تعرفت على وحدة و بديت أندم

أولا السلام عليكم يا حواءيات
ثانيا بدخل بالموضوع بدون مقدمات
أنا يا بنات ماعندي صديقات و نفسي اتعرف على بنات. المهم من حوالي شهرين تعرفت على وحدة حبوووووبة و طيبة و اخلاقها مرة كويس و الحمدلله عيالها متربين و قمة الأدب و يحبون يلعبون مع ولدي وحيدي. الشي الوحيد يلي مزعجني انها من بلد xxxx عندهم الشيشة شي عادي. كل قعداتها حريم و شيشة و سوالف و ضحك. الحق أنها مو مقصرة ببيتها و هم عندهم هالشي طبيعي مو عيب. أول مرة رحت عندها و شفتها هي و الحريم يشيشون, هالشي براحتهم بس انا ما احب اقعد معهم احس اني مختلفة عنهم. أنا احب الجمعات يلي فيها أكل و شاي و قهوة و كلام ووناسة. للأسف هم ما يهمهم الاكل, مجرد شيشة و مكسرات و قهوة تكفي. من يومها هالحرمة عزمتني عندها أكثر من أربع مرات وانا كل مرة اعتذر بعذر. الحين أنا ودي ارد لها العزيمة و اعزمها عندي من باب الأدب وما عندي مانع تجيب هي شيشتها معها ان كان هالشي يريحها و عشان ما اجرحها و انا ازين لها قهوتها و مكسرات. هي بنفسها قالت لي اهم شي عندها شيشة وبس ومستحيل تمد يدها عالاكل يعني مافي داعي اتعب نفسي بالمطبخ. بس كيف اقولها اني ما احب الجمعات يلي ببيتها بدون ما أجرحها؟ أحس قعدتي معهم غلط و انا قاعدة بروحي بالطرف. أنا ماودي وحدة تقولي حرام ومو حرام, لو كنت أشيش كنت استانست معهم, بس أنا ما احب هالشي ولا ودي اروح. و بنفس الوقت حبيت هالانسانة.. كان ودي اتعرف عليها عشان نطلع الأسواق سوا او نطلع العيال يلعبون بالحديقة, بس للاسف قالت لي هي ماتحب هالسوالف, ماتبي الا قعدة شيشة.. والحل؟؟؟ تعبت وانا اكذب عليها و ادور اعذار