تعبنا ....تعبنا ...تعبنا...الى متى يابنات عالم حواء

السلام عليكم
والله اني هالأيام كل يوم اصبر نفسي
بس معد قدرت اصبر:09:
بصراحة الواحد وصل حده من بعض ماينشر ومن بعض الردود
ولاأحد يزعل علي :)
عندي كم ملاحظة
أول شي نشر الاشاعات
بصراحة المنتديات صارت مكان لنشر الاشاعات
ويجيبون اشياء مو معقولة
والمشكلة ان البنات يصدقون (مثل حيوان الباي سي أو مدري وش اسمه)
ما اتعضتوا عقب اشاعة البنت العمانية؟؟؟!!!:angry2:
والشي الثاني
كل وحدة تحط تفسير من عندها
اللي تقول من الذنوب واللي تقول آخر الزمان واللي تقول المسيح الدجال!!!!!
ودائما تلقين وحدة تقول هذولي الغرب اللي يبون ينشرون الفساد:icon10:

والشي الثالث
المماطلة(وهذي ترفع الضغط بقوة)
تلقين الوحدة تبتز البنات ياتردون علي ولاماأعلمكم باللي عندي:30:
والمشكلة الأكبر ان البنات يردون عليها!!!!
أحس انهم كأنهم بزران يبون حلاوة

وفيه شي بعد
ان الموضوع تنزله وحدة وكاتبة عن شي معين (وعادة خبر أو اشاعة)
وتلقين وحدة ترد عليها وتجيب لها الخبر الحقيقي وان هالكلام مو صحيح
وصاحبة الموضوع تتفهم الخبر الصحيح (احيانا تكابر)
والمصيبة انك تلقين البنات يردون على صاحبة الموضوع (يا يتحسبون يا يقولون ماشاءالله)
والموضوع يروح صفحات بالعشرات
ياناس ياعالم ماتقرون الردود قبل تكتبون؟؟؟:angry2:


والمشكلة (مدري كم ؟؟؟)
اعادة وتكرار المواضيع والأخبار
وأكثر مايتكرر الاشاعات
وكل وحدة كاتبة عنوان يلفت النظر
واذا دخلنا لقينا نفس السالفة أو الخبر:09:
والمشكلةانك تقرا في بداية الموضوع مثل هالعبارة (حصل منذ اسبوع او شهر في مدينة خليجية كذا وكذا)
وأنا قارية الموضوع من سنتين:crap:


وفيه مشكلة بعض البنات الله يهديهم
يسوون ذكيات ويجيبون تفسيرات وتوقعات
ويربطون كل شي يصير بالذنوب وان هذا عقاب
أو نهاية العالم
مايدرون انه مايجوز ان الواحد يطبق الأحاديث والأدلة على الواقع ويقول هذا الشي هو المقصود؟؟
خصوصا أمور الغيب


والله أحيانا أحس ان اللي يردون ياأطفال ياناس ماتعلموا؟؟
كيف تصدقون هالأشياء؟؟؟
وتنقلونها بعد؟؟؟


ياناس ياعالم اتقوا الله فينا
تعبنا اشاعات
تعبنا مواضيع كذب
تعبنا تكرار التفاهات واجترارها


وتقبلوا سلامي>>>>وشو عقبه؟؟:26: