تعتب من هالجسم ارهق نفسيتي

مرحبا بنات

مضايقه حدي
الوزن الزايد مطفشني
آخ بس لو انام واجلس اشوف نفسي رشيقه
واردافي نحيفه والبس بنطلون مقاس 30 بدل 34
اخ يابنات قمة الالم لما تلبس من فوق مقاس صغير ومن تحت كبري المقاس
والأمر من ذالك اخذ مقاس 34 للجينز ويدوب يكفي الافخاذ وعالبطن يصير واسع
قهر بقوه
نفسي اروح السوق واثق بنفسي ومقاساتي واخذ سمول وبس
مشكلتي اذا شفت نفسي زايده وسمينه والبنظلون ضاق علي احط حرتي بالاكل
ابي اكره الاكل ابي اصير حركيه ابي انام بدري واجلس الصبح نشيطه ابي اعيش شباب
اخ ياشبابي بتروح هدر
واذا سويت رجيم اسبوع او اسبوعين واخرب ام الرجيم وابوه
والمشكله هالحريم لاشافوني جلسوا يمدحون جسمك حلو
ولا من يشوفوني ضعفتي
طيب انا جسمي واعرفه اكثر منك
بس لان باللبس وخصوصا بالجينز والفساتين ماتبان عيوب جسمي
بس انا اشوفها ومطفشتني
قلت بروح مركز رياضي الوالد اعترض
قلت اجيب جهاز بالبيت جبته وسويت اول ماجبته وتركته
وبعدين
كيف اكره الحلويات كيف احب الرياضه
بجد ابي اسوي بس مالي مزاج الكسل ذابحني
كلا جالسه عالتلفزيون من مسلسل لمسلسل
تعبت نفسيا وجسديا