lome_1996

lome_1996 @lome_1996

عضوة جديدة

تعبني بأنتقاده الزايد !!!!!

الأسرة والمجتمع

بنات انا زوجي طفششششني دايم عند اهلي يطقطق علي !! تكلمت عن هالموضوع من قبل دايم يقلل مني ! مدري وش السبب القهر اني الوحيده من اخواتي اللي قايمه ببيتي ومو مقصره على زوجي بشي بشهادة اهلي دايم يقولوها مافيه مثل لمياء ست بيت والله ي بنات اني عادي باليوم اسوي صنفين ثلاثه واروح طبعاً انا وهو مانفطر ببيتنا طبع عايلته الكل يروح بيت الابو الكبير ونفطر هناك كلنا سفره وحده ومن زمان هالطبع لازم المهم ونظيفه ببيتي وهو حاطته بعيوني وعقلي كبير لدرجة واقسم بالله فيه رجال يقولو لو نبغى نتزوج نبغى مثل عقل زوجة فلان ( زوجي ) يعني انسانه اعرف اللي لي واللي علي وعقلي يوزن بلد وكلامي وسواالفي وشخصيتي يعني مو قاصرني شي ليه يحب يقلل مني قدام اهلي !! المشكله انه كويس معاي مره مو مقصر لا بفلوس ولا ببيت ومعاملته معاي حلوه مره بس عند اهلي مدري وش يصير فيه !! اذا سولفت يحاول يحشر لي بالكلام ويحاول يطلعني ان ردي اهبل وماعرف افكر !! اذا اهلي جو عندي يحب ينتقدني !!! اذا سويت طبخه يطقطق عليها والله ان اخواني دايم يقولو لميا ذهب ماندخل بيتها الا ريحة الباخور والقهوه والحلا انقهر لما يشوفوني مو مقصره وفجاءه هو يذم فيني اتمنى الارض تنشق وتبلعني وقتها المهم اليوم افطرنا عند اهلي ومسويه طبخه وحطيتها الا هو يقول وش ذي ! قلت شوف قال شيليها مانبغاها ويضحك قلت غيرك يبغاها قال لا لا صدقيني محد يبغاها ويبتسم دخلت ورحت ارسلت له بالواتس كلام يسم بدنه وهو جالس على الفطره مع الرجال قهرني وفوق كل ذا مسويه صينيه عشانه طلبني عاد خلص فطره وارسل لي اخوي يقولي تعالي اجلسي معانا قلت مابغى بنام ويرسل اخوي يحاول فيني رفضت راح يدق علي تعالي ابغاك وبعد محاوله جيت ويحاول يسولف معاي ويمدح الصينيه ويعطيك العافيه ماعطيته وجه بعد وش !!! ورجعت بيتي واللحين رايح وبيجي ي بنات طقيتتتت يمكن تشووفو الموضوع تافه بس والله مابالغ جلسته كلههاااا ذم فيني يقول لاهلي فاهيه ماتعرف تفكر مخدوعين فيها انتو ! لما احد يمدحني هو يذم ! يقول بس اغلاطي طبيعي الانسان يغلط !! مثلاً مره غلطت خلاص يقعد يقولها لاهلي طيب ليه ماتقولي حسناتي اللي مغطيه عين الشمس ؟ المهم هو لما يجي اللحين ازعل زعله قويه مارضى ولا اتكلم واقول كل اللي بقلبي !!!
10
2K

يلزم عليك تسجيل الدخول أولًا لكتابة تعليق.

تسجيل دخول

lome_1996
lome_1996
ملاحظه * عند اهله مايسوي هالحركات ابداً عند اهله مره يحترمني !!!!
lome_1996
lome_1996
انا هالمره زعلت لاني قلت له عن هالموضوع من قبل بس ماكثر كلام اقول كم كلمه واسكت ومافاد !
ستورمي المزيونه
غريبه انه مايستحي من اهلك ؟ ويستحي من اهله ؟!
الله يسخره لك يارب يمكن لان شايف اهلك يمدحونك ومبسوطين منك وشايفين انو مافي مثلك
فهو يحس بالنقص عشان كذا يحاول يقلل منك قدام اهلك ويطلع هو بصورة اني انا احسن وافضل من بنتكم
NewMum
NewMum
-
شوفي صح الحركة تقهر..
بس يمكن هو يمزح معااك ويحس انه عادي قدام اهلك عشان تمونين عليهم..
ويمكن ماوده ان اهلك شافينك بهالسنع ووده يخليهم يغيرون نظرتهم لك.. لان يمكن هو يحس ان اهلك يشوفونك كثيرة عليه..
المهم بما انك ارسلتي رسالة بـ الواتس وهو حاول يسولف ويتقرب منك خلاص ارخي معااه واضح انه حس بـ غلطته..
الله يسخره لك ويخليكم لـ بعض.. 💕
lome_1996
lome_1996
غريبه انه مايستحي من اهلك ؟ ويستحي من اهله ؟! الله يسخره لك يارب يمكن لان شايف اهلك يمدحونك ومبسوطين منك وشايفين انو مافي مثلك فهو يحس بالنقص عشان كذا يحاول يقلل منك قدام اهلك ويطلع هو بصورة اني انا احسن وافضل من بنتكم
غريبه انه مايستحي من اهلك ؟ ويستحي من اهله ؟! الله يسخره لك يارب يمكن لان شايف اهلك يمدحونك...
مدري لاني عند اهله من زمممان حاطه هالموضوع له حد اي شي عنه ماتقوله بس عند اهلي عجزت تكلمت مافيه فايده ! انا فكرت نفس تفكيرك