تعديل ممكن تساعدوني (طريقتكم بالنقل والتعزيل)

فيه شركات تنقل كل شي وتغلف لك كل الادوات والاشيا وتنقله لك مرتب وجاهز ومغلف بدون ماتتعبين شوفي المبوبه وبتحصلين كثير

اول شي راح تحتاجين_
١/ كراتين : من ساكو او من اسواق الجمله او من عند التموينات او ممكن تطلبينها من امازون
٢/لصقات عريضه ( تيب ) من النوع القوي
٣/ببل راب : اللي هي الفقاعات اللي تغلفين فيها اي شي قابل للكسر تلقينها في ساكو اوممكن تطلبينه بعد من امازون او جرايد او فوط
وابدئي عبي على راحتك وكل كرتون تخلصين منه اكتبي علي وش فيه ووين موقعه واذا فيه شي قابل للكسر غلفيه بالببل راب و اكتبي عليه بالخطاط مثلا /
مواعين المطبخ اكتبي على هالكرتون: المطبخ-طقم السفره وبعدين بالخط العريض اكتبي قابل للكسر..

وبعد ماتخلصين سجلي كل المعلومات عندك في ورقه عشان تتاكدين مانقص منها شي اذا وصلت ..
وحاولي تبدين قبل بمده كافيه عشان ماترهقين نفسك..
ونصيحتي لك ابدئي غرفه غرفه ومن الاقل اهميه وافرزي من البدايه اللي للجمعيه الخيريه و حاولي الملابس الشتويه تكون باكياس ضغط اهون لك واسهل في النقل ..
وووووو على فكره شركات النقل بتشيل عنك هم بس مافيه مثل انك ترتبين اغراضك بنفسك 😚😚
طولت عليك بس حاولت اجمع كل اللي في خاطري
وسلامتك 🙈
وعالبركه المنزل مقدماً الله يجعله منزل مبارك عامر بالذكر و الطاعه 😘😘


🍃🌸

شكولا ونساني باقي البنات انا ابي ارتب أموري عشان اعرف اللي للصدقه واللي لي

السلام عليكم

بالعكس ياغالية موضوع مفيد الله ييسر امورك

شوفى رد مملكة الاخاء واتمنى انها تفصله وتنزله بموضوع مستقل

افرزى هالايام كل اغراضك ملابس مواعين ادوات وبالكراتين اللى للجمعية

بجنب واكتبى عليه والخاص فيك بجنب واقولك طريقة اختى كانت ترقم

الكراتين وبدفتر تكتب رقم 1مثلا فيه كيت وكيت

وكل نوع بكرتون حتى الملابس كل ملابس فرد بكرتونة

مبروك عليك البيت وان شاء الله وش السعد والهنا

خلي زوجك يجيب كراتين فاضيه حطي فيها اغراض مطبخ وقفليها بلصق عريض
والملابس اي اكياس كبيره