rahm :

جاااااااتني فترة مثلك بالضبط ,, يوم كنت في الثانوية العامة كنت أضغط على نفسي وصار عندي توتر فظيييييييييييييع أدى إلى تأتأة شديييييييييييدة في الكلام... عشااااااان كذا صرت أدعي في سجودي دعاء هذا نصه : ( اللهم ثبتني في الكلام وثبتني عند السؤال في القبر)... ويمكن تستغربيييييييين ليش قرنت الكلام بسؤال القبر,, لكن لأني كنت أخاف التأتأة هذي أصاب بها في القبر وماأعرف أجااااااوب على الاسئلة الثلاثة... ووالله العظيم إنه خلال أسبوع على ماأظن ربي كتب لي العافية,, ولااحتجت أروح لدكتور أو شيء... بس بصراااااااااحة إنتي شكله حالتك طووووولت عشان كذا والله العالم يلزمك طبييييييب... حبيبتي حطي في بالك دااااااااايم إنه مافي شيء مستحيل على ربنا,, وإن مشكلة التأتأة ماهي مرض هي مشششششششكلة فقط,, ويمكن علاجها بأبسط مايكون بإذن الله... لكن إنتي خذي بالاسباب مثل العلاج والدعاء وقراءة القران باستمرار وتوكلي على الله وراااااح تتعااااااااافين بإذن الله... وعلى سبيل المثال: وحدة من صاحباتي في الجامعة ماتقدر تقول جملة كاااااملة إلا وفيها أكثر من 5 مرات تأتأة!! لكن سبحااااان الله محبووووووبة من البنات كللللللهم,, وفوق هذا ربي معطيها جمال ماشاء الله وفرفووووووشية.... والترم إللي راح كااانت خطوبتها ماشاء الله.... شفتي ربي يأخذ من الانسااااااان شيء لكنه يعوضه بأشياااااااااااااااااء.... واللهم يكتب لك العافية عاااااااااجلا غير آآآآآآجل...

جاااااااتني فترة مثلك بالضبط ,, يوم كنت في الثانوية العامة كنت أضغط على نفسي وصار عندي توتر...

صبغ وردي :

اختي العزيزة... انتي الظاهر عندج مشكلة نفسية مرتبطة بموقف معين.. و انتي عارفة هالشيء و هذا الغريب في موضوعج.. ليش ما تقعدين مع نفسج و تحللين الموقف اللي بسبته صارت لج هالحالة؟؟؟ ترى و الله ينفع.. انا مجربتها.. سمعيني اختي... انا لما كنت صغيرة.. كانت عندي نفس مشكلتج و مو بس جذيه كنت اركب الحروف فوق بعضها بعض و حالة.. و انا مع اني كنت صغيرة و اظن حتى اللي حواليي (زميلاتي في الصف) ما كانوا ملاحظين هالشيء او حتى مو فاهمين شنو يعني لاننا كنا كلنا يهال.. بس انا كان الموضوع مضايقني و مسبب لي احراج.. فتعرفين شنو سويت.؟؟ بديت ادور على السبب ... و حصلته.. و عاد انا علتي اخس من علتج.. سبة مشكلتي المشاكل العائلية اللي كانت عندي في البيت.. و كانت حالة التأتأة هذي تزيد عندي و توضح لمن اكون في المدرسة على وجه الخصوص.. و في البيت تكون موجودة بس خفيفة.. حاولت احلل نفسي (ما شاء الله علي اشتغلت محللة نفسية و انا بعدني ياهل خخخخ) و اكتشفت اني هالحالة تزيد عندي في المدرسة لاني كنت في حالة خوف شديد و رعب من انه حد يسالني عن الاوضاع في بيتنا شلون و يعرفون انه في بيتنا مشاكل.. تخيلي؟؟؟ و بديت اشجع نفسي (لاحظي اني بديت من نفسي مو من غيري.. لان ظروفي الخارجية كانت اقوى من اني اقدر اعدلها) و كنت اقول حتى لو عرفوا شنو يعني.. كل الناس عندهم مشاكل.. و بديت في نفس الوقت امسك المرايا و اطيح لج سوالف مع نفسي و مرات اقرا بصووت عالي.. اي شيء قران .. جريدة.. مجلة.. اللي يطيح في يدي.. بشرط اني لما اقرا اصرخ بصوت عالي و اتكلم بشكل متواصل.. و طبعا استمريت على الوضع ليومج.. و الحمدلله انا من افضل ما يمكن.. ما عندي تأتأة.. صح لحد الحين عندي حروف ما اقدر انطقها عدل او حروف تتداخل في بعضها لكن انا ما ابين اني متخوفة من هالشيء جدام الناس اللي اكلمهم.. عادي اتكلم و لا يهمني بثقة و بتحدي (و على فكرة انا قريت مرة انه الناس يقدرون يشوفون احساسج في نفسج من خلال تعابير ويهج) فلما الناس تشوفج واثقة من نفسج.. ما يهمها انتي شلون تتكلمين او شلون تنطقين الكلمات.. بل بالعكس انا صرت وااايد احب هالشيء فيني ... واااايد.. لا ميزني عن غيري.. و بعدين الناس صارت تعلق على طريقتي في الكلام و تعبر عن اعجابها بهالشيء .. و انا استانس.. و على فكرة.. انا طيحت ريلي بهالعيب :D يعني كان دايما يقول لي انا احب طريقة نطقج لهالحرف و طريقة كلامج و مرات تاكلين الحروف.. و انا بصراحة استانس وواايد لما يقول لي جذيه.. و بصراحة صرت احمد ربي على هالعيب مع اني لا زلت احاول اعدل فيه لان احيانا عن جد اخربط في الحروف.. فما تدرين اختي.. ترى الشيء اللي تعانين منه مو بالضرورة يكون مشكلة.. يمكن نعمة تشكرين ربج عليها باجر.. لا تحطين في بالج و اقراي بصوت عالي و سولفي مع روحج و ان شاء الله تتيسر امورج كلها...

اختي العزيزة... انتي الظاهر عندج مشكلة نفسية مرتبطة بموقف معين.. و انتي عارفة هالشيء و هذا الغريب...

العامريه :

اختي المشكله الكبرى اللي تبي لها حل هي نظرتك لنفسك.. مادامك تنظرين لنفسك انك ناقصه عن غيرك بسبب التأتأه فراح تظلين تعانين.. حطي ببالك ان كل انسان عنده نقص من جهه ماحد كامل مكمل.. كل اللي حولك فيهم سلبيات يمكن تغطي على ايجابياتهم..وانتي ماعندك مشكله الا التأتأه بس.. وزي ماقدرتي تواجهين مصاعب الدراسه وتتعدين المراحل بكل تميز.. تقدرين بكل سهوله تحلين هالمشكله بالتمرن والصبر كل شي يبيله صبر علشان يجيب نتيجه ... مو معناته ان مشكلتك معقده لاااا مافيه شي يحصل بيوم وليله.. انتي بس عدلي نظرتك لنفسك وركزي على مميزاتك والنعم الكثييييييييره اللي ربي وهبك اياها وحرم منها غيرك.. وشوي شوي بتتعاملين مع المشكله بمرونه وراحه.. الله يوفقك.

اختي المشكله الكبرى اللي تبي لها حل هي نظرتك لنفسك.. مادامك تنظرين لنفسك انك ناقصه عن غيرك...