تعبت وودي افضفض😢

السلام عليكم
كيفكم عساكم بخير حسيت نفسي مخنوقه وقلت افضفض لكم لان ماعندي صديقات وماحب اتكلم مع اهلي بمثل هالموضوع
بداية كانت حياتي رائعه بمعنى الكلمه وزوجي كان انسان رائع اطفالي هادين بيتي نظيف ومرتب وصحيح لما مرضت قبل 7سنوات اهملت كل شي لكن لما اخذت العلاج تحسنت ورغم ان مشاعري تبلدت لكن كنت مهتمه باطفالي وبيتي ولدت قبل سنتين وجبت تؤم صحيح تعبت وقصرت بالبيت ومع زوجي واولادي لكن كان زوجي متفهم ومتعاون لاقصى درجه بعد ماولدت رجعت اهتم بالبيت وباطفالي وبرضه اطفالي مازالوا هادين لكن من فتره قصيره تقريبا من سنه مدري وش حصل انقلبوا اطفالي صاروا شي ثاني ازعاج مضاربات طول اليوم بيتي مهما سويت مالحق واحسه مايترتب ابد اطفالي عنيدين جدا بعد ماكنت اذاكر لهم بنفسي تركتهم ولو مازوجي يقول انا بطلع شوفي وش عندهم من واجبات كان ماطالعت فيهم صرت ماحب اذاكر لهم خير شر وبناتي الصغار قصه ثانيه انواع الازعاج والعبث اطلعهم من مكان القاهم راحوا مكان ثاني واول كل ماجانا ضيوف يقولون اولادك هادين الحين صار العكس اشيل هم واتفشل لما يجينا احد لان عارفه المسرحيه اللي راح تحصل
اما زوجي فصار شوي شوي ينسحب يعني كان لما بيجينا ضيوف انا امسك حاجه وهو حاجه وكنت ماشيل هم يعني انا اسوي قهوه هو يكنس او يمسح او يرتب واحيانا لما يكون عشى يقطع معي البصل والطماط وبعدين صار يمسك الصغار عني لما يشوفني عندي شغل الان صار يدخل المجلس ويطردهم ويقفل الباب وكل شي على راسي اول لما يروحون الناس من عندنا ويشوفني تعبانه يسوي لي مساج الان حتى كلمات الثناء اللي كنت اسمعها منه صارت شحيحه مره كان على كل وجبه لازم كلمة تسلم يدينك يعطيك العافيه الان ولا كلمه
حتى انا اعترف اني اهملته بسبب تبلد المشاعر اللي احس فيه وبسبب الاطفال اللي صاروا مانجلس على اكل الا يخبصون ويصارخون ولما نطلع مشوار ينكدونه علينا وانا استسلمت احس اني ماني قادره اسيطر على الوضع ليش تغير الوضع مدري يعني كله بسبب بناتي التؤم لان قبل يكبرون كنا نعيش هدوء والبيت نظيف ومرتب على الاقل
لكن حتى اطفالي الكبار بنت8سنوات ونص وولد7سنوات كانوا من وهم صغار مرتبين مايرمون شي بالارض ابد ولعبهم بهدوء وملابسهم تجلس 3ايام اغيرها وهي نظيفه مافيها ولا بقعه من سنه تغير وضعهم ياكلون ويرمون بالارض ولازم وراهم شيلوا ارموا غرفتهم ارتبها اوصل المطبخ وارجع القاها حوسه فيهم عناد غير طبيعي بنتي اول من اناديها القاها عندي الان تسمعني وتطنشني وصارت تتكلم علي اذا هاوشتها واحسها تندم لكن غصب عنها
والولد لما اخاصمه يتكلم علي ويستهزاء فيني ويضربني
لما اقولهم نظفوا غرفتكم مستحيل ينظفونها اي طلب اطلبه مستحيل ينفذونه بسرعه لازم اكرر واكرر واحيانا اسلمي امري لله واسويه بنفسي
هذا غيضآ من فيض لو بكتب ماتكفيني ولا 100صفحه
اعتبروها مجرد فضفضه وادعوا ان الله يشفيني ويهدي اولادي ويصلحهم وترجع حياتي مثل قبل