تعب قلبي تعالو شاركوني يمكن تفيدكم تجربتي والاقي منكم كلمه تساعدني

وربي تعب قلبي

انا ياناس ماعاد فيني عطاء من طفولتي وانا متكفله بالكل ومحد تكفل بي
طول عمري شايله هم الكل ومحد شال همي
تعودو كل اللي حولي ارعاهم واشوف طلباتهم واشيل همهم
شلت هم تزويج اخواني وخواتي واهملت بيتي وزوجي وانا اجري اجملهم قدام الناس
وكل واحد صار في بيته وتزوجو ونسيو من تعب لهم تعاملو معايه كأنه ذا واجب عليه

تخيلو حتى يوم زواجي محد كان حولي ولا يرعاني شلت هم نفسي بنفسي محد علمني ولا تكفل بشئ لي
انا ادور واسأل وكانت حياتي تجارب في تجاب معظمها جاب لي الالم

ومازلت اعطي حتى ماديا اتسلف من زوجي عشان اعطيهم

زوجي رعيته اهتميت فيه حسسته ان مالي متطلبات وراضيه باي شئ مع الوقت اهملني ولمن جيت ابين له احتياجي صار يوفر يوم وينساه شهر
ماتتخيلون حتى الطلعه اذا طلعتها كأنها واجب عليه يسويها بتكلف واذا رجعنا يصير زي اللي ادا مهمه وخلصها وماشاف فيه متعه له

كان عندي حاله هي اني الغي نفسي واهتم باللي حولي بشكل اذاني في نهاية الامر
ماشفت غير الجحود وسوء المعامله

والحين يابنات عندي حالة تعب قلبي
خلاص ماعاد عندي شئ اعطيه لحد صار عندي تبلد اللي يزعل يزعل واللي يرضا كيفه
ماصرت اتصل بحد ولا اكلم حد مالي رغبه مو قادره
حتى ناس زمان كنت اكلمهم واواصلهم وكانو يسمعوني سم الكلام ماصرت اقدر اواصلهم ماعدت استحملهم زي اول

حاسه اني استهلكت بضم الالف وكسر اللام

ماعاد همني لو الكل قاطعني لأنكم ماتتخيلون قد ايه جريت وراهم وتعبت عشانهم
ماصار حد يعني لي اقسم لكم بالله ماشفت منهم الا النكد والمشاكل

قبل ما اكتب لكم بحوالي سنتين جاتني حالة اكتئاب ومرض نفسي نزل وزني وماصرت انام وانا مو عارفه السبب رحت لشيوخ و استشاريين نفسيين بالنهايه اناعرفت مشكلتي
مشكلتي الي حولي نفسي اجهدت حتى اخر رمق

الحين الاحساس هذا محيرني حاسه براحه فيه بس مو متعوده عليه اخاف يكون له تأثير او شئ
مع اني ما اسأت لاحد لحد الان لكني اكتفيت بالبعد

ماصرت اقدر ارعى احد حاسه اني ابغى احد يرعاني ( كتب لكم هذا السطر وبكيت )
نفسي احد يرعاني يهتم بي مثل ما اهتميت بالكل وشلت همهم
محد شال همي محد .......................
حاسه برغبه ان احد يحتضني يقولي معليش جالسه اكتب لكم الحين وابكي
نفسي احد يفكر في حل مشكله من مشاكلي يشيل همي ليله
من شيل هموم اللي حولي جاني القولون العصبي والمرض النفسي

بالله يابنات فيها شئ مشاعري هذه انا غلطانه
للاسف موقادره اغصب نفسي على ماكنت عليه
لدرجة اني نفسي اعيش في جزيره لوحدي مع ناس ما اعرفهم ويكونون بس معايه عيالي
همي الوحيد الان هم اطفالي بس

من برا بيتي ماعاد يهمني شئ ................................................................
صرت استمتع بالجلوس وحدي عكس زمان لمن كنت اكره الجلوس لحالي ومع نفسي

بنات تعتقدون هي صدمه من الواقع ولا مرحلة عمريه ولا ايش لأني دقيت الثلاثين وصار فيني نضوج اكثر وصرت اقدر احدد اللي ابغاه ويهمني
لأنها تجاوزت تكون مرحله مؤقته
وبصراحه هي مريحه باستثناء احتياجي لمن يحبني لذاتي

نفسي اكون صداقه الاقي فيها متعتي وتسليتي وراحتي شخص ارتاح معاه ويكون بيننا تجرد وصدق مو شرط ان هذه الصداقه تحقق طلباتي واحتياجي بس مجدرد فهم شعوري واستيعاب مايدور في خاطري
تصدقون اني في فتره كان اخويه الصغير اروع صديق بس تزوج تغير كل شئ
وجربت يكون لي صداقه مع زوجي لكن صعب جدا جدا
فكرت في اختي بس ماينفع لأني احسها تتأثر بي وهي كمان صغيره علي
وصديقات الدراسه مشغولين بحياتهم

جربت اجعل من كل وحده تقرا خاطرتي وتحس بيها صديقه سمعتني ولو ردت سمعتني وشاركتني
يهمني جدا ان حتى لو وحده تقرا كلامي تحس فيه

وما ادري وضحت لكم الصوره لأني لمن كتبت ارتحت