اللى تتزوج زوج ثانى .. فيه احتمالات كبيره ؟؟.. غالبا مايكون عنده خير .. وتتزوجه الثانيه باعتبار انه بيوفر لها حياة فيها رفاهيه .. ولاتسألين ليه البنات يتزوجون ويصيرون زوجات ثانيات لكن السؤال موجه للزوج .. لانه هو اللى اختارها ولو مايبى يتزوج مايتزوج ولو بغى يتزوج لو ماعنده ولافلس يروح يتسلف من اخر الدنيا علشان يتزوج يعنى النيه تكون موجوده عند الرجل فى التعدد ..
وترا الحريم هالوقت ماعندهم مانع يتدحرجون على واحد متزوج حتى لو عنده درزن عيال
المهم تتزوج الحين بنات ال 18 وال 16 يتزوجون واحد متزوج عادى عندهم يعنى ماعندهم مشكله .. واللى يتزوجون ممكن يكون يحبون بعض وممكن هى كبيره تبى تلحق على نفسها وتتزوج وتجيب لها كم طفل .. وممكن مافيها الا انها تبى الزواج من انسان يحفظها ويشبع رغباتها كأنثى .. والرجال قليل ماهم مثل البنات اللى مثل الرز ههههههههههههههههههههه

على العموم انا كتبت رأئى وفيه رجال نفسهم رديه يبى يتزوج لان فلانه سمع عنها او يبى يغير حتى لو عنده ملكة جمال .. يدور التدليل ويدلع نفسه الحبيب ههههههههههههه

نعرف بنات تزوجوا وصارت الوحده زوجه ثانيه ومدللة
مشاء الله عندها سايق وخادمه الا مجموعة خدم .. وزوجها مدللها ومدلل الاوله لكن على حسب كل رجل
و برأيى ان ممكن تنتهى المشاكل اذا الواحد تزوج ثنتين انه يحط كل وحده فى بيت مستقل وكل وحده ماتشوف وجه الثانيه .. ساعتها كل وحده تقول وش همنى هذا طبعا .. اذا كان الرجل يعدل وصدقينى كثير اللى يعدلون .. وكثير اللى يخافون ربهم .. لكن على الاختيار وعلى حسب كل رجل .. وفيه ناس طالعه عينها من الزوجه الثانيه .. والغيره تاكل فيها والثانيه ولا على بالها المهم تكون مستانسه ويلبى لها كل طلباتها ..
يعنى هذا موضوع مفتوح والكلام فيه واسع ومتفرع .. يعنى كل شى يعتمد على نوع الزوج ونوع الزوجه ..
ولاتقول الوحده مانى بماخذه على مره .. يمكن بيوم ماتلقى الا هالشى قدامها .. لان الدنيا تخوف .. فيه بنات ابوها توفى واخوانها مع حريمهم يعنى محد يدرى عنها والسنين تدور وهى لوحدها وسبحان الله تجى فرصتها مع انسان متزوج .. وهكذا
يعنى السالفه نصيب ........
محد يدرى عن ظروف الثانى .. وفيه ازواج ماينلامون بزواجهم يمكن فيه مشاكل خاصه بينه وبين زوجته ممكن الزوجه تكون بارده وهالشى عيب عندها وهو انانى يبى رغبته وبس علشان جذى يتزوج ثانيه وثالثه .. وفيه رجال عندهم طاقة زايده ماتكفيه زوجه وحده .. والله اعرف وحده زوجت زوجها وحده ثانيه لانها ماقدرت تساير رغباته .. تقول تعبت منه ابى ارتاح .. والله هذا كلام واقعى .. والزواج بالاخير افضل من الانحراف وافضل من الزنا وافضل من انه يعاشر وحده بالحرام ويجيب لزوجته الامراض .. فكروا فيها وفيه حريم بس تسد النفس وماعندها غير هات وهات وماعندنا وعيالك يبون وفلانه سوت وفلانه قالت .. يعنى مانلومه اذا بحث عن الهدوء فى مكان اخر .. هذا يعتمد على شطارة كل وحده .. او يرجع يبى كلمة حلوه او طبق حلو من يد زوجته او يبى يشوف وحده ريحتها عطور ونظافه مايلقى الا ريحة الطبخ والبصل .. لاتقولون ابالغ هذا شى واقعى .. وفيه حريم مايعرفون العاطفه بس تبى فلوس من زوجها ومايهمها هو شنهو يبى منها ماعندها له لاحقوق ولا واجبات

لكن اللى يدبل كبدى اللى ماعنده مشاكل مع زوجته وهى ملكة جمال وماعليها قصور ويروح يتزوج وحده ماينعرف لها .. من البنات اياهم ... استغفر الله
يالله انك لاتبلانا

احم احم .....

انا ماتزوجت لسا صغيرة بس انا طبعي لازم ارد.....

انا اقولك لية يتزوجون.......

يمكن مايحس باهمية الزوجة لة او مل منها او صاير وقتها كلة لعيالها.......

طبعا الرجال اللهم لك الحمد مثل البزران كلمة تجيبة وكلمة تودية .... طبعا كلمة حلوة...

مو لاقي اسلوب حلو او حرمتة مو حلوة او او او او ..الخ.

اسباب كثيرة تخلي الزوج يتزوج على حرمتة.......

واكثر الاسباب يبي عيال ......

او حرمتة عجزت ويبي يتشبب.....

اتمنى كلامي زين ومحد ينتقدني .....

هذي نظريتي.... وسلامتكم ......

لاتحرموا ما أحل الله...كثيرات من رفعن هذا الشعار..وفي النهاية

قبلن بالأمر الواقع..الله لا يحدنا

ما دام الأمر قد أحله الله..ورب العزة يقول..مثنى وثلاث ورباع,,

أي بدأ بالمثنى ولم يبدأ بالواحدة..ورب العالمين خالق عباده ويعلم بعدم قدرتهم على العدل..

ورغم ذلك أحل لهم..ولو طلب الزوج الزواج بأخرى فما على الزوجة إلا القبول

لوجه الله تعالى فإن لم تستطع..فلتقل اللهم هذا قسمي فيما لاأملك فلا تؤاخذني فيما لا أملك

وكله بأجره ان شاء الله..أو فلتنتظر عقابا من الله إن فعل زوجها محرماً..

ولست أدري لم تشن النساء حربا ضد التعدد وضد الزوجة الثانية..

وهذا مما يجعل الفتيات يهربن من الزوج المعدد..خوفاً من نبذ المجتمع لهن..ثم تعاني مرارة

العنوسة وحدها..ومن الممكن أن تتجه نحو الحرام لتفرغ رغباتها الطبيعية

التي ننعم بها نحن المتزوجات..لأن الشيطان يجري منها مجرى الدم.. وعلينا إثمها..

فلتتق الله..من تحرم ما أحل الله

ومن تأتيها فرصة للزواج من رجل مستطيع ومقتدر..فلترمي خلفها شبح العنوسة مع ألسنة

النساء..اللواتي لا يعجبهن الحال بأي حال

أما إن كانت تستطيع الزواج بشاب عازب.. ولم يفتها القطار..فلتترك أزواجنا..ولترحم حالنا

لأن الغيرة داء..ابتلينا به نحن معشر النساء..ولا يعرف مرارة طعمه إلا من جربه

اللهم اجعل ثوابنا الجنة دون حساب..برحمتك يا ارحم الراحمين..