تعبت و ضاقت فيني

السلام عليكم
مساء الخير
كتبت موضوع قبل و وجهت لكم كم سؤال عشان أعرف آرائكم قبل ما أكتب سالفتيكنت متوقعه ألقى إجابات أكثر بس عموماً أشكر اللي ردوا ما قصرتمسبب كتابتي للموضوع حالي مع أهلي من زمان و للحينبيوم كنت شابه قويه و بصحتي و بلحظه فقدتها للأسف 💔من هاللحظه انقلبت حياتي رأساً على عقب زي ما يقولونشفت تغيرات المجتمع و تخلي الصديقات و شفقة الكل و ضحكاتهم و سمعت ياما همز و لمز كل هذا خلاني أنعزل و أعتزل جماعتي خاصة لأن أكثر الأذى منهم سواءً قرايبي أو غيرهم ، بس اللي ما خطر ببالي بيوم و لمدة سنوات إن أهلي ينظرون لي نفس نظرة المجتمع !!كنت أشفق ع المريضات اللي أعرفهم و أقول بخاطري لا الحمد لله أهلي غير واعين و فاهمين بس مع الوقت شفت و سمعت ياما و عرفت إنهم ما يفرقون عن الناس و هنا كانت الصدمه الأولى و الأكبر ليش ؟ لأن مواقفهم تبين جداً إنهم شايفيني ما أقدر و لا أنفع لشي لا وظيفه و لا زواج و لا خلفه ! رغم إن أشد مني مرض عادي اشتغلوا و تزوجوا و خلفوا و عايشين حياه مستقره و شفتهم بعيني و أعرفهم و رغم إنهم شايفيني كيف معتمده ع نفسي و فوقها أساعد الكل و بعقلي الحمد لله و ما ينقنصي شيمرت السنوات و مر عمري و زاد الإيذاء بالكلام و النظرات و التعليقات ..... الخكنت ساكته و أعاني لوحدي و لا أبين أبلع كل اللي يصير لي برا البيت و أدخله و فيني إحباط و ألم الدنيا و لا أقدر أتكلمأحلامي احتياجي وحدتي كنت أدفن راسي بالمخده كل مره و أنزلها دموع عسى تطلع من قلبي و ارتاحياما قضيت الليل كله متضايقه و أبكي و خواتي يفكروني نايمه تعبت من كل شي و فاض بي بعد وفاة أمي الله يرحمهالقيت قلبي قبل وقتي فاضي ، فجأه ماتت و فجأه فقدت كل المشاعر و الاهتمام و لقيت ما لوجودي بالحياه أي معنىصرت أقضي أكثر وقتي بالغرفه ، تعودت ع الصمت أكثر و صرت كتومه أكثر لأني ما ألقى اللي يكلمني و لا يسمعني رغم عددنا الكبيرصحيح الحياه تغيرت جداً بعد أبوي الله يرحمه بس بعد أمي صارت ما تحتمل أبداًمعلومه صغيره أحب ألفت نظركم لها لا نطلع و لا نسافرو لا نروح و لا نجيحدنا بيوت خواتي و السوق و المستشفى و ناااااادر نزاور أحد أو أحد يزورناو أعرف إن هذا بعد من أسباب سوء الحياه من و إلىتعامل أهلي دمرني و ما زال مع كل موقف و كل نظره و كلمه و إن كنت للحين أرد و أتظاهر بالقوه بس توجعني بقلبيصرت أشوف كيف يسعون لتزويج أختي المريضه نفسياً و اللي يعد مرضها من أخطر ثلاثه أمراض نفسيه بس لأنه شي مو ظاهر و أتجاهلو أشوف كيف يسعون لتزويج بنات خواتي اللي لا طباع زينه و لا عوائل تشرف و أغص وأبلع لحد قبل سنتين تقريباً شفت الإصرار الشديد لوحده من خواتي ع تزويج بنت أختي الثانيه اللي الفرق بيني و بينها عشر سنين بس عادي ما اهتميت رغم إنها ظلت تصر و البنت مو مقتنعه و مرت الأيام لحد ما انخطبت البنت لنفس الشخص اللي جايبته لها أختي و تم الأمر و تزوجتعشان محد يفهمني خطأ أنا مو ع الزواج نفسه عالسعي و الإصرار الفظيع سنتين لحد ما تممت اللي تبيطيب أنا بعمرها و أصغر كنت بصحتي و أقوى منها بس ما اهتمت لي أختي ذي و لا غيرهاطيب ليش الكل متجاهل إني بشر و مو شايفني لو بطرف عيونهم و هذي تسعى لبنت ذي و ذي نسعى لبنت الثانيه و هذا يشوف لهذي وذي و أنا محد معتبرني إلا جماد !!ليش مكاني بيت أبوي و التحفيظ و الحاجه للأخ و عياله و الأخت و عيالها و الذله ؟كم بقى عشان أقدر أكون أسره و أكون أم و أربي ؟ليش فلانه شينة مظهر و طبع وأهلها رفعوها و لا وصلت عشرين إلا و هي متزوجه بسعي أخوها أو أختها و فلانه مريضه و ما وصلت عمري إلا معيّله بسعي أبوها و فلانه أبوها أو أخوها مدمن و ما وصلت عمري إلا ببيتها بسعي خالتها و أنا كأن فيني مرض معجز أو معدي أو مشوهني و أولها بعيون خواتي و أخوي اللي مو شايفين إني أقدر أو أنفع لشي ؟!مدري وش أكتب بعد بس يكفي ظلم يا مجتمع يكفي ظلم لنا كمريضات مو كل مرض يورث و لا كل ضعف يعجز اتقوا الله فينا اتقوا الله بمشاعرنا و حاجتنا اللي ما ندري وين نوديها و لا كيف نعيش معها من ظلمكمحسبي الله على كل من نشر فكرة إن المريضه ما تقدرتكون زوجه و أمحسبي الله على كل من نظر لنا هالنظره و أولهم أهليحسبي الله على كل من كان سبب لمرض مسلم يلقاها بنفسه و بعياله عاجل غير آجل