بسم الله الرحمن الرحيم
السلام عليكم ورحمة الله وبركاته
اول شي احب اشكر كل خواتي بنات حواء لاني فعلا استفدت منهم ومن المنتدى اشياء وايد غيرت حياتي للافضل
ونجتني من مصايب وهموم وايد الحمدله طبعا بإرادة الله وحده سبحان الله
اليوم حابه اخبركم بسالفه صارت من يومين تقريبا لي ولزوجي ولاولادي
احنا متعودين اخر الاسبوع نروح بيت اهل زوجي خالتي وبيت اهلي نفطر عند اهل زوجي يوم وعند اهلي افطر يوم المهم :22:
واحنا طالعين بالسياره مسافه تقريبا ثلث ساعه المهم بنص الطريق واحنا مندمجين والحمدلله متوكلين على رب العالمين
شفت 3 شاحنات كبار وانا دايما انبه لزوجي لو شاف شاحنات يخفف السرعه ولا يجاوزهم بسرعه المهم نبهت زوجي يخفف شوي والحمدلله خف بس شوي :angry2:
لان هم بالسيد اليمين واحنا باليسار بس زوجي الله يهديه دايم ما يحط بباله ايش ممكن يصير فجأه وهذا درس له بعد
فجأه ما ادري كيف طلعت شاحنه كبيره من امام الشاحنات وكانت تبا تاخد يسار عشان تلف وطلعت فجأة بدون احم ولا دستور :angry2:
واحنا طبعا كنا ماشيين بامان الله ونتفاجا فيها امامنا تخيلو ومافي وقت نلحق نخف السرعه :eek:
انا تجمدت وما عرفت اقول شي سبحان الله بس ما حسيت اني خفت بس ما تكلمت وحطيت ببالي ان خلاص راح ننصدم بالشاحنه والضربه بتكون صوبي اكثر :eek:
حتى ولاقلت لاولادي اتمسكو ولاشي من الصدمه بس كان عندي احساس قوي ان ماراح يصيبنا شي حتى لو صدمنا الشاحنه
وسبحان اه بعدها ماعدت اتذكر كيف نجينا من الاصطدام ابدا مع أن كان بينا وبين الشاحنه تقريبا شبر سبحان الله
والحمدلله بس زوجي ماسكت له خلاه يوقف الشاحنه ونزله وكان بيضربه لان كنا خلاص بنروح فيها وهم ماهمهم
بس الهندي حليله اول مانزل همني مع اني كنت ابا اصفعه بس يوم شفت شكله كيف كان خايف ويبكي ويترجى زوجي لا بعد يبوس رجول زوجي ههههههه زوجي عاد عصب عليه عشان مايكررها وخد رقمه لان زوجي يشتغل بالشرطه بس عشان يخوفه وما يستهين بحياة الناس :09:
الحين بخبركم شو الي انقدنا من الموقف طبعا اول شي إرادة الله سبحانه وتعالى
ثاني شي قول الله تعالى وما كان الله معذبهم وهم يستغفرون
انا الحمدلله متعوده بالدرب اخد مسباحي واقول الاذكار واستغفر طول الدرب وبوقت الحادث كانت المسبحه بإيدي قاعده استغفر الحمدلله
طبعا انا ملتزمه بالأذكار والأستغفار الحمدلله يوميا من غير الصدقه الي تكف البلاء عن الإنسان
والصلاة والدعاء والقيام انا لا احب ان اتكلم عن عباداتي والله كن فقط لأشجع اخواتي ان لا يياسو من رحمة الله
وان يلزمو الاستغفار والأذكار والتسبيح وقراءة القرءان والقيام لانها تغير حياة الشخص وتقدك له كل الخير
وارجو ان اكون افدتكم بقصتي الحمدلله
انا
أم عبادي وحسن @am_aabady_ohsn
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
الله لا يعرضكم لمكرووه ,,