تعرفت عليها بالغربة وندمت ..

هلا يا عمري, ان شاء الله البنات يفيدوكي اكثر مني بكلامهم و خبراتهم خصوصا المبتعثات و المرافقات منهم.
بس بقلك شغلة, يمكن انتي غلطانة اللي ما رحتوا زرتوها ببيتها من اول ما جيتي, يعني زرناكم زورونا << حتى لو بدون عزيمة, كان الاولى تخلي زوجك يتصل يشوف ايمتى فاضيين تزوروهم.

قولك انك حسيتي انها مش مرتاحة لوجودك ببيتها مرة لما زرتيها و كانت الزيارة فجأة ممكن يكون السبب انها ساعتها مش فاضية او وراها امتحان او هوم ورك او حتى لحظات فضت فيها حبت تقضيها مع زوجها لوحدهم او طالعين مشوار و وجودكم لغى مشوارها او او او حطي ايا احتمال ممكن يكون.

اما عن كلامها اللي قالته قدامك عن اذبح و الناس تاكل, طبعا مش قاصدتك لانها اساسا ما عزمتك, قاصدة الناس و يمكن اتأذت منهم او هيك شي.
و انتي بنفسك قلتي لها:
فهي يمكن شايفتك من طريقة معاملتك و كلامك انك عاذرتيها و لهيك هيك ماخذة عليكي مأخذ يمكن الاخت لاختها خصوصا من كلامك اللي اقتبسته لو انا مكانها كان هيك حسيت انه انتي الوحيدة اللي حاسة فيا و الله يقدرني ارد لك جمايلك << فمعلش ان اتعديت على حقوقك شوي لانك عاذرتيني (يمكن هيك هي حست).


اما انك تحاولي تبعدي زوجك عن زوجها, لا ما الك حق, مش شرط انه زوجي يصادق ازواج صديقاتي و لا شرط اني اصادق زوجات اصدقائه و ياما حاول زوجي يجمعني بزوجات اصحابه لكن لاني ما ارتحت معاهم و ما حبيت جلساتهم طلبت منه الآتي: معلش حبيبي انت اصحابك الك, بليز ما تحطني بمواقف محرجة و تفرض علي زوجاتهم. و انتهى الموضوع عند هون الحمد لله.

تواتا حبيبتي احنا اول ما وصلنا ما عندنا سيارة ...وهي من اول ما تعرفت عليها توضحلي انها مو فاضية تدرس
و الاصول اني وصلت جدبد هي تعزمني موا انا اعزم حالي ..مع العلم اني ادرس اونلاين وزوجي يدرس وابني يدرس واطفالي صغار .. يعني الحال %u

صراحة انتي عداكي العيب متل ما بقولوو واتصرفتي باصلك بس انا لو مكانك اللي ما بعبرني ما بعبره مدامك انتي حسيتي انها ما بطيق حدا يدخل بيتها سواؤ انتي او غيرك خلص اختصريها وما تفكري بزيارتهاااا ...
وبالنسبة انك تمنعي زوجك يصاحب زوجهاااا غلط لانه اول شي زوجك مرتاح معه وتاني شي الرجال ما بحبوو الست تتحكم في علاقتهم الاجتماعية خلص احكي لزوجك انا ما انسجمت مع زوجته وبلا من علاقة العائلات بينا خليها مقتصرة ع سهرات الشباب وووبس

مادري يمكن مو اجتماعيه
او تحقر عمرها تستقبل او تضيف
وتطبخ خلاص خلى علاقة رسميه فيها
وزوجك عادي يطلع لصاحبة بس مو فى البيت
واذا بتجيك صرفيها

حبيبتي توتا .. كيف ازورها وانا بس من اسبوع واصلة وما عندنا سيارة <<لو انا بنوي الشر كان بقول الاصول هي تعزمني لاني جديدة عالبلد يعني رمضااااان وكانوا عازمين ناس باحد الايام وما عزمونا ؟؟؟

و الشي التاني انا ما زرتها فجأة او مقصود بالعكس زوجها دل زوجي علي شقة جنبهم وكان الموعد قبلها بيوم يعني عارفيين انه بنجي بنشوف شقة <<< ومع ذلك ما قال لزوجي تفضلوا وانا كنت حاضرة الموقف الا بعد جهد ولما دخلت عليها لاقيت انها انسانة تانية ما ودها بالزيارة << طبعا عزت علي نفسي كانت الزيارة خفيفة جدا اقل من ربع ساعة ...

شكرا توتا علي ردك ..