مافيه صديق الحين الا نادر

ماعرف اميز لان ماعندي صديقات صديقتي كانت بنت عمي🐍
اخر زميلة لي عام٢٠١٤ كان زميلة في الدوام .

ماعاد في صداقه هذه الايام.....احس كل شي تغير...كل حدبغا يصاحبك من اجل المصلحه فقط عندك شي كلهم بغوا يصاحبوك
ماعندك شي محديصادقك
الله هوالحبيب والصديق والرفيق الذي لايتغير......

تكوين الصداقات احس وانا بنت كان اسهل من الحين مدري ليش بس زمان كل مارحت مكان صرت صديقة احد ههههه الحين لي سنتين ماضفت ولا اي صديقة جديده لحياتي !!
يمكن لما تصير عندك مشاغل ومسؤوليات ماعاد تركز مع الناس وتشوفهم كلهم اشخاص عابرين فقط وماتتعمق معهم..
او يمكن عشان ماعاد في مشاعر صادقه زي زمان والناس تغيرت 

بالنسبه لي اشوف ان اغلب الناس ما يقدرون يفرقون بين الصديق و الزميل و المعرفه
الصديق هو الشخص اللي يكون رفيق لك في مراحل حياتك من سنوات جمعتكم مواقف وظروف وكبرتوا مع بعض على الحلوه والمره ولا زلتو مستمرين وكأنكم شبه اخوه
اما الزميل هو اللي تجمعكم اماكن الدراسه او العمل وممكن يحصل بينكم تواصل وروحات وجيات ومواجيب لكن يبقى بينكم حدود ويمكن شوي رسميات ويمكن في أي لحظه طرف يروح او يغيب وينتهي وجوده في عالمك
والمعرفه هو الشخص اللي الظروف او الحياه تعرفنا عليه سواء جيران او سفر او بمكان عام او مناسبه نلتقي بناس نتعرف عليهم ونتواصل وممكن نروح ونجي معاهم لكن نفس الزميل ممكن بأي لحظه يختفي وتنقطع المعرفه
يعني مو كل شخص سولفنا وضحكنا واكلنا وشربنا معاه نسميه صديق وهو بالحقيقه ليس صديق هو مجرد زميل او معرفه لا اكثر