تعبت يازوجي تعبت

ياختي انتي تتعبين نفسك و تخربين حياتك بيديك كل الرجال كذا الا من هدى ربي
لا تفتحين الموضوع معه ابد
و ريح بالك من الهواش ووجع الراس الله يسخركم لبعض
و ادعي له

ياحبيبت قلبي اولا ابعدي الشيطــــــــــــــــــان عن راسك وتعوذي منه انا والله ما الومك ينعصر قلبك عليه بس الشكو على الله الوحده منا ما تبي شريكه بحياتها لو كان ظلها بس عاد تكفين حاولي تتغاضين ولا تواجهينه هو من نفسه بيمل ويتعب من هالحركات وصدقيني بدعيلك الله يسخر لك زوجك سخرت العبد لسيده

الله يعينك

الله يعينك اختى واكثر الرجال كذاء بس حللوللى تلمحين له من بعيد مثلا قصه واحد صار عليه حاادث ولمن جوء يدقون ع الاقاارب من جواله وبعد مادقوا ع اهله اعطوا الجوال اخته مثلا او امه او ابوه عاد انتى الفى شاااف هالخرابييييط الصورر تخيل كيف بعد ماشاافوه اش حتكوم فكرتهم عنك او شىء من هالقبيل وعليك بالدعاء امامه دايم اسمع زوجى اقول له الله يبعد عنك اولاد وبنات الحرام ...

بسم الله الرحمن الرحيم

انا بصراحة معرف شقولل لج بس بقوللج نقطة
اولا انتي تحنين وتزنين على زوجج لانه يجوف صور بنات و يعني تبينه لانج انتي تحنين عليه يسمع كلامج ويودرر الصور يا اختي افهميني اذا هو ما خاف من ربه اللي أكبر مني ومنج ومننا كلنا وماترك لاجله الصور يعني بيتركها لاجلج بصراحه اقوللج انا الكلام من غير كجاملات وعقلانية اكثر عمره اللي ماخاف من ربه مابيخاف من زوجته يترك لاجلها صور اباحية الا اذا كان من نفسه يخاف الله ومايبي عشان مايعصي الله سبحانه وتعالى يا اختي الشباب يبون صور البنات والحريم و الحرمة فتنة اصلا هوو اصلا ما يخاف من ربه بيخاف منج؟ مستحيل مستحيييل اذا تبين شي تنصحينه فيه مب بليش خنتني هو مايجوفها خيانة حتى يمكن تفكير بعض الشباب عقيم بس يقول كيف خنتج ومارحت معاها وهاذي فلسفة زايدة و كلام زايد وفلسفة وكلام فاضييييييييييي بس ذكريه انه هالشي حرام و مابقوللج اطلبي الطلاق وعمري مابي اهدم بيت احد واتحمل مسؤولية كلامي يوم القيامة واكون سبب في التفريق لان الطلاق مب كلمة سهلة انصحها لاحد الا اذا شي شخصي فيني انا اتحمله عادي بس انصحج انا اتطلقي منه والا اتركيه مقدر بس بقوللج كلام بغض النظر عن كل شي اذا انه مايخاف ربه ليش تحرقين دمج عليه جاف ما جاف وانتي شو بينقص منج يعني بصراحه اقوللج انا مب متزوجه ومعررف اذا استمرارج وياه زين او مب زين بس من رايي اقوللج بس هالكلمتين الحين حسبالج البنات اللي جافهم بيتزوجهم مثلا و الا بياخذهم على راسج وليش معورة راسج اختي اعتبريه انه عصى ربه وهالشي بينه وبين ربه انتي ليش تتعبين نفسيتج وجاف وما جاف ولكن بقوللج فالحقيقة من طرف ثاني الموضوع ماينسكت عنه انتبهي انتبهي اذا هذا موضوع صور بس ماتطور بس الخوف انه يتطور فما ادري الصراحه ولكن واجهيه خليه يدري ان عندج الرقم السري ليش هو شو بقى تجوفينه وشو ما بقى اكثر بعد خربانة خربانة على قولتهم ذكريه بعقوبة الشي هاذا وان الشيطان يستدرج الانسان خطوة بخطوة لان صراحه كثير الي هاذي بس نقطة بدايتهم و بعدين يطيحون في اللي اكبر عن الصور و هو الحرام وبعدين بخبرج نقطة تريح بالج ان شاء الله شوية يعني ترى على فكرة مفروض تقولين الحمد لله لاني فالسعودية ماعندنا مفاصيخ مثل بعض البلدان الثانية ما شاء الله برع احتشام و جي خلاص احمدي ربج من هالناحية وارتاحي نفسيا ولكن بعد انصحج بالمواجهة بقوة وكل ثقة بلا خوف من كيف عرفتي الرمز السري هذا شي راجع لج ومحد بيقتل حد اكيد صح والا لاء وسلامتج يا اختي مع خالص احترامي و تقديري