تعب نفسيتي وربي

السلام عليكم
بنات وربي تعبانه واحترت مع هذا الانسان ردو علي اليوم بس وبمسح الموضوع حتى مالي نفس اقراه مره ثانيه😔
ماني عارفه اشكي لمين واتكلم او ايش اتصرف او اني مكبره الموضوع مدري
تعبت منه ونفسيتي صارت تعبانه بس متنرفزه ومعصبه مالي نفس اتكلم واضحك وحتى عباداتي مع ربي قصرت فيها بسبب الحزن والله العظيم مابالغ
هو كان يبغاني من زمان وتزوجنا الحمدلله بس يابنات قلب
يدقق فكلامي زياده ويقول تقصديني مايتحمل كلمه مني حتى لو انها سوالف عاديه
مايجلس دقيقه فالبيت لا اكل ولا شرب ولا نوم معانا حياتنا كانت بسيطه وحلوه واغلب وقتها معانا الحين العكس
انا انسانه جذابه واجتماعيه وموظفه وظيفه مره كويسه
بس مايبين فعينه شي كل ماتزاعل معي قالي ماعندك عقل ماتفهمين ويطيح علي بالكلام هذا اللي يحطم وكانك ولا شي
شايف نفسه علي مره
والله حاولت فيه بالكلمه الطيبه قلت لوجهه الله والابتسامه واضحك معه واجامله بس بدون فايده مو عاجبه شي لو اقطع نفسي عادي عنده
بيتي يوميا ريحه بخور فواحتي ماتطفي بس اااه يالقهر يمدح مستحيل
بس تبغين شي انا طالع هذي كلمته
اكتب لكم وانا ابكي كلمته عشرين مره يقول ماتغيرت مافيني شي
اخر مره اللي انسدت نفسي عن الحياه معاه مره قبل شهر كنا مسافرين ومن مشينا هو مبوز واحاول فيه واضحكه واسولف وهو كني موديته للموت الحين اخذين اجازه وطالعين بنتونس تقوم تبوز كذا
ولما وصلنا كلمته اش فيك ي فلان اخلاقك شينه معي وربي بس كلمتي ذي قام انهال علي بالعصبيه والكلام والسب واخلاقك انتي اللي مدري اش فيها
ساعتين وجا كلمني ماكان قصدي انتي رفعتي ضغطي تتوقعون انه انسان طبيعي رفعته فايش وانا من مشينا اعامله بالحسنى واحاول اضحكه بس ع اي شي انتي رفعتي ضغطي
استغفر الله بس وانقلبت سفرتنا نكددد
المهم حياتي صارت معه غريبه مدري فيه بنت حرام فحياته
الرجال متغير مو طايق كلمه مني ويفسرها ع كيفه
وبس متنرفز ومعصب علي واحسه يكرهني كرهه فضيع
ورافع يده من مصروفي كل ماقلت شي قال معك راتبك
وش الحل وربي تعبت نفسيتي
ماعاد هو طايق وجودي ولا سالته قال لا احبك
ودي يفكني شره بس مابغى حب منه
ساعدوني لو بكلمه
وش الخل انه شايف نفسه وحاط اني مافهم شي
مع العلم شهادتي احسن منه ووظيفتي احسن منه بس ماعمري حسسته بالفرق بالعكس متواضعه معه لاخر درجه
ابغى حل جذري يوقفه عند حده