تعبت ومرارتي انفقعت.. تعالو دلوني على حل!!! //قديم

مرحبا بنات كيفكم
انا نزلت موضوع من فترة عن تعليم الحمام للاطفال وتناقشنا بالطرق المفيدة والعمر المناسب للبدء

وانا بدأت مع ابني من شهر تقريبا لاني حامل وابغاه ينضف قبل ما اولد عشان ارتاااااح

ابني عمره سنتين وشهرين تقريبا
ومن شهر بدأت معاه بموضوع الحمام
والتحسن الوحيد انه لمن يسويها بالكلوت يجي يقولي ماما حمام
وللا غير كدة ما يقول
واوقات اكتشفها صدفة واوديه اغير له بالحمام

ومرة جا قالي ماما حمام ووديته وسواها بالحمام وهذه المرة اليتيمة
حتقولو لي انتي وديه كل شوي!!
ادويه كل نص ساعة ... وبعدين صار يمسك نفسه الين كل ساعة
بس صار لمن اوديه ما يسويها (مع انه مرات كان يسويها في الحمام) ولمن يطلع من الحمام دقيقتين ويعملها في الكلوت

انا تعبت يابنات
مو لشيء
بس لاني حامل في السابع والثقل تعبني
غير اني انحني عشان اشلحه والبسه واحمله عشان اجلسه عالكرسي
حاسة ظهري خلااااااص

استخدمنا كل طرق الترغيب والالهاء والتشجيع ولا زلنا....بس مافي تحسن كبير في الحاله!!

لاتقولوا لي بداتي بدري... ظروفي اضطرتني
بس انا استخدم له الكلوتات اللي من برة نايلون ومن جوا زي المنشفة
فكرت اغيرها والبسه الكلوتات العادية
عشان لمن يسويها يقرف من نفسه اكثر... بس انا اللي حاتعب في التنظيف وتمسيح الارضيات وانحني اكثر!!!

اليوم مسك نفسه اربع ساعات ونص وجاب لي العصبي كل ما اوديه ما يسويها
بس لمن تعبت من الروحة عالحمام وقلت بريح شوية وادويه سواها!!!!!!


انصحوني... العيد جاي وما ابغا بهدلة الحمام هذه
ولا ابغى ارجع له الحفاظة لانه اكبر غلط
بس ايش الحل؟؟؟