تعرفت على وحده .. لكن وش تفسرون هالشي ؟؟

السلام عليكم ..
انا عمري 23 سنه تخرجت من الجامعه والتحقت بدبلوم تربوي وصرت اطبق بمدرسه . المهم كانت معلمة الماده مرررررررره طيبه اتعب وانا اقول حبوبه ماشاء الله
وعطتني رقمها عشان اتواصل معاها وتحدد لي الدروس اللي بشرحها لاني مااجي للمدرسه الا يوم واحد فقط بالاسبوع . طبعا كانت جدا متعاونه معي وكلامها ينقط عسل ماشاء الله
وكانت تقولي والله انا اعتبرك زي اختي واحبك , ومره جات عندي بالغرفه اللي جالسين فيها وتقول ماابغى شي بس جيت اسلم عليك .
يعني ماشاء الله احسها مهتمه جدا فيني ودايما تقولي ودي اخدمك بعيوني وماودي تشيلين هم بالشرح وتسويلي عروض للشرح . وكنت دايم اذا داومت اروح اسلم عليها حتى لو ماعندي حاجة واسولف شوي ومره عطتني هديه . الله يجزاها خير . واخر يوم عطيتها هديه شكر لها على تعاونها وطيبتها معي وقالت لي انا ماعندي شي ال*** الثالثه تعالي عندي بالفصل خلينا نسولف مع بعض قلت اوكي .. ورحت وسولفت معي وسولفت عن حياتها وحبيييتها كثير .. وكانت تقولي بفقدك بس راح نتواصل باذن الله ماراح ننقطع عن بعض قلت اوك (( للمعلوميه هي مهاي كبيره مره تقريبا عمرها 30 اتوقع )) تقول لي ثلاث سنوات متزوجه ومتوظفه .


وخلصت التطبيق وصرت انا ابادر اسلم عليها بالواتس واشوف اخبارها بس محادثه قصيره ماقد تعمقنا بالسوالف وفرحت كثير .
ومر اسبوعين ماكلمتني قلت خليني انا اكلمها , وفعلا كلمتها بالواتس وكنت اقولها ماراح انساك حتى لو انتي بعيده عن العين وفرحت كثير وقالت لازم نشوف بعض وبكلم امك واعزمكم باذن الله .. ومره شافت حالتي بالواتس كنت كاتبه اني تخرجت من الدبلوم وفيسات فرح وكذا .. وباركت لي الله يجزاها خير
لما صار هالاسبوع هذا قلت خليني اعزمها بالبيت دامها تقول بعزمك انتي وامك . ويوم الخميسعزمتها قلت لها تعالي السبت وقالت ارد لك لانه احتمال اسافر الرياض ( هي من اهل الرياض اساسا وساكنه بالقصيم ) قلت خلاص انتظر ردك . بعدين ردت الجمعه قالت مايمديني حبيبتي السبت ..




بس ماادري ليش احسها تجاملني كثير احسها ماتبغا نستمر بالتواصل بحكم فارق العمر واني ماتزوجت .. ويارب تكون اوهام . بس مادري ليش يجيني احساس انها مو صادقه يوم قالت مايمديني السبت احسها تختلق عذر . لانه انا اللي ابادر واكلمها بالواتس وهي ماعمرها بادرت مع انها كانت تقولي بأيام التطبيق راح نتواصل


هل ممكن انه تكون ماتبغاني عشاني اصغر منها ..؟؟؟
والحين ماادري هل اعزمها مره ثانيه بعد العيد بس اخاف انها ماتبغا وتجاملني واصير نشبة حلق!!!!!


وشرايكم وش اسوي هل استمر اتواصل معاها بين فتره وفتره او انساها تماما ؟؟ وكيف اعرف هل هي صادقه معي او تجامل ؟