تعتقدون انه بسبب عينها وحسدها ؟؟؟؟؟؟؟؟؟؟؟؟؟؟؟؟؟؟؟؟؟

السلام عليكم









انا بقولكم سالفه صارلي فتره افكر فيها









انا متزوجه من سنوات والحمدلله حياتي احسها احلى حياة مع زوجي ماشاء الله



زوجي انسان خلوق وطيب ومحترم ويحب يخدم الناس ويساعدهم ولا يرفض لي طلب قايم فيني وفي بيتي وبناتي



كنا ساكنين في مدينه بعيده تبعد عن المدينه الي انا فيها ب 700 كيلو تقريبا



المهم كنا مستقرين في حياتنا ومبسوطين و اتعرفت على وحده وصرنا زي الاخوات دايم مع بعض وزوجي وزوجها دايم مع بعض نتقابل بشكل اسبوعي



صرنا مثل العيله الوحده



كان زوجها شديد ولعاب لا يطلعها ولا يجيبها ويشك فيها ويضربها يعني هي مو مرتاحه معاه ابدااااا وهي عندها ولد واحد فقط



المهم كنت اساعدها دايم و اعطيها الي فيه النصيب و اجيب لها هدايه و اي شي تحتاجه



حتى هي لو تبي شي من السوق تعطيني اجيبه لها وكانت تقول لزوجها اني جبته لها هديه لانه بخيل وياخذ الفلوس منها لو عرف معها فلوس



كنت اقول لزوجي كل شي واقوله انها تكذب على زوجها من ناحية المقاضي الي اشتريها لها بفلوسها واقوله لو سالك قله هديه مننا عشان لا يضربها ويبهذلها









المهم كانت دايم تقول انتي زوجك معيشك



انتي زوجك خاتم في يدك



انتي زوجك خروووف وتضحك وبصراحه زعلت من هالكلمه وعاتبتها عليها قلتلها عشان احنا متفاهمين وهو طيب معاي صار خروف ؟؟؟



المهم بديت اتضايق منها ومن كلامها وحاولت اتجنبها قد ماقدر خفت من عينها اعوذ بالله



وكانت دايم تكرر هالكلمه انتي زوجك يطيعك و زوجك مايرفض لك طلب زوجك ......ألخ









وماكنت اهتم مع الاسف انها ممكن تصيبنا بعين او حسد و طنشتها



ونقلنا للشرقيه بسبب ترقية زوجي من بعد مانقلنا حياتنا انقلبت فوق حدر



راتب زوجي زاد ماشاء الله بعد الترقيه لاكن صرنا نعيش في ضيق مالي بسبب ديون ماندري كيف تتراكم علينا



زوجي صار مريض وصار عليه حادث وقدر الله جاته اعاقه ولا يقدر يمشي ومشلول



كل يوم مشاكل مالها اول ولا اخر وعلى اتفه سبب بيتنا يصير معركه وحرب وصراخ وزعل انا وهو



صرنا مو متحملين بعض ابدااااا ودايم من مرض لمرض لمرض انا وهو



حياتنا الماديه صارت سيئه وحياتنا الاسريه على هاويه شوي وتنتهي صارلنا 4 سنوات على هالحال



دايم متضايقين دايم مريضين دايم متهاوشين



وقبل الحادث يوم كان موظف اهمل عمله ولا صار يداوم ودايم يغيب ويستاذن صار يتضايق حتى من عمله



والحين متقاعد وراتب التقاعد يالله يكفي للاكل والشرب والايجار وراتب سايق وفواتير ومصاريف اطفال وعلاجات ومدارس والله العظيم الحين ماوصلنا لنص الشهر ولا نملك غير 200 ريال فقط



زمان كان الشهر ينتهي وباقي من الراتب مبلغ كبيييير ماشاء الله عمرنا ماحتجنا شي ولا نقص علينا شي











انا الحين صارلي فتره صرت استرجع كلام الحرمه الي تعرفت عليها



صرت افكر واقول يمكن حسد وعين بسببها حسبي الله عليها



المشكله لو ابي من اثرها شلون اوصلها وهي بعيييييييييده عني جدا



ولا عندي احد يسفرني ويوديني لها عشان اخذ من اثرها



شلون اتصرف دلوني الله يرضى عليكم









اكيد بتقولون روحي لراقي شرعي والله العظيم بسبب قلة الماده عندنا مانقدر ندفع شي للراقي الشرعي خصووصا ان اغلبهم صارو ماخذينها تجاره وارتفاع اسعار



حتى الرقيه الشرعيه صارت لعبه وتجاره مع الاسف وغاليه جدا









وخصوصا زوجي مشلول مايقدر يطلع ويزل من البيت دايم وبشكل يومي ويروح لراقي شرعي ولو نبي الراقي يجي للبيت مستحيل يجي ببلاش لازم بمبلغ واحنا لو عندنا والله الظيم كان جبنا راقي للبيت لحدنا














الحين ابي اخذ من اثرها شلوووووووووووون ؟؟



ونبي نتعالج بالرقيه الشرعيه ياليت تدلوني وتعطوني ارقام مشايخ في مكه او جدة