تعرفت على ذئب بشري ..ما الحل؟

اعذريني لو قلتلك في ان صديقتك هذي انسانه فارغه تافهه من الداخل وآسفه على الفظ

ولا اش يخلي بنت في العشرين تركض خلف رجل في الاربعين ؟؟

فهميها ان رجل مثل هالسن ان عنده تجارب لاتعد ولا تحصى مع البنات وان نظرته لاي بنت تجري وراه انها سااقطه
وانها مجرد تسليه لين يبلغ مبتغاه وبعد كذااا اذا هي ما تركته هو راح يتركها ويدور غيرها ..بس بعد ايش يتركها ؟؟
بعد ماتكون ضحية

اسفه على الرد القاسي شوي بس هذي هي الحقيقه

قوليلها ان نظرة الشتب للمرأة غير نظرة المرأة للشاب ..
انزين ليش ما يزوجها اذا اهو يحبها ؟؟
و قوليلها لو اختك على علاقة مع شاب شراح تسوي فيها ..
ان قال لها بذبحها ختعرف قيمتها عنده
و ان قال لها عادي ختعرف انه انسان ديوث ما عند غيره
و مشكوورة على انج فكرتي تساعدينها

لو المسأله بس مسألة سن كان الامور هانت

اطلبي من صديقتك تطلب منه يتزوجها او يخطبها عالاقل وساعتها بتعرف قيمتها عنده مع اني اعرف ان هذا النوع من العلاقات البنت تكون مالها قيمه قدام الرجل

مشكورين يا قلبي على هالتفاعل الراائع معاي .. ..

الصراحه يا بنات ...الشخص هذا مو عااااادي يعني شاااذ وتصدقون انه يلوع الجبد وجيكر حده ..ولا بعد اصلع يا بناااااااااات تصدقون انه يقولها انه يعترف بعلاقاته مع البنات ...ولما قلتلها ان هذا مايحترمها ولا يخاف على شعورها قالتلي انتي غلطانه وهو انسان صرررررررررريح جدا <<هي افهمت بجانب ايجابي ..

وفوق كل هذا يقولها ويتفاخر بعلاقاته القذرة مع البنات ويقولها انه يسافر ويسوي اشياء<<يستحي الواحد يكتبها ..


ورغم كل هذا انها تقول انه صررررررررررريح وخلوق...
والصراحه هو مايحترمها لان يقولها عن سوالفه مع البنات الثانيين وشنو يسوي معاهم <.<والله يستر عليها لان شكله بيوديها بمصيبه..
واهلها يشتكون منها ..ويقولن البنت ما قامت تعلمنا كل شي وكله تقول ..خصوصياتي
وهو ماراح يتزوجها ويقول ان الحب نهايته حب مو زواج ويبي يتسلي فيها ويطلب منها تروح معاه المطاعم ..وللاسف راحت معاه ..وماادري شنو صار معاهم ..وكل مااسلها تقول اسراري ..وهو مو متزوج؟؟<<راعي سوالف
انصحوني وش الحل .....لا تحرموني من ردودكم وتفاعلكم معاي

خبري اهلها يختي وبري ذمتك قدام ربك

اوكي بتقولين صديقتي مابي افضحها عند اهلها
تنفضح قدام اهلها سترها وغطاها مو بعدين تنفضح قدام الله وخلقه ولا يسويلها بلى هذا القذر