقك في مسيرتك
0حلا0
•
والله ادري بكل كلامك بس هم فعلا قصدهم يستفزوني
صحيح تقولي صغار بس لا هم واعين وبيفهمو اكثر منا
وهذه مش المرة الاولى وانا دائما اطنشهم
ابالامس وحده فيهم استفزتني كثير واقسم بالله مطنشة كل شي عملتو وضربت اختي قدامي اول مرة وسكتت واختي ما كانت عاملتلها شي اصلا ما تعرفها وما اكتفت بهالشي رجعت كمان مرة ضربتها وقدامي يعني ع الاقل تحترم انو معلمتها قدامها وانا ما ظل عندي صبر لحظتها لانو كل شي ممكن اتحمله الا خواتي مسكت يدها والله ما ضربتها ولا عاقبتها ولا عملت شي غير اني حكيتلها كل شي باسمحلك تعملي واسكت عليه واطنشه الا خواتي خواتي خط احمر لا تمدي ايدك والا وما كملت وسحبت حالي واخذت اختي ومشيت
لليوم بنات صفها للبنت ومعلمتها ما بيعرفو ما حكيت شي وما بدي احكي ما بدي تتعاقب
ما بعرف يمكن لازم اغير تصرفاتي معهن واقلب معلمة نكدية ما تضحك وتجبرهن على الدراسة وتخليهن يخافن منها من بعيد
صحيح تقولي صغار بس لا هم واعين وبيفهمو اكثر منا
وهذه مش المرة الاولى وانا دائما اطنشهم
ابالامس وحده فيهم استفزتني كثير واقسم بالله مطنشة كل شي عملتو وضربت اختي قدامي اول مرة وسكتت واختي ما كانت عاملتلها شي اصلا ما تعرفها وما اكتفت بهالشي رجعت كمان مرة ضربتها وقدامي يعني ع الاقل تحترم انو معلمتها قدامها وانا ما ظل عندي صبر لحظتها لانو كل شي ممكن اتحمله الا خواتي مسكت يدها والله ما ضربتها ولا عاقبتها ولا عملت شي غير اني حكيتلها كل شي باسمحلك تعملي واسكت عليه واطنشه الا خواتي خواتي خط احمر لا تمدي ايدك والا وما كملت وسحبت حالي واخذت اختي ومشيت
لليوم بنات صفها للبنت ومعلمتها ما بيعرفو ما حكيت شي وما بدي احكي ما بدي تتعاقب
ما بعرف يمكن لازم اغير تصرفاتي معهن واقلب معلمة نكدية ما تضحك وتجبرهن على الدراسة وتخليهن يخافن منها من بعيد
الصفحة الأخيرة
وخير عملتي في تهدي نفسك و مواصله ال*** الى وقت الانتهى واذا بدرسيهم فهميهم قد ايه انتي زعلان منهم ولكن الافضل
طنشيهم وحاولي تكوني صارمه معهم في حصتك وبالتووفيق